| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
4. து³தியஸோவசஸ்ஸதாஸுத்தங்
4. Dutiyasovacassatāsuttaṃ
35. ‘‘இமங் , பி⁴க்க²வே, ரத்திங் அஞ்ஞதரா தே³வதா அபி⁴க்கந்தாய ரத்தியா அபி⁴க்கந்தவண்ணா…பே॰… ‘ஸத்திமே, ப⁴ந்தே, த⁴ம்மா பி⁴க்கு²னோ அபரிஹானாய ஸங்வத்தந்தி. கதமே ஸத்த? ஸத்து²கா³ரவதா, த⁴ம்மகா³ரவதா, ஸங்க⁴கா³ரவதா, ஸிக்கா²கா³ரவதா, ஸமாதி⁴கா³ரவதா, ஸோவசஸ்ஸதா, கல்யாணமித்ததா. இமே கோ², ப⁴ந்தே, ஸத்த த⁴ம்மா பி⁴க்கு²னோ அபரிஹானாய ஸங்வத்தந்தீ’தி. இத³மவோச, பி⁴க்க²வே, ஸா தே³வதா. இத³ங் வத்வா மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யீ’’தி.
35. ‘‘Imaṃ , bhikkhave, rattiṃ aññatarā devatā abhikkantāya rattiyā abhikkantavaṇṇā…pe… ‘sattime, bhante, dhammā bhikkhuno aparihānāya saṃvattanti. Katame satta? Satthugāravatā, dhammagāravatā, saṅghagāravatā, sikkhāgāravatā, samādhigāravatā, sovacassatā, kalyāṇamittatā. Ime kho, bhante, satta dhammā bhikkhuno aparihānāya saṃvattantī’ti. Idamavoca, bhikkhave, sā devatā. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
ஏவங் வுத்தே ஆயஸ்மா ஸாரிபுத்தோ ப⁴க³வந்தங் ஏதத³வோச – ‘‘இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமி. இத⁴, ப⁴ந்தே, பி⁴க்கு² அத்தனா ச ஸத்து²கா³ரவோ ஹோதி, ஸத்து²கா³ரவதாய ச வண்ணவாதீ³. யே சஞ்ஞே பி⁴க்கூ² ந ஸத்து²கா³ரவா தே ச ஸத்து²கா³ரவதாய ஸமாத³பேதி. யே சஞ்ஞே பி⁴க்கூ² ஸத்து²கா³ரவா தேஸஞ்ச வண்ணங் ப⁴ணதி பூ⁴தங் தச்ச²ங் காலேன. அத்தனா ச த⁴ம்மகா³ரவோ ஹோதி…பே॰… ஸங்க⁴கா³ரவோ ஹோதி… ஸிக்கா²கா³ரவோ ஹோதி… ஸமாதி⁴கா³ரவோ ஹோதி… ஸுவசோ ஹோதி… கல்யாணமித்தோ ஹோதி, கல்யாணமித்ததாய ச வண்ணவாதீ³. யே சஞ்ஞே பி⁴க்கூ² ந கல்யாணமித்தா தே ச கல்யாணமித்ததாய ஸமாத³பேதி . யே சஞ்ஞே பி⁴க்கூ² கல்யாணமித்தா தேஸஞ்ச வண்ணங் ப⁴ணதி பூ⁴தங் தச்ச²ங் காலேனாதி. இமஸ்ஸ கோ² அஹங், ப⁴ந்தே, ப⁴க³வதா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாமீ’’தி.
Evaṃ vutte āyasmā sāriputto bhagavantaṃ etadavoca – ‘‘imassa kho ahaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmi. Idha, bhante, bhikkhu attanā ca satthugāravo hoti, satthugāravatāya ca vaṇṇavādī. Ye caññe bhikkhū na satthugāravā te ca satthugāravatāya samādapeti. Ye caññe bhikkhū satthugāravā tesañca vaṇṇaṃ bhaṇati bhūtaṃ tacchaṃ kālena. Attanā ca dhammagāravo hoti…pe… saṅghagāravo hoti… sikkhāgāravo hoti… samādhigāravo hoti… suvaco hoti… kalyāṇamitto hoti, kalyāṇamittatāya ca vaṇṇavādī. Ye caññe bhikkhū na kalyāṇamittā te ca kalyāṇamittatāya samādapeti . Ye caññe bhikkhū kalyāṇamittā tesañca vaṇṇaṃ bhaṇati bhūtaṃ tacchaṃ kālenāti. Imassa kho ahaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘ஸாது⁴ ஸாது⁴, ஸாரிபுத்த! ஸாது⁴ கோ² த்வங், ஸாரிபுத்த, இமஸ்ஸ மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்த²ங் ஆஜானாஸி. இத⁴, ஸாரிபுத்த, பி⁴க்கு² அத்தனா ச ஸத்து²கா³ரவோ ஹோதி, ஸத்து²கா³ரவதாய ச வண்ணவாதீ³. யே சஞ்ஞே பி⁴க்கூ² ந ஸத்து²கா³ரவா தே ச ஸத்து²கா³ரவதாய ஸமாத³பேதி . யே சஞ்ஞே பி⁴க்கூ² ஸத்து²கா³ரவா தேஸஞ்ச வண்ணங் ப⁴ணதி பூ⁴தங் தச்ச²ங் காலேன. அத்தனா ச த⁴ம்மகா³ரவோ ஹோதி…பே॰… ஸங்க⁴கா³ரவோ ஹோதி… ஸிக்கா²கா³ரவோ ஹோதி… ஸமாதி⁴கா³ரவோ ஹோதி… ஸுவசோ ஹோதி… கல்யாணமித்தோ ஹோதி, கல்யாணமித்ததாய ச வண்ணவாதீ³. யே சஞ்ஞே பி⁴க்கூ² ந கல்யாணமித்தா தே ச கல்யாணமித்ததாய ஸமாத³பேதி. யே சஞ்ஞே பி⁴க்கூ² கல்யாணமித்தா தேஸஞ்ச வண்ணங் ப⁴ணதி பூ⁴தங் தச்ச²ங் காலேனாதி. இமஸ்ஸ கோ², ஸாரிபுத்த, மயா ஸங்கி²த்தேன பா⁴ஸிதஸ்ஸ ஏவங் வித்தா²ரேன அத்தோ² த³ட்ட²ப்³போ³’’தி. சதுத்த²ங்.
‘‘Sādhu sādhu, sāriputta! Sādhu kho tvaṃ, sāriputta, imassa mayā saṃkhittena bhāsitassa evaṃ vitthārena atthaṃ ājānāsi. Idha, sāriputta, bhikkhu attanā ca satthugāravo hoti, satthugāravatāya ca vaṇṇavādī. Ye caññe bhikkhū na satthugāravā te ca satthugāravatāya samādapeti . Ye caññe bhikkhū satthugāravā tesañca vaṇṇaṃ bhaṇati bhūtaṃ tacchaṃ kālena. Attanā ca dhammagāravo hoti…pe… saṅghagāravo hoti… sikkhāgāravo hoti… samādhigāravo hoti… suvaco hoti… kalyāṇamitto hoti, kalyāṇamittatāya ca vaṇṇavādī. Ye caññe bhikkhū na kalyāṇamittā te ca kalyāṇamittatāya samādapeti. Ye caññe bhikkhū kalyāṇamittā tesañca vaṇṇaṃ bhaṇati bhūtaṃ tacchaṃ kālenāti. Imassa kho, sāriputta, mayā saṃkhittena bhāsitassa evaṃ vitthārena attho daṭṭhabbo’’ti. Catutthaṃ.
