| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. கோ³தமகசேதியஸுத்தங்
3. Gotamakacetiyasuttaṃ
126. ஏகங் ஸமயங் ப⁴க³வா வேஸாலியங் விஹரதி கோ³தமகே சேதியே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
126. Ekaṃ samayaṃ bhagavā vesāliyaṃ viharati gotamake cetiye. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘அபி⁴ஞ்ஞாயாஹங், பி⁴க்க²வே, த⁴ம்மங் தே³ஸேமி, நோ அனபி⁴ஞ்ஞாய. ஸனிதா³னாஹங், பி⁴க்க²வே, த⁴ம்மங் தே³ஸேமி, நோ அனிதா³னங். ஸப்பாடிஹாரியாஹங், பி⁴க்க²வே, த⁴ம்மங் தே³ஸேமி, நோ அப்பாடிஹாரியங். தஸ்ஸ மய்ஹங், பி⁴க்க²வே, அபி⁴ஞ்ஞாய த⁴ம்மங் தே³ஸயதோ நோ அனபி⁴ஞ்ஞாய, ஸனிதா³னங் த⁴ம்மங் தே³ஸயதோ நோ அனிதா³னங், ஸப்பாடிஹாரியங் த⁴ம்மங் தே³ஸயதோ நோ அப்பாடிஹாரியங், கரணீயோ ஓவாதோ³, கரணீயா அனுஸாஸனீ. அலஞ்ச பன வோ, பி⁴க்க²வே, துட்டி²யா, அலங் அத்தமனதாய, அலங் ஸோமனஸ்ஸாய – ‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ த⁴ம்மோ, ஸுப்படிபன்னோ ஸங்கோ⁴’’’தி.
‘‘Abhiññāyāhaṃ, bhikkhave, dhammaṃ desemi, no anabhiññāya. Sanidānāhaṃ, bhikkhave, dhammaṃ desemi, no anidānaṃ. Sappāṭihāriyāhaṃ, bhikkhave, dhammaṃ desemi, no appāṭihāriyaṃ. Tassa mayhaṃ, bhikkhave, abhiññāya dhammaṃ desayato no anabhiññāya, sanidānaṃ dhammaṃ desayato no anidānaṃ, sappāṭihāriyaṃ dhammaṃ desayato no appāṭihāriyaṃ, karaṇīyo ovādo, karaṇīyā anusāsanī. Alañca pana vo, bhikkhave, tuṭṭhiyā, alaṃ attamanatāya, alaṃ somanassāya – ‘sammāsambuddho bhagavā, svākkhāto dhammo, suppaṭipanno saṅgho’’’ti.
இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதங் அபி⁴னந்து³ந்தி. இமஸ்மிஞ்ச பன வெய்யாகரணஸ்மிங் ப⁴ஞ்ஞமானே ஸஹஸ்ஸீ லோகதா⁴து அகம்பித்தா²தி. ததியங்.
Idamavoca bhagavā. Attamanā te bhikkhū bhagavato bhāsitaṃ abhinandunti. Imasmiñca pana veyyākaraṇasmiṃ bhaññamāne sahassī lokadhātu akampitthāti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. கோ³தமகசேதியஸுத்தவண்ணனா • 3. Gotamakacetiyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. கோ³தமகசேதியஸுத்தவண்ணனா • 3. Gotamakacetiyasuttavaṇṇanā
