| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. க³ண்ட³ஸுத்தங்
5. Gaṇḍasuttaṃ
15. ‘‘ஸெய்யதா²பி, பி⁴க்க²வே, க³ண்டோ³ அனேகவஸ்ஸக³ணிகோ. தஸ்ஸஸ்ஸு க³ண்ட³ஸ்ஸ நவ வணமுகா²னி நவ அபே⁴த³னமுகா²னி. ததோ யங் கிஞ்சி பக்³க⁴ரெய்ய – அஸுசியேவ பக்³க⁴ரெய்ய, து³க்³க³ந்த⁴ங்யேவ பக்³க⁴ரெய்ய, ஜேகு³ச்சி²யங்யேவ 1 பக்³க⁴ரெய்ய; யங் கிஞ்சி பஸவெய்ய – அஸுசியேவ பஸவெய்ய, து³க்³க³ந்த⁴ங்யேவ பஸவெய்ய, ஜேகு³ச்சி²யங்யேவ பஸவெய்ய.
15. ‘‘Seyyathāpi, bhikkhave, gaṇḍo anekavassagaṇiko. Tassassu gaṇḍassa nava vaṇamukhāni nava abhedanamukhāni. Tato yaṃ kiñci pagghareyya – asuciyeva pagghareyya, duggandhaṃyeva pagghareyya, jegucchiyaṃyeva 2 pagghareyya; yaṃ kiñci pasaveyya – asuciyeva pasaveyya, duggandhaṃyeva pasaveyya, jegucchiyaṃyeva pasaveyya.
‘‘க³ண்டோ³தி கோ², பி⁴க்க²வே, இமஸ்ஸேதங் சாதுமஹாபூ⁴திகஸ்ஸ 3 காயஸ்ஸ அதி⁴வசனங் மாதாபெத்திகஸம்ப⁴வஸ்ஸ ஓத³னகும்மாஸூபசயஸ்ஸ அனிச்சுச்சா²த³னபரிமத்³த³னபே⁴த³னவித்³த⁴ங்ஸனத⁴ம்மஸ்ஸ. தஸ்ஸஸ்ஸு க³ண்ட³ஸ்ஸ நவ வணமுகா²னி நவ அபே⁴த³னமுகா²னி. ததோ யங் கிஞ்சி பக்³க⁴ரதி – அஸுசியேவ பக்³க⁴ரதி, து³க்³க³ந்த⁴ங்யேவ பக்³க⁴ரதி, ஜேகு³ச்சி²யங்யேவ பக்³க⁴ரதி; யங் கிஞ்சி பஸவதி – அஸுசியேவ பஸவதி, து³க்³க³ந்த⁴ங்யேவ பஸவதி, ஜேகு³ச்சி²யங்யேவ பஸவதி. தஸ்மாதிஹ, பி⁴க்க²வே, இமஸ்மிங் காயே நிப்³பி³ந்த³தா²’’தி. பஞ்சமங்.
‘‘Gaṇḍoti kho, bhikkhave, imassetaṃ cātumahābhūtikassa 4 kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa. Tassassu gaṇḍassa nava vaṇamukhāni nava abhedanamukhāni. Tato yaṃ kiñci paggharati – asuciyeva paggharati, duggandhaṃyeva paggharati, jegucchiyaṃyeva paggharati; yaṃ kiñci pasavati – asuciyeva pasavati, duggandhaṃyeva pasavati, jegucchiyaṃyeva pasavati. Tasmātiha, bhikkhave, imasmiṃ kāye nibbindathā’’ti. Pañcamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5-6. க³ண்ட³ஸுத்தாதி³வண்ணனா • 5-6. Gaṇḍasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-9. க³ண்ட³ஸுத்தாதி³வண்ணனா • 5-9. Gaṇḍasuttādivaṇṇanā
