| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
து³தியஸமணப்³ராஹ்மணஸுத்தவண்ணனா
7. Dutiyasamaṇabrāhmaṇasuttavaṇṇanā
477. து³க்க²ஸச்சவஸேனாதி து³க்க²ஸச்சபா⁴வேன ந பஜானந்தி. தஞ்ஹி பரிஞ்ஞெய்யதாய து³க்க²ஸச்சஸங்க³ஹங். ஸமுத³யஸச்சவஸேனாதி தண்ஹாவிஜ்ஜாதி³ங் ஸத்³தி⁴ந்த்³ரியஸ்ஸ ஸமுத³யஸச்சபா⁴வேன ந பஜானந்தி. நிரோத⁴ந்தி ஸத்³தி⁴ந்த்³ரியஸ்ஸ அனுபாதா³ய நிரோத⁴னிமித்தங் நிப்³பா³னங். படிபத³ந்தி ஸத்³தி⁴ந்த்³ரியனிரோத⁴கா³மினிங் படிபத³ங் அரியமக்³க³ங். ஸேஸேஸூதி வீரியிந்த்³ரியாதீ³ஸு.
477.Dukkhasaccavasenāti dukkhasaccabhāvena na pajānanti. Tañhi pariññeyyatāya dukkhasaccasaṅgahaṃ. Samudayasaccavasenāti taṇhāvijjādiṃ saddhindriyassa samudayasaccabhāvena na pajānanti. Nirodhanti saddhindriyassa anupādāya nirodhanimittaṃ nibbānaṃ. Paṭipadanti saddhindriyanirodhagāminiṃ paṭipadaṃ ariyamaggaṃ. Sesesūti vīriyindriyādīsu.
ஸுக்கபக்கே²தி ‘‘ஸத்³தி⁴ந்த்³ரியங் பஜானந்தீ’’திஆதி³னயப்பவத்தே அனவஜ்ஜபக்கே². அதி⁴மொக்க²வஸேன ஆவஜ்ஜனஸமுத³யாதி ‘‘அத்தி² தி³ன்ன’’ந்திஆதி³னயப்பவத்தபுப்³ப³பா⁴க³பூ⁴தஸத்³தா⁴தி⁴மொக்க²வஸேன ஆவஜ்ஜனுப்பத்தியா. தஸ்மா பட²முப்பன்னா ஸத்³தா⁴ ஏவ ஹெத்த² ‘‘ஆவஜ்ஜன’’ந்தி வுத்தா, ந மனொத்³வாராவஜ்ஜனங். ஏஸ நயோ ஸேஸேஸுபி. தஸ்மா பட²முப்பன்னா ஆவஜ்ஜனா பக்³க³ஹுப்பத்திட்டா²னானங் திக்கா²னங் வீரியிந்த்³ரியாதீ³னங் பட²முப்பத்தியா ஆவஜ்ஜனபரியாயேன வுத்தாதி த³ட்ட²ப்³ப³ங். து³ப்³ப³லா ஹி பட²முப்பன்னா பக்³க³ஹாபா⁴வதோ வீரியிந்த்³ரியாதீ³னங் ஸமுத³யோதி ப³லவபா⁴வப்பத்தவீரியிந்த்³ரியாதி³கஸ்ஸ ஆவஜ்ஜனட்டா²னியானி ஹொந்தீதி தேஸங் ஸமுத³யோதி வுத்தா, புப்³பே³ அதி⁴முச்சனாதி³வஸேன பவத்தஸ்ஸ ஆவஜ்ஜனஸ்ஸ ஸமுத³யாதி அத்தோ². புன ச²ந்த³வஸேனாதி கத்துகாமதாகுஸலச்ச²ந்த³வஸேன ஸத்³தா⁴தீ³னங் உப்பாதே³துகாமதாகாரப்பவத்தஸ்ஸ ச²ந்த³ஸ்ஸ வஸேன. மனஸிகாரவஸேன ஆவஜ்ஜனஸமுத³யாதி ஸத்³தி⁴ந்த்³ரியாதி³வஸேன பவத்தஸ்ஸ து³ப்³ப³லஸ்ஸ தஸ்ஸ நிப்³ப³த்தகயோனிஸோமனஸிகாரவஸேன ஆவஜ்ஜனஸ்ஸ உப்பத்தியா. ஏவம்பீதி ‘‘அதி⁴மொக்க²வஸேனா’’திஆதி³னா வுத்தாகாரேனபி. ச²ஸு ஸுத்தேஸூதி து³தியதோ பட்டா²ய ச²ஸு ஸுத்தேஸு. சதுஸச்சமேவ கதி²தங். அஸ்ஸாத³க்³க³ஹணேன ஹி ஸமுத³யஸச்சங், ஆதீ³னவக்³க³ஹணேன து³க்க²ஸச்சங், நிஸ்ஸரணக்³க³ஹணேன நிரோத⁴மக்³க³ஸச்சானி க³ஹிதானீதி. பட²மஸுத்தே பன இந்த்³ரியானங் ஸரூபத³ஸ்ஸனமேவாதி.
Sukkapakkheti ‘‘saddhindriyaṃ pajānantī’’tiādinayappavatte anavajjapakkhe. Adhimokkhavasena āvajjanasamudayāti ‘‘atthi dinna’’ntiādinayappavattapubbabhāgabhūtasaddhādhimokkhavasena āvajjanuppattiyā. Tasmā paṭhamuppannā saddhā eva hettha ‘‘āvajjana’’nti vuttā, na manodvārāvajjanaṃ. Esa nayo sesesupi. Tasmā paṭhamuppannā āvajjanā paggahuppattiṭṭhānānaṃ tikkhānaṃ vīriyindriyādīnaṃ paṭhamuppattiyā āvajjanapariyāyena vuttāti daṭṭhabbaṃ. Dubbalā hi paṭhamuppannā paggahābhāvato vīriyindriyādīnaṃ samudayoti balavabhāvappattavīriyindriyādikassa āvajjanaṭṭhāniyāni hontīti tesaṃ samudayoti vuttā, pubbe adhimuccanādivasena pavattassa āvajjanassa samudayāti attho. Puna chandavasenāti kattukāmatākusalacchandavasena saddhādīnaṃ uppādetukāmatākārappavattassa chandassa vasena. Manasikāravasena āvajjanasamudayāti saddhindriyādivasena pavattassa dubbalassa tassa nibbattakayonisomanasikāravasena āvajjanassa uppattiyā. Evampīti ‘‘adhimokkhavasenā’’tiādinā vuttākārenapi. Chasu suttesūti dutiyato paṭṭhāya chasu suttesu. Catusaccameva kathitaṃ. Assādaggahaṇena hi samudayasaccaṃ, ādīnavaggahaṇena dukkhasaccaṃ, nissaraṇaggahaṇena nirodhamaggasaccāni gahitānīti. Paṭhamasutte pana indriyānaṃ sarūpadassanamevāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³தியஸமணப்³ராஹ்மணஸுத்தங் • 7. Dutiyasamaṇabrāhmaṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. து³தியஸமணப்³ராஹ்மணஸுத்தவண்ணனா • 7. Dutiyasamaṇabrāhmaṇasuttavaṇṇanā
