| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૭. એકદીપિયત્થેરઅપદાનવણ્ણના
7. Ekadīpiyattheraapadānavaṇṇanā
પદુમુત્તરસ્સ મુનિનોતિઆદિકં આયસ્મતો એકદીપિયત્થેરસ્સ અપદાનં. અયમ્પાયસ્મા પુરિમજિનસેટ્ઠેસુ કતકુસલસમ્ભારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો પદુમુત્તરસ્સ ભગવતો કાલે ગહપતિકુલે નિબ્બત્તો વુદ્ધિપ્પત્તો સદ્ધો પસન્નો ભગવતો સલલમહાબોધિમ્હિ એકપદીપં પૂજેસિ, થાવરં કત્વા નિચ્ચમેકપદીપપૂજનત્થાય તેલવટ્ટં પટ્ઠપેસિ. સો તેન પુઞ્ઞેન દેવમનુસ્સેસુ સંસરન્તો સબ્બત્થ જલમાનો પસન્નચક્ખુકો ઉભયસુખમનુભવિત્વા ઇમસ્મિં બુદ્ધુપ્પાદે સાવત્થિયં વિભવસમ્પન્ને એકસ્મિં કુલે નિબ્બત્તો વિઞ્ઞુતં પત્તો રતનત્તયે પસન્નો પબ્બજિત્વા નચિરસ્સેવ અરહત્તં પત્તો દીપપૂજાય લદ્ધવિસેસાધિગમત્તા એકદીપિયત્થેરોતિ પાકટો.
Padumuttarassa muninotiādikaṃ āyasmato ekadīpiyattherassa apadānaṃ. Ayampāyasmā purimajinaseṭṭhesu katakusalasambhāro tattha tattha bhave vivaṭṭūpanissayāni puññāni upacinanto padumuttarassa bhagavato kāle gahapatikule nibbatto vuddhippatto saddho pasanno bhagavato salalamahābodhimhi ekapadīpaṃ pūjesi, thāvaraṃ katvā niccamekapadīpapūjanatthāya telavaṭṭaṃ paṭṭhapesi. So tena puññena devamanussesu saṃsaranto sabbattha jalamāno pasannacakkhuko ubhayasukhamanubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto viññutaṃ patto ratanattaye pasanno pabbajitvā nacirasseva arahattaṃ patto dīpapūjāya laddhavisesādhigamattā ekadīpiyattheroti pākaṭo.
૩૦. સો અપરભાગે અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો પદુમુત્તરસ્સ મુનિનોતિઆદિમાહ. તં સબ્બં ઉત્તાનત્થમેવાતિ.
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttarassa muninotiādimāha. Taṃ sabbaṃ uttānatthamevāti.
એકદીપિયત્થેરઅપદાનવણ્ણના સમત્તા.
Ekadīpiyattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૭. એકદીપિયત્થેરઅપદાનં • 7. Ekadīpiyattheraapadānaṃ
