| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
6. கோ⁴ஸிதஸுத்தவண்ணனா
6. Ghositasuttavaṇṇanā
129. ரூபா ச மனாபாதி நீலாதி³பே⁴தா³ ரூபத⁴ம்மா ச மனஸா மனுஞ்ஞா பியரூபா ஸங்விஜ்ஜந்தி, இத³ஞ்ச ஸுக²வேத³னீயஸ்ஸ ப²ஸ்ஸஸ்ஸ ஸபா⁴வத³ஸ்ஸனத்த²ங். ஏவங் ‘‘ரூபா ச மனாபா உபெக்கா²வேத³னியா’’தி எத்தா²பி யதா²ரஹங் வத்தப்³ப³ங். சக்கு²விஞ்ஞாண…பே॰… ப²ஸ்ஸந்தி வுத்தங். உபனிஸ்ஸயகோடியா ஹி சக்கு²விஞ்ஞாணஸம்பயுத்தப²ஸ்ஸோ ஸுக²வேத³னீயோ, ந ஸஹஜாதகோடியா. தேனாஹ – ‘‘ஏகங் ப²ஸ்ஸங் படிச்ச ஜவனவஸேன ஸுக²வேத³னா உப்பஜ்ஜதீ’’தி. ஸேஸபதே³ஸூதி ‘‘ஸங்விஜ்ஜதி கோ², க³ஹபதி, ஸோததா⁴தூ’’தி ஆக³தேஸு பஞ்சஸு கொட்டா²ஸேஸு.
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
தேவீஸதி தா⁴துயோ கதி²தா ச²ன்னங் த்³வாரானங் வஸேன விப⁴ஜ்ஜக³ஹணேன. வத்து²னிஸ்ஸிதந்தி ஹத³யவத்து²னிஸ்ஸிதங். பஞ்சத்³வாரே வீஸதி, மனொத்³வாரே திஸ்ஸோ ஏவங் தேவீஸதி.
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
கோ⁴ஸிதஸுத்தவண்ணனா நிட்டி²தா.
Ghositasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. கோ⁴ஸிதஸுத்தங் • 6. Ghositasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. கோ⁴ஸிதஸுத்தவண்ணனா • 6. Ghositasuttavaṇṇanā
