| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
3. து³ட்ட²ட்ட²கஸுத்தங்
3. Duṭṭhaṭṭhakasuttaṃ
786.
786.
வத³ந்தி வே து³ட்ட²மனாபி ஏகே, அதோ²பி வே ஸச்சமனா வத³ந்தி;
Vadanti ve duṭṭhamanāpi eke, athopi ve saccamanā vadanti;
வாத³ஞ்ச ஜாதங் முனி நோ உபேதி, தஸ்மா முனீ நத்தி² கி²லோ குஹிஞ்சி.
Vādañca jātaṃ muni no upeti, tasmā munī natthi khilo kuhiñci.
787.
787.
ஸகஞ்ஹி தி³ட்டி²ங் கத²மச்சயெய்ய, ச²ந்தா³னுனீதோ ருசியா நிவிட்டோ²;
Sakañhi diṭṭhiṃ kathamaccayeyya, chandānunīto ruciyā niviṭṭho;
ஸயங் ஸமத்தானி பகுப்³ப³மானோ, யதா² ஹி ஜானெய்ய ததா² வதெ³ய்ய.
Sayaṃ samattāni pakubbamāno, yathā hi jāneyya tathā vadeyya.
788.
788.
அனரியத⁴ம்மங் குஸலா தமாஹு, யோ ஆதுமானங் ஸயமேவ பாவ.
Anariyadhammaṃ kusalā tamāhu, yo ātumānaṃ sayameva pāva.
789.
789.
ஸந்தோ ச பி⁴க்கு² அபி⁴னிப்³பு³தத்தோ, இதிஹந்தி ஸீலேஸு அகத்த²மானோ;
Santo ca bhikkhu abhinibbutatto, itihanti sīlesu akatthamāno;
தமரியத⁴ம்மங் குஸலா வத³ந்தி, யஸ்ஸுஸ்ஸதா³ நத்தி² குஹிஞ்சி லோகே.
Tamariyadhammaṃ kusalā vadanti, yassussadā natthi kuhiñci loke.
790.
790.
பகப்பிதா ஸங்க²தா யஸ்ஸ த⁴ம்மா, புரக்க²தா 5 ஸந்தி அவீவதா³தா;
Pakappitā saṅkhatā yassa dhammā, purakkhatā 6 santi avīvadātā;
யத³த்தனி பஸ்ஸதி ஆனிஸங்ஸங், தங் நிஸ்ஸிதோ குப்பபடிச்ச ஸந்திங்.
Yadattani passati ānisaṃsaṃ, taṃ nissito kuppapaṭicca santiṃ.
791.
791.
தி³ட்டீ²னிவேஸா ந ஹி ஸ்வாதிவத்தா, த⁴ம்மேஸு நிச்செ²ய்ய ஸமுக்³க³ஹீதங்;
Diṭṭhīnivesā na hi svātivattā, dhammesu niccheyya samuggahītaṃ;
தஸ்மா நரோ தேஸு நிவேஸனேஸு, நிரஸ்ஸதீ ஆதி³யதீ ச த⁴ம்மங்.
Tasmā naro tesu nivesanesu, nirassatī ādiyatī ca dhammaṃ.
792.
792.
தோ⁴னஸ்ஸ ஹி நத்தி² குஹிஞ்சி லோகே, பகப்பிதா தி³ட்டி² ப⁴வாப⁴வேஸு;
Dhonassa hi natthi kuhiñci loke, pakappitā diṭṭhi bhavābhavesu;
மாயஞ்ச மானஞ்ச பஹாய தோ⁴னோ, ஸ கேன க³ச்செ²ய்ய அனூபயோ ஸோ.
Māyañca mānañca pahāya dhono, sa kena gaccheyya anūpayo so.
793.
793.
உபயோ ஹி த⁴ம்மேஸு உபேதி வாத³ங், அனூபயங் கேன கத²ங் வதெ³ய்ய;
Upayo hi dhammesu upeti vādaṃ, anūpayaṃ kena kathaṃ vadeyya;
அத்தா நிரத்தா 7 ந ஹி தஸ்ஸ அத்தி², அதோ⁴ஸி ஸோ தி³ட்டி²மிதே⁴வ ஸப்³ப³ந்தி.
Attā nirattā 8 na hi tassa atthi, adhosi so diṭṭhimidheva sabbanti.
து³ட்ட²ட்ட²கஸுத்தங் ததியங் நிட்டி²தங்.
Duṭṭhaṭṭhakasuttaṃ tatiyaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 3. து³ட்ட²ட்ட²கஸுத்தவண்ணனா • 3. Duṭṭhaṭṭhakasuttavaṇṇanā
