| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2-4. ஏதங்மமஸுத்தாதி³வண்ணனா
2-4. Etaṃmamasuttādivaṇṇanā
207-209. தி³ட்ட²ங் ரூபாயதனங் சக்கு²னா த³ட்ட²ப்³ப³தோ. ஸுதங் ஸத்³தா³யதனங் ஸோதேன ஸோதப்³ப³தோ. முதங் க³ந்தா⁴யதனாதி³ திவித⁴ங் ஸம்பத்தகா³ஹீஹி கா⁴னாதீ³ஹி பத்வா க³ஹேதப்³ப³தோ. அவஸேஸானி சக்கா²தீ³னி ஸத்தாயதனானி விஞ்ஞாதங் நாம கேவலங் மனோவிஞ்ஞாணேன விஜானிதப்³ப³தோ. பத்தந்தி அனுப்பத்தங், யங் கிஞ்சி பாபுணிதப்³ப³ங் பரியேஸித்வா க³வேஸித்வா ஸம்பத்தந்தி அனுப்பத்தங். பரியேஸிதந்தி பரியிட்ட²ங். சித்தேன அனுஸஞ்சரிதந்தி மனஸா சிந்திதங். ‘‘பத்தங் பரியேஸித’’ந்தி ஏதஸ்மிங் பத³த்³வயே சதுக்கங் ஸம்ப⁴வதீதி தங் த³ஸ்ஸெத்வா தஸ்ஸ வஸேன பத்தபரியேஸிதபதா³னி, ததோ மனஸா அனுவிசரிதஞ்ச நீஹரித்வா த³ஸ்ஸேதுங் ‘‘லோகஸ்மிங் ஹீ’’திஆதி³ வுத்தங். தத்த² பரியேஸித்வா பத்தங் நாம பரியேஸனாய பரிக்³கா³ஹபா⁴வதோ. பரியேஸிதங் நாம கேவலங் பரியேஸிதமேவாதி கத்வா பரியேஸித்வா பத்தஸ்ஸ மனுஸ்ஸானுவிசரிதஸ்ஸ வுத்தத்தா. பட²மவிகப்பே ஸங்கரோ அத்தீ²தி அஸங்கரதோ ச த³ஸ்ஸேதுங் ‘‘அத² வா’’திஆதி³ வுத்தங். ஸப்³ப³ந்தி விஞ்ஞாதாதி³. தஞ்ஹி மனோவிஞ்ஞாணேன க³ஹிதத்தா மனஸா அனுவிசரிதங் நாம ந தி³ட்ட²ங் ஸுதங் முதங்.
207-209.Diṭṭhaṃ rūpāyatanaṃ cakkhunā daṭṭhabbato. Sutaṃ saddāyatanaṃ sotena sotabbato. Mutaṃ gandhāyatanādi tividhaṃ sampattagāhīhi ghānādīhi patvā gahetabbato. Avasesāni cakkhādīni sattāyatanāni viññātaṃ nāma kevalaṃ manoviññāṇena vijānitabbato. Pattanti anuppattaṃ, yaṃ kiñci pāpuṇitabbaṃ pariyesitvā gavesitvā sampattanti anuppattaṃ. Pariyesitanti pariyiṭṭhaṃ. Cittena anusañcaritanti manasā cintitaṃ. ‘‘Pattaṃ pariyesita’’nti etasmiṃ padadvaye catukkaṃ sambhavatīti taṃ dassetvā tassa vasena pattapariyesitapadāni, tato manasā anuvicaritañca nīharitvā dassetuṃ ‘‘lokasmiṃ hī’’tiādi vuttaṃ. Tattha pariyesitvā pattaṃ nāma pariyesanāya pariggāhabhāvato. Pariyesitaṃ nāma kevalaṃ pariyesitamevāti katvā pariyesitvā pattassa manussānuvicaritassa vuttattā. Paṭhamavikappe saṅkaro atthīti asaṅkarato ca dassetuṃ ‘‘atha vā’’tiādi vuttaṃ. Sabbanti viññātādi. Tañhi manoviññāṇena gahitattā manasā anuvicaritaṃ nāma na diṭṭhaṃ sutaṃ mutaṃ.
ஏதங்மமஸுத்தாதி³வண்ணனா நிட்டி²தா.
Etaṃmamasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
2. ஏதங்மமஸுத்தங் • 2. Etaṃmamasuttaṃ
3. ஸோஅத்தாஸுத்தங் • 3. Soattāsuttaṃ
4. நோசமேஸியாஸுத்தங் • 4. Nocamesiyāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2-4. ஏதங்மமஸுத்தாதி³வண்ணனா • 2-4. Etaṃmamasuttādivaṇṇanā
