| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
2. ஹத்தி²ராஜவண்ணஸுத்தவண்ணனா
2. Hatthirājavaṇṇasuttavaṇṇanā
138. அந்த⁴பா⁴வகாரகேதி பசுரஜனஸ்ஸ சக்கு²விஞ்ஞாணுப்பத்தினிவாரணேன அந்த⁴பா⁴வகாரகே. மஹாதமேதி மஹதி தமஸி. பாஸாணப²லகே மஹாசீவரங் ஸீஸே ட²பெத்வாதி ஏதேன தங் ப²லகங் அபஸ்ஸாய நிஸின்னோதி த³ஸ்ஸேதி . பதா⁴னந்தி பா⁴வனங். பரிக்³க³ண்ஹமானோதி ஸப்³ப³ஸோ க³ண்ஹந்தோ அவிஸ்ஸஜ்ஜெந்தோ, பா⁴வனங் அனுயுஞ்ஜந்தோ அனுபுப்³ப³ஸமாபத்தியோ ப²லஸமாபத்திஞ்ச மனஸிகரொந்தோதி அத்தோ². தேனாஹ ‘‘நனு சா’’திஆதி³. அரிட்ட²கோதி அரிட்ட²கவண்ணோ. தேனாஹ ‘‘காளகோ’’தி.
138.Andhabhāvakāraketi pacurajanassa cakkhuviññāṇuppattinivāraṇena andhabhāvakārake. Mahātameti mahati tamasi. Pāsāṇaphalake mahācīvaraṃ sīse ṭhapetvāti etena taṃ phalakaṃ apassāya nisinnoti dasseti . Padhānanti bhāvanaṃ. Pariggaṇhamānoti sabbaso gaṇhanto avissajjento, bhāvanaṃ anuyuñjanto anupubbasamāpattiyo phalasamāpattiñca manasikarontoti attho. Tenāha ‘‘nanu cā’’tiādi. Ariṭṭhakoti ariṭṭhakavaṇṇo. Tenāha ‘‘kāḷako’’ti.
தீ³க⁴மத்³தா⁴னந்தி சிரதரங் காலங். ஸங்ஸரந்தி ஆஸாத³னாதி⁴ப்பாயேன ஸஞ்சரந்தோ, அலங் துய்ஹங் ஏதேன நிப்பயோஜனந்தி அதி⁴ப்பாயோ. ந ஹி தேன மாரஸ்ஸ காசி அத்த²ஸித்³தீ⁴தி.
Dīghamaddhānanti cirataraṃ kālaṃ. Saṃsaranti āsādanādhippāyena sañcaranto, alaṃ tuyhaṃ etena nippayojananti adhippāyo. Na hi tena mārassa kāci atthasiddhīti.
ஹத்தி²ராஜவண்ணஸுத்தவண்ணனா நிட்டி²தா.
Hatthirājavaṇṇasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. ஹத்தி²ராஜவண்ணஸுத்தங் • 2. Hatthirājavaṇṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. ஹத்தி²ராஜவண்ணஸுத்தவண்ணனா • 2. Hatthirājavaṇṇasuttavaṇṇanā
