| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. ஹேதுஸுத்தவண்ணனா
7. Hetusuttavaṇṇanā
212. உப⁴யேனாதி ஹேதுபச்சயபடிஸேத⁴வசனேன. ஸங்கிலேஸபச்சயந்தி ஸங்கிலிஸனஸ்ஸ மலீனபா⁴வஸ்ஸ காரணங். விஸுத்³தி⁴பச்சயந்தி ஸங்கிலேஸதோ விஸுத்³தி⁴யா வோதா³னஸ்ஸ காரணங். நத்தி² ப³லந்தி ஸத்தானங் தி³ட்ட²த⁴ம்மிகஸம்பராயிகனிப்³பா³னஸம்பத்திஆவஹங் ப³லங் நாம கிஞ்சி நத்தி². தேனாஹ ‘‘யம்ஹீ’’திஆதி³. நித³ஸ்ஸனமத்தஞ்சேதங், ஸங்கிலேஸிகம்பி சாயங் படிக்கி²பதேவ. அஞ்ஞமஞ்ஞவேவசனானீதி தஸ்ஸா தஸ்ஸா கிரியாய உஸ்ஸன்னட்டே²ன ப³லங், ஸூரவீரபா⁴வாவஹட்டே²ன வீரியங், தமேவ த³ள்ஹக்³கா³ஹபா⁴வதோ போரிஸங் து⁴ரங் வஹந்தேன பவத்தேதப்³ப³தோ புரிஸதா²மோ, பரங் பரங் டா²னங் அக்கமனப்பவத்தியா புரிஸபரக்கமோதி வுத்தோதி வேதி³தப்³ப³ங்.
212.Ubhayenāti hetupaccayapaṭisedhavacanena. Saṃkilesapaccayanti saṃkilisanassa malīnabhāvassa kāraṇaṃ. Visuddhipaccayanti saṃkilesato visuddhiyā vodānassa kāraṇaṃ. Natthi balanti sattānaṃ diṭṭhadhammikasamparāyikanibbānasampattiāvahaṃ balaṃ nāma kiñci natthi. Tenāha ‘‘yamhī’’tiādi. Nidassanamattañcetaṃ, saṃkilesikampi cāyaṃ paṭikkhipateva. Aññamaññavevacanānīti tassā tassā kiriyāya ussannaṭṭhena balaṃ, sūravīrabhāvāvahaṭṭhena vīriyaṃ, tameva daḷhaggāhabhāvato porisaṃ dhuraṃ vahantena pavattetabbato purisathāmo, paraṃ paraṃ ṭhānaṃ akkamanappavattiyā purisaparakkamoti vuttoti veditabbaṃ.
ஸத்வயோக³தோ, ரூபாதீ³ஸு வா ஸத்ததாய ஸத்தா, பாணனதோ அஸ்ஸாஸனபஸ்ஸாஸனவஸேன பவத்தியா பாணா, தே பன ஸோ ஏகிந்த்³ரியாதி³வஸேன விப⁴ஜித்வா வத³தீதி ஆஹ ‘‘ஏகிந்த்³ரியோ’’திஆதி³. அண்ட³கோஸாதீ³ஸு ப⁴வனதோ பூ⁴தாதி வுச்சந்தீதி ஆஹ ‘‘அண்ட³…பே॰… வத³ந்தீ’’தி. ஜீவனதோ பாணங் தா⁴ரெந்தா விய வட்³ட⁴னதோ ஜீவாதி ஸாலியவாதி³கே வத³ந்தி. நத்தி² ஏதேஸங் ஸங்கிலேஸவிஸுத்³தீ⁴ஸு வஸோதி அவஸா. நத்தி² தேஸங் ப³லங் வீரியந்தி அப³லா அவீரியா. நியததாதி அச்சே²ஜ்ஜஸுத்தாவுதாபே⁴ஜ்ஜமணினோ விய நியதப்பவத்திதாய க³திஜாதிப³ந்தா⁴பவக்³க³வஸேன நியமோ. தத்த² தத்த² க³மனந்தி ச²ன்னங் அபி⁴ஜாதீனங் வஸேன தாஸு தாஸு க³தீஸு உபக³மனங். ஸமவாயேன ஸமாக³மோ ஸங்க³தி. ஸபா⁴வோயேவாதி யதா² கண்டகஸ்ஸ திக்க²தா, கபித்த²ப²லானங் பரிமண்ட³லதா , மிக³பக்கீ²னங் விசித்தாகாரதா, ஏவங் ஸப்³ப³ஸ்ஸபி லோகஸ்ஸ ஹேதுபச்சயேஹி வினா ததா² ததா² பரிணாமோ, அயங் ஸபா⁴வோ ஏவ அகித்திமோ ஏவ. தேனாஹ ‘‘யேன ஹீ’’திஆதி³. ச²ளபி⁴ஜாதியோ பரதோ வித்தா²ரீயந்தி. ஸுக²ஞ்ச து³க்க²ஞ்ச படிஸங்வேதெ³ந்தீதி வத³ந்தா அது³க்க²மஸுக²பூ⁴பி⁴ங் ஸப்³பே³ன ஸப்³ப³ங் ந ஜானந்தீதி உல்லிங்கெ³ந்தோ ‘‘அஞ்ஞா ஸுக²து³க்க²பூ⁴மி நத்தீ²தி த³ஸ்ஸெந்தீ’’தி ஆஹ.
Satvayogato, rūpādīsu vā sattatāya sattā, pāṇanato assāsanapassāsanavasena pavattiyā pāṇā, te pana so ekindriyādivasena vibhajitvā vadatīti āha ‘‘ekindriyo’’tiādi. Aṇḍakosādīsu bhavanato bhūtāti vuccantīti āha ‘‘aṇḍa…pe… vadantī’’ti. Jīvanato pāṇaṃ dhārentā viya vaḍḍhanato jīvāti sāliyavādike vadanti. Natthi etesaṃ saṃkilesavisuddhīsu vasoti avasā. Natthi tesaṃ balaṃ vīriyanti abalā avīriyā. Niyatatāti acchejjasuttāvutābhejjamaṇino viya niyatappavattitāya gatijātibandhāpavaggavasena niyamo. Tattha tattha gamananti channaṃ abhijātīnaṃ vasena tāsu tāsu gatīsu upagamanaṃ. Samavāyena samāgamo saṅgati. Sabhāvoyevāti yathā kaṇṭakassa tikkhatā, kapitthaphalānaṃ parimaṇḍalatā , migapakkhīnaṃ vicittākāratā, evaṃ sabbassapi lokassa hetupaccayehi vinā tathā tathā pariṇāmo, ayaṃ sabhāvo eva akittimo eva. Tenāha ‘‘yena hī’’tiādi. Chaḷabhijātiyo parato vitthārīyanti. Sukhañca dukkhañca paṭisaṃvedentīti vadantā adukkhamasukhabhūbhiṃ sabbena sabbaṃ na jānantīti ulliṅgento ‘‘aññā sukhadukkhabhūmi natthīti dassentī’’ti āha.
ஹேதுஸுத்தவண்ணனா நிட்டி²தா.
Hetusuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. ஹேதுஸுத்தங் • 7. Hetusuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. ஹேதுஸுத்தவண்ணனா • 7. Hetusuttavaṇṇanā
