| Library / Tipiṭaka / திபிடக • Tipiṭaka / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) |
4. கோ⁴டமுக²ஸுத்தவண்ணனா
4. Ghoṭamukhasuttavaṇṇanā
412. ஏவங் மே ஸுதந்தி கோ⁴டமுக²ஸுத்தங். தத்த² கே²மியம்ப³வனேதி ஏவங்னாமகே அம்ப³வனே. த⁴ம்மிகோ பரிப்³ப³ஜோதி த⁴ம்மிகா பப்³ப³ஜ்ஜா. அத³ஸ்ஸனாதி தும்ஹாதி³ஸானங் வா பண்டி³தானங் அத³ஸ்ஸனேன. யோ வா பனெத்த² த⁴ம்மோதி யோ வா பன எத்த² த⁴ம்மோ ஸபா⁴வோ, தஸ்ஸேவ வா அத³ஸ்ஸனேன. இமினா ‘‘அம்ஹாகங் கதா² அப்பமாணங், த⁴ம்மோவ பமாண’’ந்தி த³ஸ்ஸேதி. ததோ தே²ரோ ‘‘நவஉபோஸதா²கா³ரே விய ப³ஹுனா கம்மேன இத⁴ ப⁴விதப்³ப³’’ந்தி சிந்தெத்வா சங்கமா ஓருய்ஹ பண்ணஸாலங் பவிஸித்வா நிஸீதி³. தங் த³ஸ்ஸேதுங் ஏவங் வுத்தேதிஆதி³ வுத்தங்.
412.Evaṃme sutanti ghoṭamukhasuttaṃ. Tattha khemiyambavaneti evaṃnāmake ambavane. Dhammiko paribbajoti dhammikā pabbajjā. Adassanāti tumhādisānaṃ vā paṇḍitānaṃ adassanena. Yo vā panettha dhammoti yo vā pana ettha dhammo sabhāvo, tasseva vā adassanena. Iminā ‘‘amhākaṃ kathā appamāṇaṃ, dhammova pamāṇa’’nti dasseti. Tato thero ‘‘navauposathāgāre viya bahunā kammena idha bhavitabba’’nti cintetvā caṅkamā oruyha paṇṇasālaṃ pavisitvā nisīdi. Taṃ dassetuṃ evaṃ vuttetiādi vuttaṃ.
413. சத்தாரோமே ப்³ராஹ்மணாதி தே²ரஸ்ஸ கிர ஏதத³ஹோஸி – ‘‘அயங் ப்³ராஹ்மணோ ‘த⁴ம்மிகங் பப்³ப³ஜ்ஜங் உபக³தோ ஸமணோ வா ப்³ராஹ்மணோ வா நத்தீ²’தி வத³தி. இமஸ்ஸ சத்தாரோ புக்³க³லே த்³வே ச பரிஸா த³ஸ்ஸெத்வா ‘சதுத்த²ங் புக்³க³லங் கதராய பரிஸாய ப³ஹுலங் பஸ்ஸஸீ’தி புச்சி²ஸ்ஸாமி, ஜானமானோ ‘அனாகா³ரியபரிஸாய’ந்தி வக்க²தி. ஏவமேதங் ஸகமுகே²னேவ ‘த⁴ம்மிகோ பரிப்³ப³ஜோ அத்தீ²’தி வதா³பெஸ்ஸாமீ’’தி இமங் தே³ஸனங் ஆரபி⁴.
413.Cattārome brāhmaṇāti therassa kira etadahosi – ‘‘ayaṃ brāhmaṇo ‘dhammikaṃ pabbajjaṃ upagato samaṇo vā brāhmaṇo vā natthī’ti vadati. Imassa cattāro puggale dve ca parisā dassetvā ‘catutthaṃ puggalaṃ katarāya parisāya bahulaṃ passasī’ti pucchissāmi, jānamāno ‘anāgāriyaparisāya’nti vakkhati. Evametaṃ sakamukheneva ‘dhammiko paribbajo atthī’ti vadāpessāmī’’ti imaṃ desanaṃ ārabhi.
414. தத்த² ஸாரத்தரத்தாதி ஸுட்டு² ரத்தரத்தா. ஸானுக்³க³ஹா வாசா பா⁴ஸிதா ஸகாரணா வாசா பா⁴ஸிதா. வுத்தஞ்ஹேதங் மயா ‘‘அம்ஹாகங் கதா² அப்பமாணங், த⁴ம்மோவ பமாண’’ந்தி.
414. Tattha sārattarattāti suṭṭhu rattarattā. Sānuggahā vācā bhāsitā sakāraṇā vācā bhāsitā. Vuttañhetaṃ mayā ‘‘amhākaṃ kathā appamāṇaṃ, dhammova pamāṇa’’nti.
421. கிங் பன தேதி கி³ஹி நாம கப்பியம்பி அகப்பியம்பி வதெ³ய்யாதி விவேசனத்த²ங் புச்சி². காராபேஸீதி மாபேஸி. காராபெத்வா ச பன காலங் கத்வா ஸக்³கே³ நிப்³ப³த்தோ. ஏதஸ்ஸ கிர ஜானநஸிப்பே மாதரம்பி பிதரம்பி கா⁴தெத்வா அத்தாவ கா⁴தேதப்³போ³தி ஆக³ச்ச²தி. ஏதங் ஸிப்பங் ஜானந்தோ ட²பெத்வா ஏதங் அஞ்ஞோ ஸக்³கே³ நிப்³ப³த்தோ நாம நத்தி², ஏஸ பன தே²ரங் உபனிஸ்ஸாய புஞ்ஞங் கத்வா தத்த² நிப்³ப³த்தித்வா ச பன ‘‘கேனாஹங் கம்மேன இத⁴ நிப்³ப³த்தோ’’தி ஆவஜ்ஜெத்வா யதா²பூ⁴தங் ஞத்வா ஏகதி³வஸங் ஜிண்ணாய போ⁴ஜனஸாலாய படிஸங்க²ரணத்த²ங் ஸங்கே⁴ ஸன்னிபதிதே மனுஸ்ஸவேஸேன ஆக³ந்த்வா புச்சி² – ‘‘கிமத்த²ங், ப⁴ந்தே, ஸங்கோ⁴ ஸன்னிபதிதோ’’தி? போ⁴ஜனஸாலாய படிஸங்க²ரணத்த²ந்தி. கேனேஸா காரிதாதி? கோ⁴டமுகே²னாதி. இதா³னி ஸோ குஹிந்தி? காலங்கதோதி. அத்தி² பனஸ்ஸ கோசி ஞாதகோதி? அத்தி² ஏகா ப⁴கி³னீதி. பக்கோஸாபேத² நந்தி. பி⁴க்கூ² பக்கோஸாபேஸுங். ஸோ தங் உபஸங்கமித்வா – ‘‘அஹங், தவ பா⁴தா, கோ⁴டமுகோ² நாம இமங் ஸாலங் காரெத்வா ஸக்³கே³ நிப்³ப³த்தோ, அஸுகே ச அஸுகே ச டா²னே மயா ட²பிதங் த⁴னங் அத்தி², தங் க³ஹெத்வா இமஞ்ச போ⁴ஜனஸாலங் காரேஹி, தா³ரகே ச போஸேஹீ’’தி வத்வா பி⁴க்கு²ஸங்க⁴ங் வந்தி³த்வா வேஹாஸங் உப்பதித்வா தே³வலோகமேவ அக³மாஸி. ஸேஸங் ஸப்³ப³த்த² உத்தானமேவாதி.
421.Kiṃ pana teti gihi nāma kappiyampi akappiyampi vadeyyāti vivecanatthaṃ pucchi. Kārāpesīti māpesi. Kārāpetvā ca pana kālaṃ katvā sagge nibbatto. Etassa kira jānanasippe mātarampi pitarampi ghātetvā attāva ghātetabboti āgacchati. Etaṃ sippaṃ jānanto ṭhapetvā etaṃ añño sagge nibbatto nāma natthi, esa pana theraṃ upanissāya puññaṃ katvā tattha nibbattitvā ca pana ‘‘kenāhaṃ kammena idha nibbatto’’ti āvajjetvā yathābhūtaṃ ñatvā ekadivasaṃ jiṇṇāya bhojanasālāya paṭisaṅkharaṇatthaṃ saṅghe sannipatite manussavesena āgantvā pucchi – ‘‘kimatthaṃ, bhante, saṅgho sannipatito’’ti? Bhojanasālāya paṭisaṅkharaṇatthanti. Kenesā kāritāti? Ghoṭamukhenāti. Idāni so kuhinti? Kālaṅkatoti. Atthi panassa koci ñātakoti? Atthi ekā bhaginīti. Pakkosāpetha nanti. Bhikkhū pakkosāpesuṃ. So taṃ upasaṅkamitvā – ‘‘ahaṃ, tava bhātā, ghoṭamukho nāma imaṃ sālaṃ kāretvā sagge nibbatto, asuke ca asuke ca ṭhāne mayā ṭhapitaṃ dhanaṃ atthi, taṃ gahetvā imañca bhojanasālaṃ kārehi, dārake ca posehī’’ti vatvā bhikkhusaṅghaṃ vanditvā vehāsaṃ uppatitvā devalokameva agamāsi. Sesaṃ sabbattha uttānamevāti.
பபஞ்சஸூத³னியா மஜ்ஜி²மனிகாயட்ட²கதா²ய
Papañcasūdaniyā majjhimanikāyaṭṭhakathāya
கோ⁴டமுக²ஸுத்தவண்ணனா நிட்டி²தா.
Ghoṭamukhasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 4. கோ⁴டமுக²ஸுத்தங் • 4. Ghoṭamukhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / மஜ்ஜி²மனிகாய (டீகா) • Majjhimanikāya (ṭīkā) / 4. கோ⁴டமுக²ஸுத்தவண்ணனா • 4. Ghoṭamukhasuttavaṇṇanā
