| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. து³தியமித்தாமச்சஸுத்தவண்ணனா
7. Dutiyamittāmaccasuttavaṇṇanā
1013. கிஸ்மிஞ்சி கஸ்ஸசி ச ததா² ததா² உப்பன்னஸ்ஸ பஸாத³ஸ்ஸ அஞ்ஞதா²பா⁴வோ பஸாத³ஞ்ஞத²த்தங். பூ⁴தஸங்கா⁴தஸ்ஸ க⁴னஆதி³கஸ்ஸ அஞ்ஞதா²பா⁴வோ பா⁴வஞ்ஞத²த்தங். நிரயாதி³க³திஅந்தரஉபபத்தி க³திஅஞ்ஞத²த்தங். ஸபா⁴வத⁴ம்மானங் கக்க²ளபு²ஸனாதி³லக்க²ணஸ்ஸ அஞ்ஞதா²பா⁴வோ லக்க²ணஞ்ஞத²த்தங். ‘‘டி²தஸ்ஸ அஞ்ஞத²த்தங் பஞ்ஞாயதீ’’தி ஏவங் வுத்தங் அஞ்ஞத²த்தங் விபரிணாமஞ்ஞத²த்தங். லக்க²ணஞ்ஞத²த்தங் ந லப்³ப⁴தி. தேனாஹ ‘‘லக்க²ணங் பன ந விக³ச்ச²தீ’’தி, ஸேஸங் லப்³ப⁴தீதி. பத²வீதா⁴துயாதி ஸஸம்பா⁴ரபத²வீதா⁴துயா. ஆபோதா⁴துயாதி எத்தா²பி ஏஸேவ நயோ. புரிமபா⁴வோதி க⁴னகடி²னபா⁴வோ. பா⁴வஞ்ஞத²த்தங் ரஸஞ்ஞத²த்தஸபா⁴வோ. க³திஅஞ்ஞத²த்தங் உக்³க³தூபபத்தி. தேனாஹ ‘‘தஞ்ஹி அரியஸாவகஸ்ஸ நத்தீ²’’தி. பஸாத³ஞ்ஞத²த்தம்பி நத்தி²யேவ அரியஸாவகஸ்ஸ.
1013. Kismiñci kassaci ca tathā tathā uppannassa pasādassa aññathābhāvo pasādaññathattaṃ. Bhūtasaṅghātassa ghanaādikassa aññathābhāvo bhāvaññathattaṃ. Nirayādigatiantaraupapatti gatiaññathattaṃ. Sabhāvadhammānaṃ kakkhaḷaphusanādilakkhaṇassa aññathābhāvo lakkhaṇaññathattaṃ. ‘‘Ṭhitassa aññathattaṃ paññāyatī’’ti evaṃ vuttaṃ aññathattaṃ vipariṇāmaññathattaṃ. Lakkhaṇaññathattaṃ na labbhati. Tenāha ‘‘lakkhaṇaṃ pana na vigacchatī’’ti, sesaṃ labbhatīti. Pathavīdhātuyāti sasambhārapathavīdhātuyā. Āpodhātuyāti etthāpi eseva nayo. Purimabhāvoti ghanakaṭhinabhāvo. Bhāvaññathattaṃ rasaññathattasabhāvo. Gatiaññathattaṃ uggatūpapatti. Tenāha ‘‘tañhi ariyasāvakassa natthī’’ti. Pasādaññathattampi natthiyeva ariyasāvakassa.
ராஜகாராமவக்³க³வண்ணனா நிட்டி²தா.
Rājakārāmavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³தியமித்தாமச்சஸுத்தங் • 7. Dutiyamittāmaccasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³தியமித்தாமச்சஸுத்தவண்ணனா • 7. Dutiyamittāmaccasuttavaṇṇanā
