| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
8. து³தியபச்சோரோஹணீஸுத்தங்
8. Dutiyapaccorohaṇīsuttaṃ
120. ‘‘அரியங் வோ, பி⁴க்க²வே, பச்சோரோஹணிங் தே³ஸெஸ்ஸாமி. தங் ஸுணாத²… கதமா ச, பி⁴க்க²வே, அரியா பச்சோரோஹணீ? இத⁴, பி⁴க்க²வே, அரியஸாவகோ இதி படிஸஞ்சிக்க²தி – ‘மிச்சா²தி³ட்டி²யா கோ² பாபகோ விபாகோ – தி³ட்டே² சேவ த⁴ம்மே அபி⁴ஸம்பராயஞ்சா’தி. ஸோ இதி படிஸங்கா²ய மிச்சா²தி³ட்டி²ங் பஜஹதி; மிச்சா²தி³ட்டி²யா பச்சோரோஹதி. மிச்சா²ஸங்கப்பஸ்ஸ கோ² பாபகோ விபாகோ… மிச்சா²வாசாய கோ²… மிச்சா²கம்மந்தஸ்ஸ கோ²… மிச்சா²ஆஜீவஸ்ஸ கோ²… மிச்சா²வாயாமஸ்ஸ கோ²… மிச்சா²ஸதியா கோ²… மிச்சா²ஸமாதி⁴ஸ்ஸ கோ²… மிச்சா²ஞாணஸ்ஸ கோ²… மிச்சா²விமுத்தியா கோ² பாபகோ விபாகோ – தி³ட்டே² சேவ த⁴ம்மே அபி⁴ஸம்பராயஞ்சாதி. ஸோ இதி படிஸங்கா²ய மிச்சா²விமுத்திங் பஜஹதி; மிச்சா²விமுத்தியா பச்சோரோஹதி. அயங் வுச்சதி, பி⁴க்க²வே, அரியா பச்சோரோஹணீ’’தி. அட்ட²மங்.
120. ‘‘Ariyaṃ vo, bhikkhave, paccorohaṇiṃ desessāmi. Taṃ suṇātha… katamā ca, bhikkhave, ariyā paccorohaṇī? Idha, bhikkhave, ariyasāvako iti paṭisañcikkhati – ‘micchādiṭṭhiyā kho pāpako vipāko – diṭṭhe ceva dhamme abhisamparāyañcā’ti. So iti paṭisaṅkhāya micchādiṭṭhiṃ pajahati; micchādiṭṭhiyā paccorohati. Micchāsaṅkappassa kho pāpako vipāko… micchāvācāya kho… micchākammantassa kho… micchāājīvassa kho… micchāvāyāmassa kho… micchāsatiyā kho… micchāsamādhissa kho… micchāñāṇassa kho… micchāvimuttiyā kho pāpako vipāko – diṭṭhe ceva dhamme abhisamparāyañcāti. So iti paṭisaṅkhāya micchāvimuttiṃ pajahati; micchāvimuttiyā paccorohati. Ayaṃ vuccati, bhikkhave, ariyā paccorohaṇī’’ti. Aṭṭhamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 7-8. பச்சோரோஹணீஸுத்தத்³வயவண்ணனா • 7-8. Paccorohaṇīsuttadvayavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-42. ஸங்கா³ரவஸுத்தாதி³வண்ணனா • 5-42. Saṅgāravasuttādivaṇṇanā
