| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
5. ஜராவக்³கோ³
5. Jarāvaggo
1. ஜராத⁴ம்மஸுத்தவண்ணனா
1. Jarādhammasuttavaṇṇanā
511. பமுகே² , பாஸாத³ஸ்ஸ ச பச்சி²மபா⁴கே³ ஆதபோ பச்சா²தபோ, தஸ்மிங் பச்சா²தபே. ஸோ ஹி பாஸாத³ஸ்ஸ பமுக²பா⁴வேன கதோ. கிங் பன ப⁴க³வதோ வஜிரஸாரங் ஸரீரங் ஓதாபேதப்³ப³ங் ஹோதீதி ஆஹ – ‘‘ஸம்மாஸம்பு³த்³த⁴ஸ்ஸா’’திஆதி³ . அயஞ்ச இமங் ஸுத்தங் தே³ஸிதஸமயே. ந ஸக்கோதி ப்³யாமப்பபா⁴ய காயசி பபா⁴ய அனபி⁴ப⁴வனீயத்தா. கிஞ்சாபி பு³த்³தா⁴பா⁴ ஸூரியாபா⁴ய அனபி⁴ப⁴வனீயா, க⁴ம்மஸபா⁴வதாய பன ரஸ்மீனங் பரிதோ ப²ரந்தீ ஸூரியாபா⁴ திகி²ணா உண்ஹாதி ஆஹ ‘‘ரஸ்மிதேஜ’’ந்தி. இதா³னி தமத்த²ங் உபமாய விபா⁴வேதுங் ‘‘யதே²வ ஹீ’’திஆதி³ வுத்தங்.
511. Pamukhe , pāsādassa ca pacchimabhāge ātapo pacchātapo, tasmiṃ pacchātape. So hi pāsādassa pamukhabhāvena kato. Kiṃ pana bhagavato vajirasāraṃ sarīraṃ otāpetabbaṃ hotīti āha – ‘‘sammāsambuddhassā’’tiādi . Ayañca imaṃ suttaṃ desitasamaye. Na sakkoti byāmappabhāya kāyaci pabhāya anabhibhavanīyattā. Kiñcāpi buddhābhā sūriyābhāya anabhibhavanīyā, ghammasabhāvatāya pana rasmīnaṃ parito pharantī sūriyābhā tikhiṇā uṇhāti āha ‘‘rasmiteja’’nti. Idāni tamatthaṃ upamāya vibhāvetuṃ ‘‘yatheva hī’’tiādi vuttaṃ.
ஸுவண்ணாவட்டங் வியாதி அச்சே² ஸுவண்ணபத்தே வினிவத்தஆவட்டங் விய. க³ரஹணச்ச²ரியங் நாம கிரேதங் ‘‘அச்ச²ரியமேதங் அவிஸிச்சே²ப²லவத³’’ந்திஆதீ³ஸு விய. ந ஏவமேதரஹீதி அத்தனோ பாகடவஸேன வத³தி, ந இதரேஸம்பீதி. ஸிராஜாலாதி ஸிராஸந்தானா. ஏவரூபங் ந ஹோதீதி அஞ்ஞேஸங் பாகதிகஸத்தானங் வுத்தாகாரங் விய ந ஹோதி புஞ்ஞஸம்பா⁴ரஸ்ஸ உளாரதமத்தா விபச்சனஸ்ஸ பரியந்தக³தத்தா. தேனாஹ ‘‘அஞ்ஞேஸங் அபாகட’’ந்தி. வலியாவட்டகந்தி அப்பகங் வலியாவட்டங். தேனாஹ ‘‘கேஸக்³க³ப்பமாண’’ந்தி. ஸப்³பா³னீதி ஸிராஜாலானி. புரதோ வங்கோதி தோ²கங் புரதோ நதமத்தங் ஸந்தா⁴யாஹ. தேன வுத்தங் ‘‘ஸ்வாயங் அஞ்ஞேஸங் அபாகடோ’’தி. நயக்³கா³ஹதோதி அனுமானதோ. தீ⁴ தந்தி தீ⁴-ஸத்³த³யோகே³ உபயோக³வசனங். தீ⁴தி ஜிகு³ச்ச²னத்தே² நிபாதோ. தி⁴க்காரோதி ஜிகு³ச்சா²பயோகோ³. தங் பு²ஸதூதி துய்ஹங் பாபுணாது.
Suvaṇṇāvaṭṭaṃ viyāti acche suvaṇṇapatte vinivattaāvaṭṭaṃ viya. Garahaṇacchariyaṃ nāma kiretaṃ ‘‘acchariyametaṃ avisicchephalavada’’ntiādīsu viya. Na evametarahīti attano pākaṭavasena vadati, na itaresampīti. Sirājālāti sirāsantānā. Evarūpaṃ na hotīti aññesaṃ pākatikasattānaṃ vuttākāraṃ viya na hoti puññasambhārassa uḷāratamattā vipaccanassa pariyantagatattā. Tenāha ‘‘aññesaṃ apākaṭa’’nti. Valiyāvaṭṭakanti appakaṃ valiyāvaṭṭaṃ. Tenāha ‘‘kesaggappamāṇa’’nti. Sabbānīti sirājālāni. Purato vaṅkoti thokaṃ purato natamattaṃ sandhāyāha. Tena vuttaṃ ‘‘svāyaṃ aññesaṃ apākaṭo’’ti. Nayaggāhatoti anumānato. Dhī tanti dhī-saddayoge upayogavacanaṃ. Dhīti jigucchanatthe nipāto. Dhikkāroti jigucchāpayogo. Taṃ phusatūti tuyhaṃ pāpuṇātu.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஜராத⁴ம்மஸுத்தங் • 1. Jarādhammasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1. ஜராத⁴ம்மஸுத்தவண்ணனா • 1. Jarādhammasuttavaṇṇanā
