| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. கோ³த⁴ஸக்கஸுத்தவண்ணனா
3. Godhasakkasuttavaṇṇanā
1019. தீஹீதி ரதனத்தயே உப்பன்னேஹி தீஹி பஸாத³த⁴ம்மேஹி. சதூஹீதி தேஹி ஏவ ஸத்³தி⁴ங் ஸீலேன. கோசிதே³வாதிஆதி³ பரிகப்பவஸேன வுத்தங் ப⁴க³வதி அத்தனோ ஸத்³தா⁴ய உளாரதமபா⁴வத³ஸ்ஸனத்த²ங். தேனாஹ ‘‘ப⁴க³வதோ ஸப்³ப³ஞ்ஞுதாயா’’திஆதி³. த⁴ம்மோ ஸமுப்பாதோ³தி விவாத³த⁴ம்மஉப்பத்திஹேது. ததே³வ ஹி ஸந்தா⁴யாஹ ‘‘கிஞ்சிதே³வ காரண’’ந்தி. காரணந்தி நானாகாரணங். கல்யாணகுஸலவிமுத்தந்தி அகல்யாணங் அகுஸலங், ததி³த³ங் யதா²வுத்தஅப்பஸாத³னேன அபனீதஅத்த²த³ஸ்ஸனத்த²ங். அஸ்ஸாதி மஹானாமஸக்கஸ்ஸ. அனவஜ்ஜனதோ³ஸோ ஏஸோதி சதூஸு த⁴ம்மேஸு ஏகேனபி ஸமன்னாக³தோ ஸோதாபன்னோ ஹோதீதி அனுஜானித்வா சதூஹிபி ஸமன்னாக³தேன ஆசிக்கி²தப்³ப³ந்தி யாதா²வதோ அனவஜ்ஜனதோ³ஸோதி அத்தோ².
1019.Tīhīti ratanattaye uppannehi tīhi pasādadhammehi. Catūhīti tehi eva saddhiṃ sīlena. Kocidevātiādi parikappavasena vuttaṃ bhagavati attano saddhāya uḷāratamabhāvadassanatthaṃ. Tenāha ‘‘bhagavato sabbaññutāyā’’tiādi. Dhammo samuppādoti vivādadhammauppattihetu. Tadeva hi sandhāyāha ‘‘kiñcideva kāraṇa’’nti. Kāraṇanti nānākāraṇaṃ. Kalyāṇakusalavimuttanti akalyāṇaṃ akusalaṃ, tadidaṃ yathāvuttaappasādanena apanītaatthadassanatthaṃ. Assāti mahānāmasakkassa. Anavajjanadoso esoti catūsu dhammesu ekenapi samannāgato sotāpanno hotīti anujānitvā catūhipi samannāgatena ācikkhitabbanti yāthāvato anavajjanadosoti attho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. கோ³த⁴ஸக்கஸுத்தங் • 3. Godhasakkasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. கோ³த⁴ஸக்கஸுத்தவண்ணனா • 3. Godhasakkasuttavaṇṇanā
