Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya

૪. હીનાધિમુત્તિકસુત્તં

4. Hīnādhimuttikasuttaṃ

૯૮. સાવત્થિયં વિહરતિ…પે॰… ‘‘ધાતુસોવ ¹, ભિક્ખવે, સત્તા સંસન્દન્તિ સમેન્તિ. હીનાધિમુત્તિકા હીનાધિમુત્તિકેહિ સદ્ધિં સંસન્દન્તિ સમેન્તિ; કલ્યાણાધિમુત્તિકા કલ્યાણાધિમુત્તિકેહિ સદ્ધિં સંસન્દન્તિ સમેન્તિ’’.

98. Sāvatthiyaṃ viharati…pe… ‘‘dhātusova ², bhikkhave, sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samenti’’.

‘‘અતીતમ્પિ ખો ³, ભિક્ખવે, અદ્ધાનં ધાતુસોવ ⁴ સત્તા સંસન્દિંસુ સમિંસુ. હીનાધિમુત્તિકા હીનાધિમુત્તિકેહિ સદ્ધિં સંસન્દિંસુ સમિંસુ; કલ્યાણાધિમુત્તિકા કલ્યાણાધિમુત્તિકેહિ સદ્ધિં સંસન્દિંસુ સમિંસુ.

‘‘Atītampi kho ⁵, bhikkhave, addhānaṃ dhātusova ⁶ sattā saṃsandiṃsu samiṃsu. Hīnādhimuttikā hīnādhimuttikehi saddhiṃ saṃsandiṃsu samiṃsu; kalyāṇādhimuttikā kalyāṇādhimuttikehi saddhiṃ saṃsandiṃsu samiṃsu.

‘‘અનાગતમ્પિ ખો ⁷, ભિક્ખવે, અદ્ધાનં ધાતુસોવ ⁸ સત્તા સંસન્દિસ્સન્તિ સમેસ્સન્તિ. હીનાધિમુત્તિકા હીનાધિમુત્તિકેહિ સદ્ધિં સંસન્દિસ્સન્તિ સમેસ્સન્તિ; કલ્યાણાધિમુત્તિકા કલ્યાણાધિમુત્તિકેહિ સદ્ધિં સંસન્દિસ્સન્તિ સમેસ્સન્તિ.

‘‘Anāgatampi kho ⁹, bhikkhave, addhānaṃ dhātusova ¹⁰ sattā saṃsandissanti samessanti. Hīnādhimuttikā hīnādhimuttikehi saddhiṃ saṃsandissanti samessanti; kalyāṇādhimuttikā kalyāṇādhimuttikehi saddhiṃ saṃsandissanti samessanti.

‘‘એતરહિપિ ખો ¹¹, ભિક્ખવે, પચ્ચુપ્પન્નં અદ્ધાનં ધાતુસોવ ¹² સત્તા સંસન્દન્તિ સમેન્તિ. હીનાધિમુત્તિકા હીનાધિમુત્તિકેહિ સદ્ધિં સંસન્દન્તિ સમેન્તિ; કલ્યાણાધિમુત્તિકા કલ્યાણાધિમુત્તિકેહિ સદ્ધિં સંસન્દન્તિ સમેન્તી’’તિ. ચતુત્થં.

‘‘Etarahipi kho ¹³, bhikkhave, paccuppannaṃ addhānaṃ dhātusova ¹⁴ sattā saṃsandanti samenti. Hīnādhimuttikā hīnādhimuttikehi saddhiṃ saṃsandanti samenti; kalyāṇādhimuttikā kalyāṇādhimuttikehi saddhiṃ saṃsandanti samentī’’ti. Catutthaṃ.

Next: ૫. ચઙ્કમસુત્તં • 5. Caṅkamasuttaṃ

Footnotes:

1. ધાતુસો (સી॰ પી॰) અયઞ્ચ પઠમારમ્ભવાક્યેયેવ, ન સબ્બત્થ. તીસુ પન અદ્ધાસુ ચ ઉપમાસંસન્દનનિગમનટ્ઠાને ચ ઇદં પાઠનાનત્તં નત્થિ

2. dhātuso (sī. pī.) ayañca paṭhamārambhavākyeyeva, na sabbattha. tīsu pana addhāsu ca upamāsaṃsandananigamanaṭṭhāne ca idaṃ pāṭhanānattaṃ natthi

3. ખોસદ્દો સી॰ સ્યા॰ કં॰ પી॰ પોત્થકેસુ નત્થિ

4. ઈદિસેસુ ઠાનેસુ પાઠનાનત્તં નત્થિ

5. khosaddo sī. syā. kaṃ. pī. potthakesu natthi

6. īdisesu ṭhānesu pāṭhanānattaṃ natthi

7. ખોસદ્દો સી॰ સ્યા॰ કં॰ પી॰ પોત્થકેસુ નત્થિ

8. ઈદિસેસુ ઠાનેસુ પાઠનાનત્તં નત્થિ

9. khosaddo sī. syā. kaṃ. pī. potthakesu natthi

10. īdisesu ṭhānesu pāṭhanānattaṃ natthi

11. ખોસદ્દો સી॰ સ્યા॰ કં॰ પી॰ પોત્થકેસુ નત્થિ

12. ઈદિસેસુ ઠાનેસુ પાઠનાનત્તં નત્થિ

13. khosaddo sī. syā. kaṃ. pī. potthakesu natthi

14. īdisesu ṭhānesu pāṭhanānattaṃ natthi

Related texts:

અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. હીનાધિમુત્તિકસુત્તવણ્ણના • 4. Hīnādhimuttikasuttavaṇṇanā

ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૪. હીનાધિમુત્તિકસુત્તવણ્ણના • 4. Hīnādhimuttikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact