| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. து³தியபஜ்ஜுன்னதீ⁴துஸுத்தவண்ணனா
10. Dutiyapajjunnadhītusuttavaṇṇanā
40. பு³த்³த⁴ஞ்ச த⁴ம்மஞ்ச நமஸ்ஸமானாதி பு³த்³த⁴ஸுபு³த்³த⁴தங் த⁴ம்மஸுத⁴ம்மதஞ்ச ஞத்வா தது³ப⁴யங் நமஸ்ஸமானா. யஸ்மா பு³த்³தே⁴ ச த⁴ம்மே ச பஸன்னோ ஸங்கே⁴ ச பஸன்னோ ஏவ ஹோதி தஸ்ஸ ஸுப்படிபத்தியா விஜானநதோ, தஸ்மா ஸோ அத்தோ² கா³தா²ய ச-ஸத்³த³ஸங்க³ஹிதோதி த³ஸ்ஸெந்தோ ‘‘ச-ஸத்³தே³ன ஸங்க⁴ஞ்சா’’தி ஆஹ அத்த²வதியோதி லோகியலோகுத்தரஅத்த²ஸங்க³ஹிதா லோகியகுஸலலோகுத்தரமக்³க³ஸங்க³ண்ஹனதோ. யங் த⁴ம்மங் ஸா அபா⁴ஸீதி யங் தும்ஹாகங் த⁴ம்மங் படிவிஜ்ஜி²த்வா டி²தா, ஸா மஹாகோகனதா³ அத்தனோ ப³லானுரூபங் அபா⁴ஸி. ப³ஹுனாதி நானப்பகாரேன. பரியாயேனாதி காரணேன. தாதி³ஸோதி ததா²ரூபோ ததா²படிவித்³த⁴ஸச்சோ அத்த²த⁴ம்மாதீ³ஸு குஸலோ ஏகேகங் பத³ம்பி உதா³ஹரணஹேதுனிக³மனானி நீஹரந்தோ ஆசிக்க²தி தே³ஸேதி பஞ்ஞபேதி பட²பேதி விவரதி விப⁴ஜதி உத்தானீகரோதி. தேனாஹ ‘‘அயங் ப⁴க³வா’’திஆதி³. ஏதேன அதிவிய வித்தா²ரக்க²மோ ஸுக³தத⁴ம்மோதி த³ஸ்ஸேதி. பரியாபுடந்தி பரிவத்திதங். ஏவங் வித்தா²ரக்க²மங் த⁴ம்மங் யஸ்மா தே³வதீ⁴தா ‘‘ஸங்கி²த்தமத்த²ங் லபயிஸ்ஸாமீ’’தி அவோச, தஸ்மா வுத்தங் ‘‘தஸ்ஸத்த²’’ந்திஆதி³.
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
து³தியபஜ்ஜுன்னதீ⁴துஸுத்தவண்ணனா நிட்டி²தா.
Dutiyapajjunnadhītusuttavaṇṇanā niṭṭhitā.
ஸதுல்லபகாயிகவக்³க³வண்ணனா நிட்டி²தா.
Satullapakāyikavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. து³தியபஜ்ஜுன்னதீ⁴துஸுத்தங் • 10. Dutiyapajjunnadhītusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. து³தியபஜ்ஜுன்னதீ⁴துஸுத்தவண்ணனா • 10. Dutiyapajjunnadhītusuttavaṇṇanā
