| Library / Tipiṭaka / તિપિટક • Tipiṭaka / વજિરબુદ્ધિ-ટીકા • Vajirabuddhi-ṭīkā |
૩. દ્વેભાગસિક્ખાપદવણ્ણના
3. Dvebhāgasikkhāpadavaṇṇanā
૫૫૨. ‘‘ધારયિત્વા દ્વે તુલા આદાતબ્બા’’તિ વચનતો યથા તુલાધારણાય કાળકા અધિકા ન હોન્તિ, તથા કાળકાનં દ્વે ભાવા ગહેતબ્બા ઉક્કટ્ઠપરિચ્છેદેન. કથં પઞ્ઞાયતીતિ? સુદ્ધકાળકપટિસેધનનિદાનેન. તતિયં ઓદાતાનં ચતુત્થં ગોચરિયાનન્તિ હેટ્ઠિમપરિચ્છેદો. માતિકાટ્ઠકથાયં પન ‘‘એકસ્સપિ કાળકલોમસ્સ અતિરેકભાવે નિસ્સગ્ગિય’’ન્તિ (કઙ્ખા॰ અટ્ઠ॰ દ્વેભાગસિક્ખાપદવણ્ણના) વુત્તં, તં તુલાધારણાય કિઞ્ચાપિ ન સમેતિ, અચિત્તકત્તા પન સિક્ખાપદસ્સ પુબ્બે તુલાય ધારયિત્વા ઠપિતેસુ એકમ્પિ લોમં તત્થ પતેય્ય નિસ્સગ્ગિયન્તિ અધિપ્પાયોતિ નો તક્કો. અઞ્ઞથા દ્વે તુલા નાદાતબ્બા, ઊનકતરા આદાતબ્બા સિયું. ન હિ લોમં ગણેત્વા તુલાધારણા કરીયતિ. અથ ગણેત્વાવ કાતબ્બં. કિં તુલાધારણાય પયોજનન્તિ કેચિ. ‘‘ગોચરિયઓદાતેસુ એકમેવ દિગુણં કત્વા ગહેતું વટ્ટતી’’તિ વદન્તિ, અટ્ઠકથાયં અવિચારિતત્તા વીમંસિતબ્બં.
552. ‘‘Dhārayitvā dve tulā ādātabbā’’ti vacanato yathā tulādhāraṇāya kāḷakā adhikā na honti, tathā kāḷakānaṃ dve bhāvā gahetabbā ukkaṭṭhaparicchedena. Kathaṃ paññāyatīti? Suddhakāḷakapaṭisedhananidānena. Tatiyaṃ odātānaṃ catutthaṃ gocariyānanti heṭṭhimaparicchedo. Mātikāṭṭhakathāyaṃ pana ‘‘ekassapi kāḷakalomassa atirekabhāve nissaggiya’’nti (kaṅkhā. aṭṭha. dvebhāgasikkhāpadavaṇṇanā) vuttaṃ, taṃ tulādhāraṇāya kiñcāpi na sameti, acittakattā pana sikkhāpadassa pubbe tulāya dhārayitvā ṭhapitesu ekampi lomaṃ tattha pateyya nissaggiyanti adhippāyoti no takko. Aññathā dve tulā nādātabbā, ūnakatarā ādātabbā siyuṃ. Na hi lomaṃ gaṇetvā tulādhāraṇā karīyati. Atha gaṇetvāva kātabbaṃ. Kiṃ tulādhāraṇāya payojananti keci. ‘‘Gocariyaodātesu ekameva diguṇaṃ katvā gahetuṃ vaṭṭatī’’ti vadanti, aṭṭhakathāyaṃ avicāritattā vīmaṃsitabbaṃ.
દ્વેભાગસિક્ખાપદવણ્ણના નિટ્ઠિતા.
Dvebhāgasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૩. દ્વેભાગસિક્ખાપદં • 3. Dvebhāgasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૩. દ્વેભાગસિક્ખાપદવણ્ણના • 3. Dvebhāgasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. દ્વેભાગસિક્ખાપદવણ્ણના • 3. Dvebhāgasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. કોસિયસિક્ખાપદવણ્ણના • 1. Kosiyasikkhāpadavaṇṇanā
