| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૯. ગણ્ઠિપુપ્ફિયત્થેરઅપદાનવણ્ણના
9. Gaṇṭhipupphiyattheraapadānavaṇṇanā
સુવણ્ણવણ્ણો સમ્બુદ્ધોતિઆદિકં આયસ્મતો ગણ્ઠિપુપ્ફિયત્થેરસ્સ અપદાનં. અયમ્પિ પુરિમબુદ્ધેસુ કતાધિકારો અનેકાસુ જાતીસુ કતપુઞ્ઞસઞ્ચયો વિપસ્સિસ્સ ભગવતો કાલે એકસ્મિં કુલગેહે નિબ્બત્તો ઉપભોગપરિભોગેહિ અનૂનો એકદિવસં વિપસ્સિં ભગવન્તં સગણં દિસ્વા પસન્નમાનસો લાજાપઞ્ચમેહિ પુપ્ફેહિ પૂજેસિ. સો તેનેવ ચિત્તપ્પસાદેન યાવતાયુકં ઠત્વા તતો દેવલોકે નિબ્બત્તો દિબ્બસમ્પત્તિં અનુભવિત્વા અપરભાગે મનુસ્સેસુ મનુસ્સસમ્પત્તિં અનુભવિત્વા ઇમસ્મિં બુદ્ધુપ્પાદે એકસ્મિં કુલગેહે નિબ્બત્તો સદ્ધાજાતો પબ્બજિત્વા નચિરસ્સેવ અરહત્તં પાપુણિ.
Suvaṇṇavaṇṇo sambuddhotiādikaṃ āyasmato gaṇṭhipupphiyattherassa apadānaṃ. Ayampi purimabuddhesu katādhikāro anekāsu jātīsu katapuññasañcayo vipassissa bhagavato kāle ekasmiṃ kulagehe nibbatto upabhogaparibhogehi anūno ekadivasaṃ vipassiṃ bhagavantaṃ sagaṇaṃ disvā pasannamānaso lājāpañcamehi pupphehi pūjesi. So teneva cittappasādena yāvatāyukaṃ ṭhatvā tato devaloke nibbatto dibbasampattiṃ anubhavitvā aparabhāge manussesu manussasampattiṃ anubhavitvā imasmiṃ buddhuppāde ekasmiṃ kulagehe nibbatto saddhājāto pabbajitvā nacirasseva arahattaṃ pāpuṇi.
૯૧. સો એકદિવસં પુબ્બે કતપુઞ્ઞં સરિત્વા સોમનસ્સજાતો ‘‘ઇમિના કુસલેનાહં નિબ્બાનં પત્તો’’તિ પુબ્બચરિતાપદાનં પકાસેન્તો સુવણ્ણવણ્ણો સમ્બુદ્ધોતિઆદિમાહ. તં સબ્બં હેટ્ઠા વુત્તનયત્તા ઉત્તાનત્થમેવાતિ.
91. So ekadivasaṃ pubbe katapuññaṃ saritvā somanassajāto ‘‘iminā kusalenāhaṃ nibbānaṃ patto’’ti pubbacaritāpadānaṃ pakāsento suvaṇṇavaṇṇo sambuddhotiādimāha. Taṃ sabbaṃ heṭṭhā vuttanayattā uttānatthamevāti.
ગણ્ઠિપુપ્ફિયત્થેરઅપદાનવણ્ણના સમત્તા.
Gaṇṭhipupphiyattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૯. ગણ્ઠિપુપ્ફિયત્થેરઅપદાનં • 9. Gaṇṭhipupphiyattheraapadānaṃ
