| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
7. இஸ்ஸரியஸுத்தவண்ணனா
7. Issariyasuttavaṇṇanā
77. ஸத்த²ஸ்ஸ மலந்தி ஸத்த²மலங், யேன ஸத்த²ங் மலீனங் ஹோதி, ஸத்த²மலக்³க³ஹணேன செத்த² மலீனங் ஸத்த²மேவ க³ஹிதந்தி ஆஹ ‘‘மலக்³க³ஹிதஸத்த²’’ந்தி. ஆணாபவத்தனந்தி அப்பகே வா மஹந்தே வா யத்த² கத்த²சி அத்தனோ ஆணாய பவத்தனவஸேன வஸனங் இஸ்ஸரியத்தமிச்ச²ந்தி. மணிரதனம்பி விஸ்ஸஜ்ஜனீயபக்கி²கத்தா உத்தமங் ப⁴ண்ட³ங் நாம ந ஹோதி, இத்தீ² பன பரிச்சத்தகுலாசாரித்தி²காயபி அனிஸ்ஸஜ்ஜனீயதாய உத்தமப⁴ண்ட³ங் நாம. தேனாஹ ‘‘இத்தீ² ப⁴ண்டா³னமுத்தம’’ந்தி. தேஸங் தேஸஞ்ஹி புரிஸாஜானீயானங் உப்பத்திட்டா²னதாய உத்தமரதனாகரத்தா இத்தீ² ப⁴ண்டா³னமுத்தமங். மலக்³க³ஹிதஸத்த²ஸதி³ஸோ அவபோ³த⁴கிச்சவிப³ந்த⁴னதோ. ஸத்த²மலங் விய ஸத்த²ஸ்ஸ பஞ்ஞாஸத்த²ஸ்ஸ கு³ணாபா⁴வகரணதோ பஞ்ஞாஸத்த²மலங் . அப்³பு³ வுச்சதி உபத்³த³வங், தங் தே³தீதி அப்³பு³த³ங், வினாஸகாரணங். நனு ஹரணங் ஸமணஸ்ஸ அயுத்தந்தி? யுத்தங். தஸ்ஸ அன்வயதோ ப்³யதிரேகதோ ச யுத்ததங் த³ஸ்ஸெந்தோ ‘‘ஸலாகப⁴த்தாதீ³னீ’’திஆதி³மாஹ.
77. Satthassa malanti satthamalaṃ, yena satthaṃ malīnaṃ hoti, satthamalaggahaṇena cettha malīnaṃ satthameva gahitanti āha ‘‘malaggahitasattha’’nti. Āṇāpavattananti appake vā mahante vā yattha katthaci attano āṇāya pavattanavasena vasanaṃ issariyattamicchanti. Maṇiratanampi vissajjanīyapakkhikattā uttamaṃ bhaṇḍaṃ nāma na hoti, itthī pana pariccattakulācāritthikāyapi anissajjanīyatāya uttamabhaṇḍaṃ nāma. Tenāha ‘‘itthī bhaṇḍānamuttama’’nti. Tesaṃ tesañhi purisājānīyānaṃ uppattiṭṭhānatāya uttamaratanākarattā itthī bhaṇḍānamuttamaṃ. Malaggahitasatthasadiso avabodhakiccavibandhanato. Satthamalaṃ viya satthassa paññāsatthassa guṇābhāvakaraṇato paññāsatthamalaṃ. Abbu vuccati upaddavaṃ, taṃ detīti abbudaṃ, vināsakāraṇaṃ. Nanu haraṇaṃ samaṇassa ayuttanti? Yuttaṃ. Tassa anvayato byatirekato ca yuttataṃ dassento ‘‘salākabhattādīnī’’tiādimāha.
இஸ்ஸரியஸுத்தவண்ணனா நிட்டி²தா.
Issariyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. இஸ்ஸரியஸுத்தங் • 7. Issariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 7. இஸ்ஸரியஸுத்தவண்ணனா • 7. Issariyasuttavaṇṇanā
