| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. து³தியவிவாத³மூலஸுத்தங்
3. Dutiyavivādamūlasuttaṃ
43. ‘‘கதி நு கோ², ப⁴ந்தே, விவாத³மூலானீ’’தி? ‘‘த³ஸ கோ², உபாலி, விவாத³மூலானி. கதமானி த³ஸ? இது⁴பாலி, பி⁴க்கூ² அனாபத்திங் ஆபத்தீதி தீ³பெந்தி, ஆபத்திங் அனாபத்தீதி தீ³பெந்தி, லஹுகங் ஆபத்திங் க³ருகாபத்தீதி தீ³பெந்தி , க³ருகங் ஆபத்திங் லஹுகாபத்தீதி தீ³பெந்தி, து³ட்டு²ல்லங் ஆபத்திங் அது³ட்டு²ல்லாபத்தீதி தீ³பெந்தி, அது³ட்டு²ல்லங் ஆபத்திங் து³ட்டு²ல்லாபத்தீதி தீ³பெந்தி, ஸாவஸேஸங் ஆபத்திங் அனவஸேஸாபத்தீதி தீ³பெந்தி, அனவஸேஸங் ஆபத்திங் ஸாவஸேஸாபத்தீதி தீ³பெந்தி , ஸப்படிகம்மங் ஆபத்திங் அப்படிகம்மாபத்தீதி தீ³பெந்தி, அப்படிகம்மங் ஆபத்திங் ஸப்படிகம்மாபத்தீதி தீ³பெந்தி. இமானி கோ², உபாலி, த³ஸ விவாத³மூலானீ’’தி. ததியங்.
43. ‘‘Kati nu kho, bhante, vivādamūlānī’’ti? ‘‘Dasa kho, upāli, vivādamūlāni. Katamāni dasa? Idhupāli, bhikkhū anāpattiṃ āpattīti dīpenti, āpattiṃ anāpattīti dīpenti, lahukaṃ āpattiṃ garukāpattīti dīpenti , garukaṃ āpattiṃ lahukāpattīti dīpenti, duṭṭhullaṃ āpattiṃ aduṭṭhullāpattīti dīpenti, aduṭṭhullaṃ āpattiṃ duṭṭhullāpattīti dīpenti, sāvasesaṃ āpattiṃ anavasesāpattīti dīpenti, anavasesaṃ āpattiṃ sāvasesāpattīti dīpenti , sappaṭikammaṃ āpattiṃ appaṭikammāpattīti dīpenti, appaṭikammaṃ āpattiṃ sappaṭikammāpattīti dīpenti. Imāni kho, upāli, dasa vivādamūlānī’’ti. Tatiyaṃ.
Related texts:
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-8. விவாத³ஸுத்தாதி³வண்ணனா • 1-8. Vivādasuttādivaṇṇanā
