| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
5. ஹத்த²கஸுத்தங்
5. Hatthakasuttaṃ
128. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² ஹத்த²கோ தே³வபுத்தோ அபி⁴க்கந்தாய ரத்தியா அபி⁴க்கந்தவண்ணோ கேவலகப்பங் ஜேதவனங் ஓபா⁴ஸெத்வா யேன ப⁴க³வா தேனுபஸங்கமி; உபஸங்கமித்வா – ‘‘ப⁴க³வதோ புரதோ ட²ஸ்ஸாமீ’’தி ஓஸீத³திமேவ ஸங்ஸீத³திமேவ 1, ந ஸக்கோதி ஸண்டா²துங். ஸெய்யதா²பி நாம ஸப்பி வா தேலங் வா வாலுகாய ஆஸித்தங் ஓஸீத³திமேவ ஸங்ஸீத³திமேவ, ந ஸண்டா²தி; ஏவமேவங் ஹத்த²கோ தே³வபுத்தோ – ‘‘ப⁴க³வதோ புரதோ ட²ஸ்ஸாமீ’’தி ஓஸீத³திமேவ ஸங்ஸீத³திமேவ, ந ஸக்கோதி ஸண்டா²துங்.
128. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho hatthako devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā – ‘‘bhagavato purato ṭhassāmī’’ti osīdatimeva saṃsīdatimeva 2, na sakkoti saṇṭhātuṃ. Seyyathāpi nāma sappi vā telaṃ vā vālukāya āsittaṃ osīdatimeva saṃsīdatimeva, na saṇṭhāti; evamevaṃ hatthako devaputto – ‘‘bhagavato purato ṭhassāmī’’ti osīdatimeva saṃsīdatimeva, na sakkoti saṇṭhātuṃ.
அத² கோ² ப⁴க³வா ஹத்த²கங் தே³வபுத்தங் ஏதத³வோச – ‘‘ஓளாரிகங், ஹத்த²க, அத்தபா⁴வங் அபி⁴னிம்மினாஹீ’’தி . ‘‘ஏவங், ப⁴ந்தே’’தி, கோ² ஹத்த²கோ தே³வபுத்தோ ப⁴க³வதோ படிஸ்ஸுத்வா ஓளாரிகங் அத்தபா⁴வங் அபி⁴னிம்மினித்வா ப⁴க³வந்தங் அபி⁴வாதெ³த்வா ஏகமந்தங் அட்டா²ஸி. ஏகமந்தங் டி²தங் கோ² ஹத்த²கங் தே³வபுத்தங் ப⁴க³வா ஏதத³வோச –
Atha kho bhagavā hatthakaṃ devaputtaṃ etadavoca – ‘‘oḷārikaṃ, hatthaka, attabhāvaṃ abhinimmināhī’’ti . ‘‘Evaṃ, bhante’’ti, kho hatthako devaputto bhagavato paṭissutvā oḷārikaṃ attabhāvaṃ abhinimminitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitaṃ kho hatthakaṃ devaputtaṃ bhagavā etadavoca –
‘‘யே தே, ஹத்த²க, த⁴ம்மா புப்³பே³ மனுஸ்ஸபூ⁴தஸ்ஸ பவத்தினோ அஹேஸுங், அபி நு தே தே த⁴ம்மா ஏதரஹி பவத்தினோ’’தி? ‘‘யே ச மே, ப⁴ந்தே, த⁴ம்மா புப்³பே³ மனுஸ்ஸபூ⁴தஸ்ஸ பவத்தினோ அஹேஸுங், தே ச மே த⁴ம்மா ஏதரஹி பவத்தினோ; யே ச மே, ப⁴ந்தே, த⁴ம்மா புப்³பே³ மனுஸ்ஸபூ⁴தஸ்ஸ நப்பவத்தினோ அஹேஸுங், தே ச மே த⁴ம்மா ஏதரஹி பவத்தினோ. ஸெய்யதா²பி, ப⁴ந்தே, ப⁴க³வா ஏதரஹி ஆகிண்ணோ விஹரதி பி⁴க்கூ²ஹி பி⁴க்கு²னீஹி உபாஸகேஹி உபாஸிகாஹி ராஜூஹி ராஜமஹாமத்தேஹி தித்தி²யேஹி தித்தி²யஸாவகேஹி; ஏவமேவங் கோ² அஹங், ப⁴ந்தே, ஆகிண்ணோ விஹராமி தே³வபுத்தேஹி. தூ³ரதோபி, ப⁴ந்தே, தே³வபுத்தா ஆக³ச்ச²ந்தி ஹத்த²கஸ்ஸ தே³வபுத்தஸ்ஸ ஸந்திகே ‘த⁴ம்மங் ஸொஸ்ஸாமா’தி. திண்ணாஹங், ப⁴ந்தே, த⁴ம்மானங் அதித்தோ அப்படிவானோ காலங்கதோ. கதமேஸங் திண்ணங்? ப⁴க³வதோ அஹங், ப⁴ந்தே, த³ஸ்ஸனஸ்ஸ அதித்தோ அப்படிவானோ காலங்கதோ; ஸத்³த⁴ம்மஸவனஸ்ஸாஹங், ப⁴ந்தே, அதித்தோ அப்படிவானோ காலங்கதோ; ஸங்க⁴ஸ்ஸாஹங், ப⁴ந்தே, உபட்டா²னஸ்ஸ அதித்தோ அப்படிவானோ காலங்கதோ. இமேஸங் கோ² அஹங், ப⁴ந்தே, திண்ணங் த⁴ம்மானங் அதித்தோ அப்படிவானோ காலங்கதோ’’தி.
‘‘Ye te, hatthaka, dhammā pubbe manussabhūtassa pavattino ahesuṃ, api nu te te dhammā etarahi pavattino’’ti? ‘‘Ye ca me, bhante, dhammā pubbe manussabhūtassa pavattino ahesuṃ, te ca me dhammā etarahi pavattino; ye ca me, bhante, dhammā pubbe manussabhūtassa nappavattino ahesuṃ, te ca me dhammā etarahi pavattino. Seyyathāpi, bhante, bhagavā etarahi ākiṇṇo viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi; evamevaṃ kho ahaṃ, bhante, ākiṇṇo viharāmi devaputtehi. Dūratopi, bhante, devaputtā āgacchanti hatthakassa devaputtassa santike ‘dhammaṃ sossāmā’ti. Tiṇṇāhaṃ, bhante, dhammānaṃ atitto appaṭivāno kālaṅkato. Katamesaṃ tiṇṇaṃ? Bhagavato ahaṃ, bhante, dassanassa atitto appaṭivāno kālaṅkato; saddhammasavanassāhaṃ, bhante, atitto appaṭivāno kālaṅkato; saṅghassāhaṃ, bhante, upaṭṭhānassa atitto appaṭivāno kālaṅkato. Imesaṃ kho ahaṃ, bhante, tiṇṇaṃ dhammānaṃ atitto appaṭivāno kālaṅkato’’ti.
‘‘நாஹங் ப⁴க³வதோ த³ஸ்ஸனஸ்ஸ, தித்திமஜ்ஜ²கா³ 3 குதா³சனங்;
‘‘Nāhaṃ bhagavato dassanassa, tittimajjhagā 4 kudācanaṃ;
ஸங்க⁴ஸ்ஸ உபட்டா²னஸ்ஸ, ஸத்³த⁴ம்மஸவனஸ்ஸ ச.
Saṅghassa upaṭṭhānassa, saddhammasavanassa ca.
‘‘அதி⁴ஸீலங் ஸிக்க²மானோ, ஸத்³த⁴ம்மஸவனே ரதோ;
‘‘Adhisīlaṃ sikkhamāno, saddhammasavane rato;
திண்ணங் த⁴ம்மானங் அதித்தோ, ஹத்த²கோ அவிஹங் க³தோ’’தி. பஞ்சமங்;
Tiṇṇaṃ dhammānaṃ atitto, hatthako avihaṃ gato’’ti. pañcamaṃ;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ஹத்த²கஸுத்தவண்ணனா • 5. Hatthakasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5. ஹத்த²கஸுத்தவண்ணனா • 5. Hatthakasuttavaṇṇanā
