| Library / Tipiṭaka / તિપિટક • Tipiṭaka / પઞ્ચપકરણ-અટ્ઠકથા • Pañcapakaraṇa-aṭṭhakathā |
૮. ઇન્દ્રિયકથાવણ્ણના
8. Indriyakathāvaṇṇanā
૮૫૩-૮૫૬. ઇદાનિ ઇન્દ્રિયકથા નામ હોતિ. તત્થ લોકિયા સદ્ધા સદ્ધા એવ નામ, ન સદ્ધિન્દ્રિયં. તથા લોકિયં વીરિયં…પે॰… સતિ… સમાધિ… પઞ્ઞા પઞ્ઞાયેવ નામ, ન પઞ્ઞિન્દ્રિયન્તિ યેસં લદ્ધિ, સેય્યથાપિ હેતુવાદાનઞ્ચેવ મહિસાસકાનઞ્ચ; તે સન્ધાય પુચ્છા સકવાદિસ્સ, પટિઞ્ઞા ઇતરસ્સ . નત્થિ લોકિયા સદ્ધાતિઆદિ યસ્મા લોકિયાપિ સદ્ધાદયોવ ધમ્મા અધિપતિયટ્ઠેન ઇન્દ્રિયં, ન સદ્ધાદીહિ અઞ્ઞં સદ્ધિન્દ્રિયાદિ નામ અત્થિ, તસ્મા લોકિયાનમ્પિ સદ્ધાદીનઞ્ઞેવ સદ્ધિન્દ્રિયાદિભાવદસ્સનત્થં વુત્તં. અત્થિ લોકિયો મનોતિઆદિ યથા તે લોકિયાપિ મનાદયો ધમ્મા મનિન્દ્રિયાદીનિ, એવં લોકિયા સદ્ધાદયોપિ સદ્ધિન્દ્રિયાનીતિ ઉપમાય તસ્સત્થસ્સ વિભાવનત્થં વુત્તં. સેસમેત્થ યથાપાળિમેવ નિય્યાતીતિ.
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
ઇન્દ્રિયકથાવણ્ણના.
Indriyakathāvaṇṇanā.
એકૂનવીસતિમો વગ્ગો.
Ekūnavīsatimo vaggo.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૧૯૩) ૮. ઇન્દ્રિયકથા • (193) 8. Indriyakathā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-મૂલટીકા • Pañcapakaraṇa-mūlaṭīkā / ૮. ઇન્દ્રિયકથાવણ્ણના • 8. Indriyakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૮. ઇન્દ્રિયકથાવણ્ણના • 8. Indriyakathāvaṇṇanā
