| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
431. ஹரிதசஜாதகங் (5)
431. Haritacajātakaṃ (5)
40.
40.
ஸுதங் மேதங் மஹாப்³ரஹ்மே, காமே பு⁴ஞ்ஜதி ஹாரிதோ;
Sutaṃ metaṃ mahābrahme, kāme bhuñjati hārito;
கச்சேதங் வசனங் துச்ச²ங், கச்சி ஸுத்³தோ⁴ இரிய்யஸி.
Kaccetaṃ vacanaṃ tucchaṃ, kacci suddho iriyyasi.
41.
41.
ஏவமேதங் மஹாராஜ, யதா² தே வசனங் ஸுதங்;
Evametaṃ mahārāja, yathā te vacanaṃ sutaṃ;
கும்மக்³க³ங் படிபன்னொஸ்மி, மோஹனெய்யேஸு முச்சி²தோ.
Kummaggaṃ paṭipannosmi, mohaneyyesu mucchito.
42.
42.
யாய உப்பதிதங் ராக³ங், கிங் மனோ ந வினோத³யே.
Yāya uppatitaṃ rāgaṃ, kiṃ mano na vinodaye.
43.
43.
சத்தாரோமே மஹாராஜ, லோகே அதிப³லா பு⁴ஸா;
Cattārome mahārāja, loke atibalā bhusā;
ராகோ³ தோ³ஸோ மதோ³ மோஹோ, யத்த² பஞ்ஞா ந கா³த⁴தி.
Rāgo doso mado moho, yattha paññā na gādhati.
44.
44.
அரஹா ஸீலஸம்பன்னோ, ஸுத்³தோ⁴ சரதி ஹாரிதோ;
Arahā sīlasampanno, suddho carati hārito;
மேதா⁴வீ பண்டி³தோ சேவ, இதி நோ ஸம்மதோ ப⁴வங்.
Medhāvī paṇḍito ceva, iti no sammato bhavaṃ.
45.
45.
மேதா⁴வீனம்பி ஹிங்ஸந்தி, இஸிங் த⁴ம்மகு³ணே ரதங்;
Medhāvīnampi hiṃsanti, isiṃ dhammaguṇe rataṃ;
விதக்கா பாபகா ராஜ, ஸுபா⁴ ராகூ³பஸங்ஹிதா.
Vitakkā pāpakā rāja, subhā rāgūpasaṃhitā.
46.
46.
உப்பன்னாயங் ஸரீரஜோ, ராகோ³ வண்ணவிதூ³ஸனோ தவ;
Uppannāyaṃ sarīrajo, rāgo vaṇṇavidūsano tava;
தங் பஜஹ ப⁴த்³த³மத்து² தே, ப³ஹுன்னாஸி மேதா⁴விஸம்மதோ.
Taṃ pajaha bhaddamatthu te, bahunnāsi medhāvisammato.
47.
47.
தேஸங் மூலங் க³வேஸிஸ்ஸங், செ²ச்ச²ங் ராக³ங் ஸப³ந்த⁴னங்.
Tesaṃ mūlaṃ gavesissaṃ, checchaṃ rāgaṃ sabandhanaṃ.
48.
48.
இத³ங் வத்வான ஹாரிதோ, இஸி ஸச்சபரக்கமோ;
Idaṃ vatvāna hārito, isi saccaparakkamo;
காமராக³ங் விராஜெத்வா, ப்³ரஹ்மலோகூபகோ³ அஹூதி.
Kāmarāgaṃ virājetvā, brahmalokūpago ahūti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [431] 5. ஹரிதசஜாதகவண்ணனா • [431] 5. Haritacajātakavaṇṇanā
