| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
10. க⁴டீகாரஸுத்தவண்ணனா
10. Ghaṭīkārasuttavaṇṇanā
50. ‘‘உபபன்னாஸே’’தி ஸே-காராக³மங் கத்வா நித்³தே³ஸோ, ‘‘உபபன்னா’’இச்சேவ அத்தோ²தி ஆஹ ‘‘நிப்³ப³த்திவஸேன உபக³தா’’தி. அத்தனோ ஸம்பத்திதோ அவிஹானதோ அவிஹா, தேஸங் ப்³ரஹ்மலோகோ அவிஹாப்³ரஹ்மலோகோ, தஸ்மிங். உபபத்திஸமனந்தரமேவாதி பட²மகொட்டா²ஸே ஏவ. அரஹத்தப²லவிமுத்தியாதி அஸெக்க²விமுத்தியா. ஸெக்க²விமுத்தியா பன அவிஹூபபத்திதோ பகே³வ விமுத்தா. மானுஸங் தே³ஹங் ஸமதிக்கமந்தி சித்துபக்கிலேஸபஹானவஸேனாதி ப²லேன ஹேதுத³ஸ்ஸனமித³ந்தி ஆஹ ‘‘மானுஸங் தே³ஹந்தி இத⁴…பே॰… வுத்தானீ’’தி. தி³வி ப⁴வங் தி³ப்³ப³ங், ப்³ரஹ்மத்தபா⁴வஸஞ்ஞிதங் க²ந்த⁴பஞ்சகங். தத்த² ஸங்யோஜனகோதி வுத்தங் ‘‘தி³ப்³ப³ங் யோக³ந்தி பஞ்ச உத்³த⁴ம்பா⁴கி³யஸங்யோஜனானீ’’தி. இமஸ்ஸாதி தே³வபுத்தஸ்ஸ. ‘‘ஹித்வா மானுஸங் தே³ஹங், தி³ப்³ப³யோக³ங் உபச்சகு³’’ந்தி தேஸங் த்வங் குஸலங் ஸப்³பா³வஜ்ஜப்பஹானேன அனவஜ்ஜதங் பா⁴ஸதீதி குஸலீ வதே³ஸி. அத்தே²ன ஸத்³த³ஸ்ஸ அபே⁴தோ³பசாரங் கத்வா க³ம்பீ⁴ரவசனங் வுத்தந்தி ஆஹ ‘‘க³ம்பீ⁴ரத்த²’’ந்தி அத்த²ஸ்ஸேவ க³ம்பீ⁴ரதோ, ந ஸத்³த³ஸ்ஸ. ஸமுச்சி²ன்னகாமராக³தாய ஸப்³ப³ஸோ காமவிஸயப்பஹானேன நிராமிஸப்³ரஹ்மசாரீ நாம அனாகா³மீ. நிவாஸனட்டா²னபூ⁴தோ ஸமானோ ஏகோ கா³மோ ஏதஸ்ஸாதி ஆஹ ‘‘ஏககா³மவாஸீ’’தி.
50. ‘‘Upapannāse’’ti se-kārāgamaṃ katvā niddeso, ‘‘upapannā’’icceva atthoti āha ‘‘nibbattivasena upagatā’’ti. Attano sampattito avihānato avihā, tesaṃ brahmaloko avihābrahmaloko, tasmiṃ. Upapattisamanantaramevāti paṭhamakoṭṭhāse eva. Arahattaphalavimuttiyāti asekkhavimuttiyā. Sekkhavimuttiyā pana avihūpapattito pageva vimuttā. Mānusaṃ dehaṃ samatikkamanti cittupakkilesapahānavasenāti phalena hetudassanamidanti āha ‘‘mānusaṃ dehanti idha…pe… vuttānī’’ti. Divi bhavaṃ dibbaṃ, brahmattabhāvasaññitaṃ khandhapañcakaṃ. Tattha saṃyojanakoti vuttaṃ ‘‘dibbaṃ yoganti pañca uddhambhāgiyasaṃyojanānī’’ti. Imassāti devaputtassa. ‘‘Hitvā mānusaṃ dehaṃ, dibbayogaṃ upaccagu’’nti tesaṃ tvaṃ kusalaṃ sabbāvajjappahānena anavajjataṃ bhāsatīti kusalī vadesi. Atthena saddassa abhedopacāraṃ katvā gambhīravacanaṃ vuttanti āha ‘‘gambhīrattha’’nti atthasseva gambhīrato, na saddassa. Samucchinnakāmarāgatāya sabbaso kāmavisayappahānena nirāmisabrahmacārī nāma anāgāmī. Nivāsanaṭṭhānabhūto samāno eko gāmo etassāti āha ‘‘ekagāmavāsī’’ti.
க⁴டீகாரஸுத்தவண்ணனா நிட்டி²தா.
Ghaṭīkārasuttavaṇṇanā niṭṭhitā.
ஆதி³த்தவக்³க³வண்ணனா நிட்டி²தா.
Ādittavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. க⁴டீகாரஸுத்தங் • 10. Ghaṭīkārasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. க⁴டீகாரஸுத்தவண்ணனா • 10. Ghaṭīkārasuttavaṇṇanā
