| Library / Tipiṭaka / திபிடக • Tipiṭaka / இதிவுத்தக-அட்ட²கதா² • Itivuttaka-aṭṭhakathā |
6. து³தியஸீலஸுத்தவண்ணனா
6. Dutiyasīlasuttavaṇṇanā
33. ச²ட்டே² ப⁴த்³த³கேன ச ஸீலேனாதி காயஸுசரிதாதி³சதுபாரிஸுத்³தி⁴ஸீலேன. தஞ்ஹி அக²ண்டா³தி³ஸீலபா⁴வேன ஸயஞ்ச கல்யாணங், ஸமத²விபஸ்ஸனாதி³கல்யாணகு³ணாவஹங் சாதி ‘‘ப⁴த்³த³க’’ந்தி வுச்சதி. ப⁴த்³தி³காய ச தி³ட்டி²யாதி கம்மஸ்ஸகதாஞாணேன சேவ கம்மபத²ஸம்மாதி³ட்டி²யா ச. தத்த² ப⁴த்³த³கேன ஸீலேன பயோக³ஸம்பன்னோ ஹோதி, ப⁴த்³தி³காய தி³ட்டி²யா ஆஸயஸம்பன்னோ. இதி பயோகா³ஸயஸம்பன்னோ புக்³க³லோ ஸக்³கூ³பகோ³ ஹோதி. தேன வுத்தங் – ‘‘இமேஹி, கோ², பி⁴க்க²வே, த்³வீஹி த⁴ம்மேஹி ஸமன்னாக³தோ புக்³க³லோ யதா²ப⁴தங் நிக்கி²த்தோ, ஏவங் ஸக்³கே³’’தி. ஸப்பஞ்ஞோதி பஞ்ஞவா. ஸேஸங் ஸுவிஞ்ஞெய்யமேவ.
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
ச²ட்ட²ஸுத்தவண்ணனா நிட்டி²தா.
Chaṭṭhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / இதிவுத்தகபாளி • Itivuttakapāḷi / 6. து³தியஸீலஸுத்தங் • 6. Dutiyasīlasuttaṃ
