| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
2. து³தியனிரயஸக்³க³ஸுத்தங்
2. Dutiyanirayasaggasuttaṃ
212. ‘‘த³ஸஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் நிரயே. கதமேஹி த³ஸஹி? இத⁴, பி⁴க்க²வே, ஏகச்சோ பாணாதிபாதீ ஹோதி லுத்³தோ³ லோஹிதபாணி ஹதபஹதே நிவிட்டோ² அத³யாபன்னோ ஸப்³ப³பாணபூ⁴தேஸு.
212. ‘‘Dasahi, bhikkhave, dhammehi samannāgato yathābhataṃ nikkhitto evaṃ niraye. Katamehi dasahi? Idha, bhikkhave, ekacco pāṇātipātī hoti luddo lohitapāṇi hatapahate niviṭṭho adayāpanno sabbapāṇabhūtesu.
‘‘அதி³ன்னாதா³யீ ஹோதி… காமேஸுமிச்சா²சாரீ ஹோதி… முஸாவாதீ³ ஹோதி… பிஸுணவாசோ ஹோதி… ப²ருஸவாசோ ஹோதி … ஸம்ப²ப்பலாபீ ஹோதி… அபி⁴ஜ்ஜா²லு ஹோதி… ப்³யாபன்னசித்தோ ஹோதி… மிச்சா²தி³ட்டி²கோ ஹோதி விபரீதத³ஸ்ஸனோ – ‘நத்தி² தி³ன்னங்…பே॰… ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி. இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் நிரயே.
‘‘Adinnādāyī hoti… kāmesumicchācārī hoti… musāvādī hoti… pisuṇavāco hoti… pharusavāco hoti … samphappalāpī hoti… abhijjhālu hoti… byāpannacitto hoti… micchādiṭṭhiko hoti viparītadassano – ‘natthi dinnaṃ…pe… sayaṃ abhiññā sacchikatvā pavedentī’ti. Imehi kho, bhikkhave, dasahi dhammehi samannāgato yathābhataṃ nikkhitto evaṃ niraye.
‘‘த³ஸஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் ஸக்³கே³. கதமேஹி த³ஸஹி? இத⁴, பி⁴க்க²வே, ஏகச்சோ பாணாதிபாதங் பஹாய பாணாதிபாதா படிவிரதோ ஹோதி நிஹிதத³ண்டோ³ நிஹிதஸத்தோ² லஜ்ஜீ த³யாபன்னோ, ஸப்³ப³பாணபூ⁴தஹிதானுகம்பீ விஹரதி.
‘‘Dasahi, bhikkhave, dhammehi samannāgato yathābhataṃ nikkhitto evaṃ sagge. Katamehi dasahi? Idha, bhikkhave, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho lajjī dayāpanno, sabbapāṇabhūtahitānukampī viharati.
‘‘அதி³ன்னாதா³னங் பஹாய அதி³ன்னாதா³னா படிவிரதோ ஹோதி… காமேஸுமிச்சா²சாரங் பஹாய காமேஸுமிச்சா²சாரா படிவிரதோ ஹோதி… முஸாவாத³ங் பஹாய முஸாவாதா³ படிவிரதோ ஹோதி… பிஸுணங் வாசங் பஹாய பிஸுணாய வாசாய படிவிரதோ ஹோதி… ப²ருஸங் வாசங் பஹாய ப²ருஸாய வாசாய படிவிரதோ ஹோதி… ஸம்ப²ப்பலாபங் பஹாய ஸம்ப²ப்பலாபா படிவிரதோ ஹோதி… அனபி⁴ஜ்ஜா²லு ஹோதி… அப்³யாபன்னசித்தோ ஹோதி… ஸம்மாதி³ட்டி²கோ ஹோதி அவிபரீதத³ஸ்ஸனோ – ‘அத்தி² தி³ன்னங்…பே॰… யே இமஞ்ச லோகங் பரஞ்ச லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’தி. இமேஹி கோ², பி⁴க்க²வே, த³ஸஹி த⁴ம்மேஹி ஸமன்னாக³தோ யதா²ப⁴தங் நிக்கி²த்தோ ஏவங் ஸக்³கே³’’தி. து³தியங்.
‘‘Adinnādānaṃ pahāya adinnādānā paṭivirato hoti… kāmesumicchācāraṃ pahāya kāmesumicchācārā paṭivirato hoti… musāvādaṃ pahāya musāvādā paṭivirato hoti… pisuṇaṃ vācaṃ pahāya pisuṇāya vācāya paṭivirato hoti… pharusaṃ vācaṃ pahāya pharusāya vācāya paṭivirato hoti… samphappalāpaṃ pahāya samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti aviparītadassano – ‘atthi dinnaṃ…pe… ye imañca lokaṃ parañca lokaṃ sayaṃ abhiññā sacchikatvā pavedentī’ti. Imehi kho, bhikkhave, dasahi dhammehi samannāgato yathābhataṃ nikkhitto evaṃ sagge’’ti. Dutiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-536. பட²மனிரயஸக்³க³ஸுத்தாதி³வண்ணனா • 1-536. Paṭhamanirayasaggasuttādivaṇṇanā
