| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. கோ³த³த்தஸுத்தவண்ணனா
7. Godattasuttavaṇṇanā
349. நேஸந்தி அப்பமாணசேதோவிமுத்தி-ஆகிஞ்சஞ்ஞசேதோவிமுத்திஸஞ்ஞிதானங் ஜா²னானங். அத்தோ²பி நானாதி ஆனெத்வா யோஜனா. ப²ரணஅப்பமாணதாய ‘‘அப்பமாணா சேதோவிமுத்தீ’’தி லத்³த⁴னாமங் ப்³ரஹ்மவிஹாரஜ்ஜா²னந்தி ஆஹ ‘‘பூ⁴மந்தரதோ’’திஆதி³. ஆகிஞ்சஞ்ஞா சேதோவிமுத்தீதி ஆகிஞ்சஞ்ஞாயதனஜ்ஜா²னந்தி ஆஹ ‘‘பூ⁴மந்தரதோ’’திஆதி³. விபஸ்ஸனாதி அனிச்சானுபஸ்ஸனா, ஸப்³பா³பி வா. பமாணகரணோ நாம யஸ்ஸ ஸயங் உப்பஜ்ஜதி, தஸ்ஸ கு³ணாபா⁴வத³ஸ்ஸனவஸேன பமாணகரணதோ.
349.Nesanti appamāṇacetovimutti-ākiñcaññacetovimuttisaññitānaṃ jhānānaṃ. Atthopi nānāti ānetvā yojanā. Pharaṇaappamāṇatāya ‘‘appamāṇā cetovimuttī’’ti laddhanāmaṃ brahmavihārajjhānanti āha ‘‘bhūmantarato’’tiādi. Ākiñcaññā cetovimuttīti ākiñcaññāyatanajjhānanti āha ‘‘bhūmantarato’’tiādi. Vipassanāti aniccānupassanā, sabbāpi vā. Pamāṇakaraṇo nāma yassa sayaṃ uppajjati, tassa guṇābhāvadassanavasena pamāṇakaraṇato.
ப²ரணஅப்பமாணதாயாதி ப²ரணவஸேன அப்பமாணகோ³சரதாய. நிப்³பா³னம்பி அப்பமாணமேவ பமாணகோ³சரானங் கிலேஸானங் ஆரம்மணபா⁴வஸ்ஸபி அனாக³மனதோ. க²லந்தி க²லே பஸாரிதஸாலிஸீஸாதி³ப⁴ண்ட³ங். கிஞ்சேஹீதி மத்³த³ஸ்ஸு. தேனாஹ ‘‘மத்³த³னட்டோ²’’தி. ஆரம்மணபூ⁴தங், பலிபு³த்³த⁴கங் வா நத்தி² ஏதஸ்ஸ கிஞ்சனந்தி அகிஞ்சனங், அகிஞ்சனமேவ ஆகிஞ்சஞ்ஞங்.
Pharaṇaappamāṇatāyāti pharaṇavasena appamāṇagocaratāya. Nibbānampi appamāṇameva pamāṇagocarānaṃ kilesānaṃ ārammaṇabhāvassapi anāgamanato. Khalanti khale pasāritasālisīsādibhaṇḍaṃ. Kiñcehīti maddassu. Tenāha ‘‘maddanaṭṭho’’ti. Ārammaṇabhūtaṃ, palibuddhakaṃ vā natthi etassa kiñcananti akiñcanaṃ, akiñcanameva ākiñcaññaṃ.
ரூபனிமித்தஸ்ஸாதி கஸிணரூபனிமித்தஸ்ஸ. ந க³ஹிதாதி ஸரூபதோ ந க³ஹிதா, அத்த²தோ பன க³ஹிதா ஏவ. தேனாஹ – ‘‘ஸா ஸுஞ்ஞா ராகே³னாதிஆதி³வசனதோ ஸப்³ப³த்த² அனுபவித்தா²வா’’தி.
Rūpanimittassāti kasiṇarūpanimittassa. Na gahitāti sarūpato na gahitā, atthato pana gahitā eva. Tenāha – ‘‘sā suññā rāgenātiādivacanato sabbattha anupavitthāvā’’ti.
நானாதி ஸத்³த³வஸேன. ஏகத்தா²தி ஆரம்மணவஸேன ஆரம்மணபா⁴வேன ஏகஸபா⁴வா. தேனாஹ ‘‘அப்பமாணங்…பே॰… ஏகத்தா²’’தி. ஆரம்மணவஸேனாதி ஆரம்மணஸ்ஸ வஸேன. சத்தாரோ ஹி மக்³கா³, சத்தாரி ப²லானி ஆரம்மணவஸேன நிப்³பா³னபவிட்ட²தாய ஏகத்தா² ஏகாரம்மணா. அஞ்ஞஸ்மிங் பன டா²னேதி இத³ங் விஸுங் விஸுங் க³ஹெத்வா வுத்தங் அப்பமாணாதி³ பரியாயவுத்தங், நிப்³பா³னங் ஆரப்³ப⁴ பவத்தனதோ. தஸ்மா ‘‘அஞ்ஞஸ்மி’’ந்தி இத³ங் தேன தேன பரியாயேன தத்த² தத்த² ஆக³தபா⁴வங் ஸந்தா⁴ய வுத்தங்.
Nānāti saddavasena. Ekatthāti ārammaṇavasena ārammaṇabhāvena ekasabhāvā. Tenāha ‘‘appamāṇaṃ…pe… ekatthā’’ti. Ārammaṇavasenāti ārammaṇassa vasena. Cattāro hi maggā, cattāri phalāni ārammaṇavasena nibbānapaviṭṭhatāya ekatthā ekārammaṇā. Aññasmiṃ pana ṭhāneti idaṃ visuṃ visuṃ gahetvā vuttaṃ appamāṇādi pariyāyavuttaṃ, nibbānaṃ ārabbha pavattanato. Tasmā ‘‘aññasmi’’nti idaṃ tena tena pariyāyena tattha tattha āgatabhāvaṃ sandhāya vuttaṃ.
கோ³த³த்தஸுத்தவண்ணனா நிட்டி²தா.
Godattasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. கோ³த³த்தஸுத்தங் • 7. Godattasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. கோ³த³த்தஸுத்தவண்ணனா • 7. Godattasuttavaṇṇanā
