| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
6. து³தியவினயத⁴ரஸோப⁴னஸுத்தங்
6. Dutiyavinayadharasobhanasuttaṃ
80. ‘‘ஸத்தஹி, பி⁴க்க²வே, த⁴ம்மேஹி ஸமன்னாக³தோ வினயத⁴ரோ ஸோப⁴தி. கதமேஹி ஸத்தஹி? ஆபத்திங் ஜானாதி, அனாபத்திங் ஜானாதி, லஹுகங் ஆபத்திங் ஜானாதி, க³ருகங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, சதுன்னங் ஜா²னானங்…பே॰… அகஸிரலாபீ⁴, ஆஸவானங் க²யா…பே॰… ஸச்சி²கத்வா உபஸம்பஜ்ஜ விஹரதி. இமேஹி கோ², பி⁴க்க²வே, ஸத்தஹி த⁴ம்மேஹி ஸமன்னாக³தோ வினயத⁴ரோ ஸோப⁴தீ’’தி. ச²ட்ட²ங்.
80. ‘‘Sattahi, bhikkhave, dhammehi samannāgato vinayadharo sobhati. Katamehi sattahi? Āpattiṃ jānāti, anāpattiṃ jānāti, lahukaṃ āpattiṃ jānāti, garukaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, catunnaṃ jhānānaṃ…pe… akasiralābhī, āsavānaṃ khayā…pe… sacchikatvā upasampajja viharati. Imehi kho, bhikkhave, sattahi dhammehi samannāgato vinayadharo sobhatī’’ti. Chaṭṭhaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-8. பட²மவினயத⁴ரஸுத்தாதி³வண்ணனா • 1-8. Paṭhamavinayadharasuttādivaṇṇanā
