| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૮. દુતિયસૂરિયસુત્તં
8. Dutiyasūriyasuttaṃ
૧૧૦૮. ‘‘યાવકીવઞ્ચ , ભિક્ખવે, ચન્દિમસૂરિયા લોકે નુપ્પજ્જન્તિ, નેવ તાવ મહતો આલોકસ્સ પાતુભાવો હોતિ મહતો ઓભાસસ્સ. અન્ધતમં તદા હોતિ અન્ધકારતિમિસા . નેવ તાવ રત્તિન્દિવા 1 પઞ્ઞાયન્તિ, ન માસદ્ધમાસા પઞ્ઞાયન્તિ, ન ઉતુસંવચ્છરા પઞ્ઞાયન્તિ.
1108. ‘‘Yāvakīvañca , bhikkhave, candimasūriyā loke nuppajjanti, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā . Neva tāva rattindivā 2 paññāyanti, na māsaddhamāsā paññāyanti, na utusaṃvaccharā paññāyanti.
‘‘યતો ચ ખો, ભિક્ખવે, ચન્દિમસૂરિયા લોકે ઉપ્પજ્જન્તિ, અથ મહતો આલોકસ્સ પાતુભાવો હોતિ મહતો ઓભાસસ્સ. નેવ અન્ધકારતમં તદા હોતિ ન અન્ધકારતિમિસા. અથ રત્તિન્દિવા પઞ્ઞાયન્તિ, માસદ્ધમાસા પઞ્ઞાયન્તિ, ઉતુસંવચ્છરા પઞ્ઞાયન્તિ. એવમેવ ખો, ભિક્ખવે, યાવકીવઞ્ચ તથાગતો લોકે નુપ્પજ્જતિ અરહં સમ્માસમ્બુદ્ધો, નેવ તાવ મહતો આલોકસ્સ પાતુભાવો હોતિ મહતો ઓભાસસ્સ. અન્ધતમં તદા હોતિ અન્ધકારતિમિસા. નેવ તાવ ચતુન્નં અરિયસચ્ચાનં આચિક્ખણા હોતિ દેસના પઞ્ઞાપના પટ્ઠપના વિવરણા વિભજના ઉત્તાનીકમ્મં.
‘‘Yato ca kho, bhikkhave, candimasūriyā loke uppajjanti, atha mahato ālokassa pātubhāvo hoti mahato obhāsassa. Neva andhakāratamaṃ tadā hoti na andhakāratimisā. Atha rattindivā paññāyanti, māsaddhamāsā paññāyanti, utusaṃvaccharā paññāyanti. Evameva kho, bhikkhave, yāvakīvañca tathāgato loke nuppajjati arahaṃ sammāsambuddho, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā. Neva tāva catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ.
‘‘યતો ચ ખો, ભિક્ખવે, તથાગતો લોકે ઉપ્પજ્જતિ અરહં સમ્માસમ્બુદ્ધો, અથ મહતો આલોકસ્સ પાતુભાવો હોતિ મહતો ઓભાસસ્સ. નેવ અન્ધતમં તદા હોતિ ન અન્ધકારતિમિસા. અથ ખો ચતુન્નં અરિયસચ્ચાનં આચિક્ખણા હોતિ દેસના પઞ્ઞાપના પટ્ઠપના વિવરણા વિભજના ઉત્તાનીકમ્મં. કતમેસં ચતુન્નં? દુક્ખસ્સ અરિયસચ્ચસ્સ…પે॰… દુક્ખનિરોધગામિનિયા પટિપદાય અરિયસચ્ચસ્સ .
‘‘Yato ca kho, bhikkhave, tathāgato loke uppajjati arahaṃ sammāsambuddho, atha mahato ālokassa pātubhāvo hoti mahato obhāsassa. Neva andhatamaṃ tadā hoti na andhakāratimisā. Atha kho catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa .
‘‘તસ્માતિહ, ભિક્ખવે, ‘ઇદં દુક્ખ’ન્તિ યોગો કરણીયો…પે॰… ‘અયં દુક્ખનિરોધગામિની પટિપદા’તિ યોગો કરણીયો’’તિ. અટ્ઠમં.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Aṭṭhamaṃ.
Footnotes:
