| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. து³தியஞாணவத்து²ஸுத்தவண்ணனா
4. Dutiyañāṇavatthusuttavaṇṇanā
34. ஸத்தரீதி த-காரஸ்ஸ ர-காராதே³ஸங் வுத்தங். ஸத்ததிஸத்³தே³ன வா ஸமானத்தோ² ஸத்தரிஸத்³தோ³. ப்³யஞ்ஜனருசிவஸேன ப்³யஞ்ஜனங் ப⁴ணந்தீதி ப்³யஞ்ஜனபா⁴ணகா. தேனாஹ ‘‘ப³ஹுப்³யஞ்ஜனங் கத்வா’’திஆதி³. திட்ட²தி தத்த² ப²லங் ததா³யத்தவுத்திதாயாதி டி²தி, பச்சுப்பன்னலக்க²ணஸ்ஸ த⁴ம்மஸ்ஸ டி²தி த⁴ம்மட்டி²தி. அத² வா த⁴ம்மோதி காரணங், பச்சயோதி அத்தோ². த⁴ம்மஸ்ஸ யோ டி²திஸபா⁴வோ, ஸோவ த⁴ம்மதோ அஞ்ஞோ நத்தீ²தி த⁴ம்மட்டி²தி, பச்சயோ. தத்த² ஞாணங் த⁴ம்மட்டி²திஞாணங். தேனாஹ ஆயஸ்மா த⁴ம்மஸேனாபதி – ‘‘பச்சயபரிக்³க³ஹே பஞ்ஞா த⁴ம்மட்டி²திஞாண’’ந்தி (படி॰ ம॰ மாதிகா 4). ததா² சாஹ ‘‘பச்சயாகாரே ஞாண’’ந்திஆதி³. தத்த² த⁴ம்மானந்தி பச்சயுப்பன்னத⁴ம்மானங். பவத்திட்டி²திகாரணத்தாதி பவத்திஸங்கா²தாய டி²தியா காரணத்தா. ‘‘ஜாதிபச்சயா ஜராமரண’’ந்திஆதி³னா அத்³த⁴த்தயே அன்வயப்³யதிரேகவஸேன பவத்தியா ச²ப்³பி³த⁴ஸ்ஸ ஞாணஸ்ஸ. க²யோ நாம வினாஸோ, ஸோவ பே⁴தோ³தி. விரஜ்ஜனங் பலுஜ்ஜனங். நிருஜ்ஜ²னங் அந்தரதா⁴னங். ஏகேகஸ்மிந்தி ஜராமரணாதீ³ஸு ஏகேகஸ்மிங். புப்³பே³ ‘‘யதா²பூ⁴தஞாண’’ந்தி தருணவிபஸ்ஸனங் ஆஹ. தஸ்மா இதா⁴பி த⁴ம்மட்டி²திஞாணங் விபஸ்ஸனாதி க³ஹெத்வா ‘‘விபஸ்ஸனாபடிவிபஸ்ஸனா கதி²தா’’தி வுத்தங்.
34.Sattarīti ta-kārassa ra-kārādesaṃ vuttaṃ. Sattatisaddena vā samānattho sattarisaddo. Byañjanarucivasena byañjanaṃ bhaṇantīti byañjanabhāṇakā. Tenāha ‘‘bahubyañjanaṃ katvā’’tiādi. Tiṭṭhati tattha phalaṃ tadāyattavuttitāyāti ṭhiti, paccuppannalakkhaṇassa dhammassa ṭhiti dhammaṭṭhiti. Atha vā dhammoti kāraṇaṃ, paccayoti attho. Dhammassa yo ṭhitisabhāvo, sova dhammato añño natthīti dhammaṭṭhiti, paccayo. Tattha ñāṇaṃ dhammaṭṭhitiñāṇaṃ. Tenāha āyasmā dhammasenāpati – ‘‘paccayapariggahe paññā dhammaṭṭhitiñāṇa’’nti (paṭi. ma. mātikā 4). Tathā cāha ‘‘paccayākāre ñāṇa’’ntiādi. Tattha dhammānanti paccayuppannadhammānaṃ. Pavattiṭṭhitikāraṇattāti pavattisaṅkhātāya ṭhitiyā kāraṇattā. ‘‘Jātipaccayā jarāmaraṇa’’ntiādinā addhattaye anvayabyatirekavasena pavattiyā chabbidhassa ñāṇassa. Khayo nāma vināso, sova bhedoti. Virajjanaṃ palujjanaṃ. Nirujjhanaṃ antaradhānaṃ. Ekekasminti jarāmaraṇādīsu ekekasmiṃ. Pubbe ‘‘yathābhūtañāṇa’’nti taruṇavipassanaṃ āha. Tasmā idhāpi dhammaṭṭhitiñāṇaṃ vipassanāti gahetvā ‘‘vipassanāpaṭivipassanā kathitā’’ti vuttaṃ.
து³தியஞாணவத்து²ஸுத்தவண்ணனா நிட்டி²தா.
Dutiyañāṇavatthusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. து³தியஞாணவத்து²ஸுத்தங் • 4. Dutiyañāṇavatthusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. து³தியஞாணவத்து²ஸுத்தவண்ணனா • 4. Dutiyañāṇavatthusuttavaṇṇanā
