| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. க⁴டஸுத்தவண்ணனா
3. Ghaṭasuttavaṇṇanā
237. பரிவேணக்³கே³னாதி பரிவேணபா⁴கே³ன. கேசி ‘‘ஏகவிஹாரேதி ஏகச்ச²ன்னே ஏகஸ்மிங் ஆவாஸே’’தி வத³ந்தி. தேதி தே த்³வேபி தே²ரா. பாடியேக்கேஸு டா²னேஸூதி விஸுங் விஸுங் டா²னேஸு. நிஸீத³ந்தீதி தி³வாவிஹாரங் நிஸீத³ந்தி. ஓளாரிகோ நாம ஜாதோ பரித்தத⁴ம்மாரம்மணத்தா தஸ்ஸ. தேதி தே²ரோ ப⁴க³வா ச.
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
பரிபுண்ணவீரியோதி சதுகிச்சஸாத⁴னவஸேன ஸம்புண்ணவீரியோ. பக்³க³ஹிதவீரியோதி ஈஸகம்பி ஸங்கோசங் அனாபஜ்ஜித்வா பவத்திதவீரியோ. உபனிக்கே²பனமத்தஸ்ஸேவாதி ஸமீபே ட²பனமத்தஸ்ஸேவ.
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
சதுபூ⁴மகத⁴ம்மேஸு லப்³ப⁴மானத்தா பஞ்ஞாய ‘‘சதுபூ⁴மகத⁴ம்மே அனுபவிஸித்வா டி²தட்டே²னா’’தி வுத்தங். லக்கி²தப்³ப³ட்டே²ன ஸமாதி⁴ ஏவ ஸமாதி⁴லக்க²ணங். ஏவங் விபஸ்ஸனாலக்க²ணங் வேதி³தப்³ப³ங். அஞ்ஞமஞ்ஞஸ்ஸாதி அஞ்ஞஸ்ஸ அஞ்ஞஸ்ஸ நானாலக்க²ணாதி வேதி³தப்³ப³ங். அஞ்ஞஸ்ஸாதி இதரஸ்ஸ. து⁴ரந்தி வஹிதப்³ப³பா⁴ரங். த்³வீஸுபி ஏதேஸூதி ஸமாதி⁴லக்க²ணவிபஸ்ஸனாலக்க²ணேஸு ஸம்மாஸம்பு³த்³தோ⁴ நிப்ப²த்திங் க³தோ.
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
க⁴டஸுத்தவண்ணனா நிட்டி²தா.
Ghaṭasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. க⁴டஸுத்தங் • 3. Ghaṭasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. க⁴டஸுத்தவண்ணனா • 3. Ghaṭasuttavaṇṇanā
