| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૬. દુતિયરંસિસઞ્ઞકત્થેરઅપદાનવણ્ણના
6. Dutiyaraṃsisaññakattheraapadānavaṇṇanā
પબ્બતે હિમવન્તમ્હીતિઆદિકં આયસ્મતો દુતિયરંસિસઞ્ઞકત્થેરસ્સ અપદાનં. અયમ્પિ પુરિમબુદ્ધેસુ કતકુસલો ઉપ્પન્નુપ્પન્નભવે વિવટ્ટૂપનિસ્સયાનિ પુઞ્ઞાનિ ઉપચિનન્તો ફુસ્સસ્સ ભગવતો કાલે કુલગેહે નિબ્બત્તો વુદ્ધિપ્પત્તો ઘરાવાસં સણ્ઠપેત્વા તત્થ દોસં દિસ્વા તં પહાય તાપસપબ્બજ્જં પબ્બજિત્વા હિમવન્તપબ્બતે વસન્તો વાકચીરનિવસનો વિવેકસુખેન વિહરતિ. તસ્મિં સમયે સો ફુસ્સં ભગવન્તં તં પદેસં સમ્પત્તં દિસ્વા તસ્સ સરીરતો નિક્ખન્તછબ્બણ્ણબુદ્ધરંસિયો ઇતો ચિતો વિધાવન્તિયો દણ્ડદીપિકાનિક્ખન્તવિપ્ફુરન્તમિવ દિસ્વા તસ્મિં પસન્નો અઞ્જલિં પગ્ગહેત્વા વન્દિત્વા ચિત્તં પસાદેત્વા તેનેવ પીતિસોમનસ્સેન કાલં કત્વા તુસિતાદીસુ નિબ્બત્તો તત્થ છ કામાવચરસમ્પત્તિયો ચ અનુભવિત્વા અપરભાગે મનુસ્સસમ્પત્તિયો ચ અનુભવિત્વા ઇમસ્મિં બુદ્ધુપ્પાદે કુલગેહે નિબ્બત્તો વુદ્ધિપ્પત્તો પુબ્બવાસનાવસેન પબ્બજિત્વા નચિરસ્સેવ અરહા અહોસિ.
Pabbatehimavantamhītiādikaṃ āyasmato dutiyaraṃsisaññakattherassa apadānaṃ. Ayampi purimabuddhesu katakusalo uppannuppannabhave vivaṭṭūpanissayāni puññāni upacinanto phussassa bhagavato kāle kulagehe nibbatto vuddhippatto gharāvāsaṃ saṇṭhapetvā tattha dosaṃ disvā taṃ pahāya tāpasapabbajjaṃ pabbajitvā himavantapabbate vasanto vākacīranivasano vivekasukhena viharati. Tasmiṃ samaye so phussaṃ bhagavantaṃ taṃ padesaṃ sampattaṃ disvā tassa sarīrato nikkhantachabbaṇṇabuddharaṃsiyo ito cito vidhāvantiyo daṇḍadīpikānikkhantavipphurantamiva disvā tasmiṃ pasanno añjaliṃ paggahetvā vanditvā cittaṃ pasādetvā teneva pītisomanassena kālaṃ katvā tusitādīsu nibbatto tattha cha kāmāvacarasampattiyo ca anubhavitvā aparabhāge manussasampattiyo ca anubhavitvā imasmiṃ buddhuppāde kulagehe nibbatto vuddhippatto pubbavāsanāvasena pabbajitvā nacirasseva arahā ahosi.
૩૫. સો અપરભાગે પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો પબ્બતે હિમવન્તમ્હીતિઆદિમાહ. તં સબ્બં ઉત્તાનત્થમેવાતિ.
35. So aparabhāge pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
દુતિયરંસિસઞ્ઞકત્થેરઅપદાનવણ્ણના સમત્તા.
Dutiyaraṃsisaññakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૬. દુતિયરંસિસઞ્ઞકત્થેરઅપદાનં • 6. Dutiyaraṃsisaññakattheraapadānaṃ
