| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. દુતિયપજ્જુન્નધીતુસુત્તવણ્ણના
10. Dutiyapajjunnadhītusuttavaṇṇanā
૪૦. બુદ્ધઞ્ચ ધમ્મઞ્ચ નમસ્સમાનાતિ બુદ્ધસુબુદ્ધતં ધમ્મસુધમ્મતઞ્ચ ઞત્વા તદુભયં નમસ્સમાના. યસ્મા બુદ્ધે ચ ધમ્મે ચ પસન્નો સઙ્ઘે ચ પસન્નો એવ હોતિ તસ્સ સુપ્પટિપત્તિયા વિજાનનતો, તસ્મા સો અત્થો ગાથાય ચ-સદ્દસઙ્ગહિતોતિ દસ્સેન્તો ‘‘ચ-સદ્દેન સઙ્ઘઞ્ચા’’તિ આહ અત્થવતિયોતિ લોકિયલોકુત્તરઅત્થસઙ્ગહિતા લોકિયકુસલલોકુત્તરમગ્ગસઙ્ગણ્હનતો. યં ધમ્મં સા અભાસીતિ યં તુમ્હાકં ધમ્મં પટિવિજ્ઝિત્વા ઠિતા, સા મહાકોકનદા અત્તનો બલાનુરૂપં અભાસિ. બહુનાતિ નાનપ્પકારેન. પરિયાયેનાતિ કારણેન. તાદિસોતિ તથારૂપો તથાપટિવિદ્ધસચ્ચો અત્થધમ્માદીસુ કુસલો એકેકં પદમ્પિ ઉદાહરણહેતુનિગમનાનિ નીહરન્તો આચિક્ખતિ દેસેતિ પઞ્ઞપેતિ પઠપેતિ વિવરતિ વિભજતિ ઉત્તાનીકરોતિ. તેનાહ ‘‘અયં ભગવા’’તિઆદિ. એતેન અતિવિય વિત્થારક્ખમો સુગતધમ્મોતિ દસ્સેતિ. પરિયાપુટન્તિ પરિવત્તિતં. એવં વિત્થારક્ખમં ધમ્મં યસ્મા દેવધીતા ‘‘સંખિત્તમત્થં લપયિસ્સામી’’તિ અવોચ, તસ્મા વુત્તં ‘‘તસ્સત્થ’’ન્તિઆદિ.
40.Buddhañcadhammañca namassamānāti buddhasubuddhataṃ dhammasudhammatañca ñatvā tadubhayaṃ namassamānā. Yasmā buddhe ca dhamme ca pasanno saṅghe ca pasanno eva hoti tassa suppaṭipattiyā vijānanato, tasmā so attho gāthāya ca-saddasaṅgahitoti dassento ‘‘ca-saddena saṅghañcā’’ti āha atthavatiyoti lokiyalokuttaraatthasaṅgahitā lokiyakusalalokuttaramaggasaṅgaṇhanato. Yaṃ dhammaṃ sā abhāsīti yaṃ tumhākaṃ dhammaṃ paṭivijjhitvā ṭhitā, sā mahākokanadā attano balānurūpaṃ abhāsi. Bahunāti nānappakārena. Pariyāyenāti kāraṇena. Tādisoti tathārūpo tathāpaṭividdhasacco atthadhammādīsu kusalo ekekaṃ padampi udāharaṇahetunigamanāni nīharanto ācikkhati deseti paññapeti paṭhapeti vivarati vibhajati uttānīkaroti. Tenāha ‘‘ayaṃ bhagavā’’tiādi. Etena ativiya vitthārakkhamo sugatadhammoti dasseti. Pariyāpuṭanti parivattitaṃ. Evaṃ vitthārakkhamaṃ dhammaṃ yasmā devadhītā ‘‘saṃkhittamatthaṃ lapayissāmī’’ti avoca, tasmā vuttaṃ ‘‘tassattha’’ntiādi.
દુતિયપજ્જુન્નધીતુસુત્તવણ્ણના નિટ્ઠિતા.
Dutiyapajjunnadhītusuttavaṇṇanā niṭṭhitā.
સતુલ્લપકાયિકવગ્ગવણ્ણના નિટ્ઠિતા.
Satullapakāyikavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. દુતિયપજ્જુન્નધીતુસુત્તં • 10. Dutiyapajjunnadhītusuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. દુતિયપજ્જુન્નધીતુસુત્તવણ્ણના • 10. Dutiyapajjunnadhītusuttavaṇṇanā
