| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. து³தியமாரபாஸஸுத்தவண்ணனா
5. Dutiyamārapāsasuttavaṇṇanā
141. அனுபுப்³ப³க³மனசாரிகந்தி கா³மனிக³மராஜதா⁴னீஸு அனுக்கமேன க³மனஸங்கா²தங் சாரிகங். ஏவங் ஹி க³தேஸூதி ஏவங் தும்ஹேஸு ப³ஹூஸு ஏகஜ்ஜ²ங் க³தேஸு.
141.Anupubbagamanacārikanti gāmanigamarājadhānīsu anukkamena gamanasaṅkhātaṃ cārikaṃ. Evaṃ hi gatesūti evaṃ tumhesu bahūsu ekajjhaṃ gatesu.
ஆதி³ம்ஹி கல்யாணங் ஏதஸ்ஸாதி ஆதி³கல்யாணங், ததா² ஸேஸேஸு. ஸாஸனஸ்ஸ ஆதி³ ஸீலங் மூலகத்தா. தஸ்ஸ ஸமதா²த³யோ மஜ்ஜ²ங் ஸாஸனஸம்பத்தியா வேமஜ்ஜ²பா⁴வதோ. ப²லனிப்³பா³னானி பரியோஸானங் தத³தி⁴க³மதோ உத்தரி கரணீயாபா⁴வதோ. ஸாஸனே ஸம்மாபடிபத்தி நாம பஞ்ஞாய ஹோதி, தஸ்ஸா ச ஸீலங் ஸமாதி⁴ ச மூலந்தி ஆஹ ‘‘ஸீலஸமாத⁴யோ வா ஆதீ³’’தி. யஸ்மா பஞ்ஞா அனுபோ³த⁴படிவேத⁴வஸேன து³விதா⁴, தஸ்மா தது³ப⁴யங் க³ண்ஹந்தோ ‘‘விபஸ்ஸனாமக்³கா³ மஜ்ஜ²’’ந்தி ஆஹ. பஞ்ஞானிப்ப²த்தி ப²லகிச்சங், நிப்³பா³னஸச்சி²கிரியா பன ஸம்மாபடிபத்தியா பரியோஸானங் ததோ பரங் கத்தப்³பா³பா⁴வதோதி ஆஹ ‘‘ப²லனிப்³பா³னானி பரியோஸான’’ந்தி. ப²லக்³க³ஹணேன ஹி ஸஉபாதி³ஸேஸனிப்³பா³னங் க³ய்ஹதி, இதரேன இதரங், தது³ப⁴யவஸேன படிபத்தியா ஓஸானந்தி ஆஹ ‘‘ப²லனிப்³பா³னானி பரியோஸான’’ந்தி. ‘‘தஸ்மாதிஹ த்வங், பி⁴க்கு², ஆதி³மேவ விஸோதே⁴ஹி குஸலேஸு த⁴ம்மேஸு. கோ சாதி³ குஸலானங் த⁴ம்மானங்? ஸீலஞ்ச ஸுவிஸுத்³த⁴ங், தி³ட்டி² ச உஜுகா’’தி (ஸங்॰ நி॰ 5.369) வசனதோ ஸீலதி³ட்டு²ஜுகதாய மத்த²கபூ⁴தா விபஸ்ஸனா, தத³தி⁴ட்டா²னா ஸீலஸமாதீ⁴தி இமே தஸ்ஸ ஸாஸனஸ்ஸ மூலந்தி ஆஹ ‘‘ஸீலஸமாதி⁴விபஸ்ஸனா வா ஆதீ³’’தி. ஸேஸங் வுத்தனயமேவ.
Ādimhi kalyāṇaṃ etassāti ādikalyāṇaṃ, tathā sesesu. Sāsanassa ādi sīlaṃ mūlakattā. Tassa samathādayo majjhaṃ sāsanasampattiyā vemajjhabhāvato. Phalanibbānāni pariyosānaṃ tadadhigamato uttari karaṇīyābhāvato. Sāsane sammāpaṭipatti nāma paññāya hoti, tassā ca sīlaṃ samādhi ca mūlanti āha ‘‘sīlasamādhayo vā ādī’’ti. Yasmā paññā anubodhapaṭivedhavasena duvidhā, tasmā tadubhayaṃ gaṇhanto ‘‘vipassanāmaggā majjha’’nti āha. Paññānipphatti phalakiccaṃ, nibbānasacchikiriyā pana sammāpaṭipattiyā pariyosānaṃ tato paraṃ kattabbābhāvatoti āha ‘‘phalanibbānāni pariyosāna’’nti. Phalaggahaṇena hi saupādisesanibbānaṃ gayhati, itarena itaraṃ, tadubhayavasena paṭipattiyā osānanti āha ‘‘phalanibbānāni pariyosāna’’nti. ‘‘Tasmātiha tvaṃ, bhikkhu, ādimeva visodhehi kusalesu dhammesu. Ko cādi kusalānaṃ dhammānaṃ? Sīlañca suvisuddhaṃ, diṭṭhi ca ujukā’’ti (saṃ. ni. 5.369) vacanato sīladiṭṭhujukatāya matthakabhūtā vipassanā, tadadhiṭṭhānā sīlasamādhīti ime tassa sāsanassa mūlanti āha ‘‘sīlasamādhivipassanā vā ādī’’ti. Sesaṃ vuttanayameva.
கிஞ்சாபி அவயவவினிமுத்தோ ஸமுதா³யோ நத்தி², யேஸு பன அவயவேஸு ஸமுதா³யரூபேன அபெக்கி²தேஸு கா³தா²தி ஸமஞ்ஞா, தங் ததோ பி⁴ன்னங் விய கத்வா த³ஸ்ஸெந்தோ ‘‘சதுப்பதி³ககா³தா²ய தாவ பட²மபாதோ³’’திஆதி³மாஹ. பஞ்சபத³ச²ப்பதா³னங் கா³தா²னங் ஆதி³பரியோஸானக்³க³ஹணேன இதரே து³தியாத³யோ தயோ சத்தாரோ வா மஜ்ஜ²ந்தி அவுத்தஸித்³த⁴மேவாதி ந வுத்தங். ஏகானுஸந்தி⁴கஸுத்தஸ்ஸாதி இத³ங் ப³ஹுவிபா⁴க³ங் யதா²னுஸந்தி⁴னா ஏகானுஸந்தி⁴கங் ஸுத்தங் ஸந்தா⁴ய வுத்தங், இதரஸ்ஸ பன தேயேவ தே³ஸேதப்³ப³த⁴ம்மவிபா⁴கே³ன ஆதி³மஜ்ஜ²பரியோஸானபா⁴கா³ லப்³ப⁴ந்தி. நிதா³னந்தி காலதே³ஸகபரிஸாதி³-அபதி³ஸனலக்க²ணாதி³கோ அத்தோ². இத³மவோசாதி இதி-ஸத்³தோ³ ஆதி³அத்தோ². தேன தத³வஸேஸனிக³மனபாளிங் ஸங்க³ண்ஹாதி. அனேகானுஸந்தீ⁴கஸ்ஸ ஸஹ நிதா³னேன பட²மோ அனுஸந்தி⁴ ஆதி³. ஸஹ நிக³மனேன பச்சி²மோ பரியோஸானங், இதரேன மஜ்ஜி²மந்திஆதி³மஜ்ஜ²பரியோஸானானி வேதி³தப்³பா³னி.
Kiñcāpi avayavavinimutto samudāyo natthi, yesu pana avayavesu samudāyarūpena apekkhitesu gāthāti samaññā, taṃ tato bhinnaṃ viya katvā dassento ‘‘catuppadikagāthāya tāva paṭhamapādo’’tiādimāha. Pañcapadachappadānaṃ gāthānaṃ ādipariyosānaggahaṇena itare dutiyādayo tayo cattāro vā majjhanti avuttasiddhamevāti na vuttaṃ. Ekānusandhikasuttassāti idaṃ bahuvibhāgaṃ yathānusandhinā ekānusandhikaṃ suttaṃ sandhāya vuttaṃ, itarassa pana teyeva desetabbadhammavibhāgena ādimajjhapariyosānabhāgā labbhanti. Nidānanti kāladesakaparisādi-apadisanalakkhaṇādiko attho. Idamavocāti iti-saddo ādiattho. Tena tadavasesanigamanapāḷiṃ saṅgaṇhāti. Anekānusandhīkassa saha nidānena paṭhamo anusandhi ādi. Saha nigamanena pacchimo pariyosānaṃ, itarena majjhimantiādimajjhapariyosānāni veditabbāni.
ஸாத்த²கந்தி அத்த²ஸம்பத்தியா ஸாத்த²கங் கத்வா. ஸப்³யஞ்ஜனந்தி ப்³யஞ்ஜனஸம்பத்தியா ஸப்³யஞ்ஜனங். ஸம்பத்தி ச நாம பரிபுண்ணப்³யஞ்ஜனதாதி ஆஹ ‘‘ப்³யஞ்ஜனேஹி…பே॰… தே³ஸேதா’’தி. ஸகலபரிபுண்ணந்தி ஸப்³ப³ஸோ பரிபுண்ணங் ஸீலாதி³பஞ்சத⁴ம்மக்க²ந்த⁴பாரிபூரியா. நிருபக்கிலேஸங் தி³ட்டி²மானாதி³உபக்கிலேஸாபா⁴வதோ. அவிஸேஸதோ திஸ்ஸோ ஸிக்கா² ஸகலே ஸாஸனே ப⁴வந்தி. த⁴ம்மோதி பன ப்³ரஹ்மசரியங் வா ஸந்தா⁴ய வுத்தங் ‘‘கதமேஸானங் கோ², ப⁴ந்தே, பு³த்³தா⁴னங் ப⁴க³வந்தானங் ப்³ரஹ்மசரியங் சிரட்டி²திகங் அஹோஸீ’’திஆதீ³ஸு (பாரா॰ 18) விய. து³கூலஸாணியா படிச்ச²ன்னா விய, ந து பாகாரஸேலாதி³படிச்ச²ன்னா விய. தேன த⁴ம்மனிருத்தியா ஸகலகிலேஸானங் பஹானானுபா⁴வங் வத³தி. அலாப⁴பரிஹானியா, ந லத்³த⁴பரிஹானியா. அட்³டு⁴ட்³டா⁴னீதி பஞ்சஸதாதி⁴கானி தீணி பாடிஹாரியஸஹஸ்ஸானி. ஸாதந்தி ஸுக²ங்.
Sātthakanti atthasampattiyā sātthakaṃ katvā. Sabyañjananti byañjanasampattiyā sabyañjanaṃ. Sampatti ca nāma paripuṇṇabyañjanatāti āha ‘‘byañjanehi…pe… desetā’’ti. Sakalaparipuṇṇanti sabbaso paripuṇṇaṃ sīlādipañcadhammakkhandhapāripūriyā. Nirupakkilesaṃ diṭṭhimānādiupakkilesābhāvato. Avisesato tisso sikkhā sakale sāsane bhavanti. Dhammoti pana brahmacariyaṃ vā sandhāya vuttaṃ ‘‘katamesānaṃ kho, bhante, buddhānaṃ bhagavantānaṃ brahmacariyaṃ ciraṭṭhitikaṃ ahosī’’tiādīsu (pārā. 18) viya. Dukūlasāṇiyā paṭicchannā viya, na tu pākāraselādipaṭicchannā viya. Tena dhammaniruttiyā sakalakilesānaṃ pahānānubhāvaṃ vadati. Alābhaparihāniyā, na laddhaparihāniyā. Aḍḍhuḍḍhānīti pañcasatādhikāni tīṇi pāṭihāriyasahassāni. Sātanti sukhaṃ.
து³தியமாரபாஸஸுத்தவண்ணனா நிட்டி²தா.
Dutiyamārapāsasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. து³தியமாரபாஸஸுத்தங் • 5. Dutiyamārapāsasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³தியமாரபாஸஸுத்தவண்ணனா • 5. Dutiyamārapāsasuttavaṇṇanā
