| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. ઘોસિતસુત્તવણ્ણના
6. Ghositasuttavaṇṇanā
૧૨૯. છટ્ઠે રૂપા ચ મનાપાતિ રૂપા ચ મનાપા સંવિજ્જન્તિ. ચક્ખુવિઞ્ઞાણઞ્ચાતિ ચક્ખુવિઞ્ઞાણઞ્ચ સંવિજ્જતિ. સુખવેદનિયં ફસ્સન્તિ ચક્ખુવિઞ્ઞાણસમ્પયુત્તં ઉપનિસ્સયવસેન જવનકાલે સુખવેદનાય પચ્ચયભૂતં ફસ્સં. સુખા વેદનાતિ એકં ફસ્સં પટિચ્ચ જવનવસેન સુખવેદના ઉપ્પજ્જતિ. સેસપદેસુપિ એસેવ નયો.
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ઇતિ ઇમસ્મિં સુત્તે તેવીસતિ ધાતુયો કથિતા. કથં? એત્થ હિ ચક્ખુપસાદો ચક્ખુધાતુ, તસ્સ આરમ્મણં રૂપધાતુ, ચક્ખુવિઞ્ઞાણં વિઞ્ઞાણધાતુ, ચક્ખુવિઞ્ઞાણધાતુયા સહજાતા તયો ખન્ધા ધમ્મધાતુ, એવં પઞ્ચસુ દ્વારેસુ ચતુન્નં ચતુન્નં વસેન વીસતિ. મનોદ્વારે ‘‘મનોધાતૂ’’તિ આવજ્જનચિત્તં ગહિતં, આરમ્મણઞ્ચેવ હદયવત્થુ ચ ધમ્મધાતુ, વત્થુનિસ્સિતં મનોવિઞ્ઞાણધાતૂતિ એવં તેવીસતિ હોન્તિ. એવં તેવીસતિયા ધાતૂનં વસેન ધાતુનાનત્તં વુત્તં ભગવતાતિ દસ્સેતિ.
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. ઘોસિતસુત્તં • 6. Ghositasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. ઘોસિતસુત્તવણ્ણના • 6. Ghositasuttavaṇṇanā
