| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
4. ஏகமூலஸுத்தவண்ணனா
4. Ekamūlasuttavaṇṇanā
44. பதிட்ட²ட்டே²ன அவிஜ்ஜாஸங்கா²தங் ஏகங் மூலங் ஏதிஸ்ஸாதி ஏகமூலா. தங் ஏகமூலங். யதா² ஸங்யோஜனீயேஸு அஸ்ஸாதா³னுபஸ்ஸனாவஸேன தண்ஹாஸமுப்பாதோ³, ஏவங் தண்ஹாபி⁴ப⁴வவஸேன அனவபோ³தோ⁴தி அவிஜ்ஜா தண்ஹாய மூலங், தண்ஹா ச அவிஜ்ஜாய மூலங். அயஞ்ஹி நயோ உபனிஸ்ஸயதாவஸேன வுத்தோ, ஸஹஜாதவஸேன சாயங் அஞ்ஞமஞ்ஞங் மூலபா⁴வோ பாகடோயேவ. இத⁴ பன இமிஸ்ஸங் கா³தா²யங் அதி⁴ப்பேதா ‘‘ஏகமூல’’ந்தி ஸா தண்ஹா. தத்த² யா ப⁴வதண்ஹா, ஸா ஸஸ்ஸததி³ட்டி²வஸேன ஆவட்டதி பரிவத்ததி, விப⁴வதண்ஹா உச்சே²த³தி³ட்டி²வஸேன, ஏவங் த்³விராவட்டங். ஸஹஜாதகோடியாதி ஸஹஜாதகோடியாபி, பகே³வ ஸம்முய்ஹங் ஆபன்னஸ்ஸ பன வத்தமானாய தண்ஹாய ப³லவபா⁴வேன மலீனதா ஸியா. உபனிஸ்ஸயகோடியாதி உபனிஸ்ஸயகோடியாவ ஸஹஜாதகோடியா அஸம்ப⁴வதோ. பத்த²ரணட்டா²னாதி வித்த²தா ஹுத்வா பவத்திட்டா²னபூ⁴மி . தேனாஹ ‘‘தேஸு ஸா பத்த²ரதீ’’தி. ஸமுத்³த³னட்டே²ன ஸமுத்³தோ³. உத்தரிதுங் அஸக்குணெய்யதாய பதாய அலங் பரியத்தோதி பாதாலோ, அயங் பன பாதாலோ வியாதி பாதாலோ. தேனாஹ ‘‘அப்பதிட்ட²ட்டே²னா’’தி. அகா³த⁴க³ம்பீ⁴ரதாயாதி அத்தோ².
44. Patiṭṭhaṭṭhena avijjāsaṅkhātaṃ ekaṃ mūlaṃ etissāti ekamūlā. Taṃ ekamūlaṃ. Yathā saṃyojanīyesu assādānupassanāvasena taṇhāsamuppādo, evaṃ taṇhābhibhavavasena anavabodhoti avijjā taṇhāya mūlaṃ, taṇhā ca avijjāya mūlaṃ. Ayañhi nayo upanissayatāvasena vutto, sahajātavasena cāyaṃ aññamaññaṃ mūlabhāvo pākaṭoyeva. Idha pana imissaṃ gāthāyaṃ adhippetā ‘‘ekamūla’’nti sā taṇhā. Tattha yā bhavataṇhā, sā sassatadiṭṭhivasena āvaṭṭati parivattati, vibhavataṇhā ucchedadiṭṭhivasena, evaṃ dvirāvaṭṭaṃ. Sahajātakoṭiyāti sahajātakoṭiyāpi, pageva sammuyhaṃ āpannassa pana vattamānāya taṇhāya balavabhāvena malīnatā siyā. Upanissayakoṭiyāti upanissayakoṭiyāva sahajātakoṭiyā asambhavato. Pattharaṇaṭṭhānāti vitthatā hutvā pavattiṭṭhānabhūmi . Tenāha ‘‘tesu sā pattharatī’’ti. Samuddanaṭṭhena samuddo. Uttarituṃ asakkuṇeyyatāya patāya alaṃ pariyattoti pātālo, ayaṃ pana pātālo viyāti pātālo. Tenāha ‘‘appatiṭṭhaṭṭhenā’’ti. Agādhagambhīratāyāti attho.
ஏகமூலஸுத்தவண்ணனா நிட்டி²தா.
Ekamūlasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. ஏகமூலஸுத்தங் • 4. Ekamūlasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. ஏகமூலஸுத்தவண்ணனா • 4. Ekamūlasuttavaṇṇanā
