| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૪. એકમૂલસુત્તવણ્ણના
4. Ekamūlasuttavaṇṇanā
૪૪. ચતુત્થે એકમૂલન્તિ અવિજ્જા તણ્હાય મૂલં, તણ્હા અવિજ્જાય. ઇધ પન તણ્હા અધિપ્પેતા. દ્વીહિ સસ્સતુચ્છેદદિટ્ઠીહિ આવટ્ટતીતિ દ્વિરાવટ્ટા. સા ચ રાગાદીહિ તીહિ મલેહિ તિમલા. તત્રાસ્સા મોહો સહજાતકોટિયા મલં હોતિ, રાગદોસા ઉપનિસ્સયકોટિયા. પઞ્ચ પન કામગુણા અસ્સા પત્થરણટ્ઠાના, તેસુ સા પત્થરતીતિ પઞ્ચપત્થરા. સા ચ અપૂરણીયટ્ઠેન સમુદ્દો. અજ્ઝત્તિકબાહિરેસુ પનેસા દ્વાદસાયતનેસુ આવટ્ટતિ પરિવટ્ટતીતિ દ્વાદસાવટ્ટા. અપતિટ્ઠટ્ઠેન પન પાતાલોતિ વુચ્ચતીતિ. એકમૂલં…પે॰… પાતાલં, અતરિ ઇસિ, ઉત્તરિ સમતિક્કમીતિ અત્થો. ચતુત્થં.
44. Catutthe ekamūlanti avijjā taṇhāya mūlaṃ, taṇhā avijjāya. Idha pana taṇhā adhippetā. Dvīhi sassatucchedadiṭṭhīhi āvaṭṭatīti dvirāvaṭṭā. Sā ca rāgādīhi tīhi malehi timalā. Tatrāssā moho sahajātakoṭiyā malaṃ hoti, rāgadosā upanissayakoṭiyā. Pañca pana kāmaguṇā assā pattharaṇaṭṭhānā, tesu sā pattharatīti pañcapattharā. Sā ca apūraṇīyaṭṭhena samuddo. Ajjhattikabāhiresu panesā dvādasāyatanesu āvaṭṭati parivaṭṭatīti dvādasāvaṭṭā. Apatiṭṭhaṭṭhena pana pātāloti vuccatīti. Ekamūlaṃ…pe… pātālaṃ, atari isi, uttari samatikkamīti attho. Catutthaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. એકમૂલસુત્તં • 4. Ekamūlasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. એકમૂલસુત્તવણ્ણના • 4. Ekamūlasuttavaṇṇanā
