| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. து³தியஸங்கா³மஸுத்தவண்ணனா
5. Dutiyasaṅgāmasuttavaṇṇanā
126. ஸுணாதா²தி ‘‘வத்வா’’தி வசனஸேஸோ. உபகப்பதீதி ஸம்ப⁴வதி. ஸய்ஹங் ஹோதீதி காதுங் ஸக்கா ஹோதி. ‘‘யதா³ சஞ்ஞே’’தி ச-காரோ நிபாதமத்தந்தி ஆஹ ‘‘யதா³ அஞ்ஞே’’தி. விலும்பந்தீதி வினாஸங் அச்சி²ந்த³னங் கரொந்தி. விலும்பீயதீதி விலுத்தபரஸந்தகஸ்ஸ அஸகத்தா புக்³க³லோ தி³ட்ட²த⁴ம்மிகங் கம்மப²லங் படிஸங்வேதெ³ந்தோ விய ஸயம்பி பரேன விலும்பீயதி, த⁴னஜானிங் பாபுணாதி. ‘‘காரண’’ந்தி ஹி மஞ்ஞதீதி பாபகிரியங் அத்தனோ ஹிதாவஹங் காரணங் கத்வா மஞ்ஞதி. ஜயந்தோ புக்³க³லோ ‘‘இத³ங் நாம ஜினாமீ’’தி மஞ்ஞமானோ ஸயம்பி ததோ பராஜயங் பாபுணாதி. க⁴ட்டேதாரந்தி பாபகம்மவிபாகங். கம்மவிவட்டேனாதி கம்மஸ்ஸ விவட்டனேன, பச்சயலாபே⁴ன லத்³தா⁴வஸரேன விவட்டெத்வா விக³மிதேன கம்மேனாதி அத்தோ².
126.Suṇāthāti ‘‘vatvā’’ti vacanaseso. Upakappatīti sambhavati. Sayhaṃ hotīti kātuṃ sakkā hoti. ‘‘Yadā caññe’’ti ca-kāro nipātamattanti āha ‘‘yadā aññe’’ti. Vilumpantīti vināsaṃ acchindanaṃ karonti. Vilumpīyatīti viluttaparasantakassa asakattā puggalo diṭṭhadhammikaṃ kammaphalaṃ paṭisaṃvedento viya sayampi parena vilumpīyati, dhanajāniṃ pāpuṇāti. ‘‘Kāraṇa’’nti hi maññatīti pāpakiriyaṃ attano hitāvahaṃ kāraṇaṃ katvā maññati. Jayanto puggalo ‘‘idaṃ nāma jināmī’’ti maññamāno sayampi tato parājayaṃ pāpuṇāti. Ghaṭṭetāranti pāpakammavipākaṃ. Kammavivaṭṭenāti kammassa vivaṭṭanena, paccayalābhena laddhāvasarena vivaṭṭetvā vigamitena kammenāti attho.
து³தியஸங்கா³மஸுத்தவண்ணனா நிட்டி²தா.
Dutiyasaṅgāmasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. து³தியஸங்கா³மஸுத்தங் • 5. Dutiyasaṅgāmasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³தியஸங்கா³மஸுத்தவண்ணனா • 5. Dutiyasaṅgāmasuttavaṇṇanā
