| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஜராமரணஸுத்தவண்ணனா
3. Jarāmaraṇasuttavaṇṇanā
114. அஞ்ஞத்ர ஜராமரணாதி ஜராமரணேன வினா. ஜராமரணவிரஹிதோ ஜாதோ நாம அத்தி² நு கோ²தி புச்ச²தி. பாளியங் ஜாதஸ்ஸாதி பச்சத்தே ஸாமிவசனங். மஹாஸாலாதி இமினா ர-காரஸ்ஸ ல-காரங் கத்வா ‘‘மஹாஸாலா’’தி வுத்தந்தி த³ஸ்ஸேதி யதா² ‘‘புரத்தி²யோதி புலத்தி²யோ’’தி. மஹாஸாரப்பத்தாதி மஹந்தங் விப⁴வஸாரங் பத்தா. கோடிஸதங் த⁴னங், அயமேவ வா பாடோ². ‘‘கும்ப⁴ங் நாம த³ஸ அம்ப³ணானீ’’தி வத³ந்தி. இஸ்ஸராதி விப⁴விஸ்ஸரியேன இஸ்ஸரா. ஸுவண்ணரஜதபா⁴ஜனாதீ³னந்தி ஆதி³-ஸத்³தே³ன வத்த²ஸெய்யாவஸதா²தி³ங் ஸங்க³ண்ஹாதி. அஸாதா⁴ரணத⁴னானங் நிதா⁴னக³தத்தா ‘‘அனிதா⁴னக³தஸ்ஸா’’தி வுத்தங். துட்டி²கரணஸ்ஸாதி பாஸாத³ஸிவிகாதி³ஸுக²ஸாத⁴னஸ்ஸ.
114.Aññatrajarāmaraṇāti jarāmaraṇena vinā. Jarāmaraṇavirahito jāto nāma atthi nu khoti pucchati. Pāḷiyaṃ jātassāti paccatte sāmivacanaṃ. Mahāsālāti iminā ra-kārassa la-kāraṃ katvā ‘‘mahāsālā’’ti vuttanti dasseti yathā ‘‘puratthiyoti pulatthiyo’’ti. Mahāsārappattāti mahantaṃ vibhavasāraṃ pattā. Koṭisataṃ dhanaṃ, ayameva vā pāṭho. ‘‘Kumbhaṃ nāma dasa ambaṇānī’’ti vadanti. Issarāti vibhavissariyena issarā. Suvaṇṇarajatabhājanādīnanti ādi-saddena vatthaseyyāvasathādiṃ saṅgaṇhāti. Asādhāraṇadhanānaṃ nidhānagatattā ‘‘anidhānagatassā’’ti vuttaṃ. Tuṭṭhikaraṇassāti pāsādasivikādisukhasādhanassa.
ஆரகா கிலேஸேஹீதி நிருத்தினயேன ஸத்³த³ஸித்³தி⁴மாஹ. ஆரகாதி ச ஸப்³ப³ஸோ ஸமுச்சி²ன்னத்தா தேஹி தூ³ரேதி அத்தோ². ராகா³தீ³னங் ஹதத்தா, பாபகரணே ரஹாபா⁴வதோ, அனுத்தரத³க்கி²ணெய்யதாதி³பச்சயா ச அரஹங். காமஞ்சாயங் ஸங்யுத்தவண்ணனா, அபி⁴த⁴ம்மனயோ ஏவ பன நிப்பரியாயோதி ஆஹ ‘‘சத்தாரோ ஆஸவா’’தி ப்³ரஹ்மசரியவாஸந்தி மக்³க³ப்³ரஹ்மசரியவாஸங். வுட்டா²தி வுட்ட²வந்தோ. சதூஹி மக்³கே³ஹி கரணீயந்தி பச்சேகங் சதூஹி மக்³கே³ஹி கத்தப்³ப³ங் பரிஞ்ஞாபஹானஸச்சி²கிரியபா⁴வனாபி⁴ஸமயங். ஏவங் க³தங் ஸோளஸவித⁴ங் ஹோதி. ஓஸீதா³பனட்டே²ன பா⁴ரா வியாதி பா⁴ரா. தேனாஹ ‘‘பா⁴ரா ஹவே பஞ்சக்க²ந்தா⁴’’திஆதி³ (ஸங்॰ நி॰ 3.22). அத்தபடிப³த்³த⁴தாய அத்தனோ அவிஜஹனதோ பரமத்த²தே³ஸனாய ச பரமத்தோ² அரஹத்தங். காமஞ்சாயமத்தோ² ஸப்³ப³ஸமித்³தி⁴ஸஸந்ததிபரியாபன்னோ அனவஜ்ஜத⁴ம்மோ ஸம்ப⁴வதி அகுப்பஸபா⁴வா, அபரிஹானத⁴ம்மேஸு பன அக்³க³பூ⁴தே அரஹத்தே ஸாதிஸயோ, ந இதரேஸூதி ‘‘அரஹத்தஸங்கா²தோ’’திஆதி³ வுத்தங். ஓரம்பா⁴கி³யுத்³த⁴ம்பா⁴கி³யவிபா⁴க³ங் த³ஸவித⁴ம்பி ப⁴வேஸு ஸங்யோஜனங் கிலேஸகம்மவிபாகவட்டபச்சயோ ஹுத்வா நிஸ்ஸரிதுங் அப்பதா³னவஸேன ப³ந்த⁴தீதி ப⁴வஸங்யோஜனங். ஸதிபி ஹி அஞ்ஞேஸங் தப்பக்கி²யபா⁴வேன வினா ஸங்யோஜனானி தேஸங் தப்பச்சயபா⁴வோ அத்தி², ப⁴வனியாமோ ஓரம்பா⁴கி³யுத்³த⁴ம்பா⁴கி³யஸங்க³ஹிதோதி தங்தங்ப⁴வனிப்³ப³த்தககம்மனியாமோ ச ஹோதி, ந ச உபச்சி²ன்னஸங்யோஜனஸ்ஸ கதானிபி கம்மானி ப⁴வங் நிப்³ப³த்தெந்தீதி தேஸங்யேவ ஸங்யோஜனட்டோ² த³ட்ட²ப்³போ³. ஸம்மா காரணேஹி ஜானித்வாதி ஞாயேன து³க்கா²தீ³ஸு ஸோ யதா² ஜானிதப்³போ³; ததா² ஜானித்வா, புப்³ப³காலகிரியாவிமுத்தா ஹி அபரகாலகிரியா ச யதா² ஸம்ப⁴வதி, தங் த³ஸ்ஸேதுங் ‘‘மக்³க³பஞ்ஞாயா’’திஆதி³ வுத்தங்.
Ārakā kilesehīti niruttinayena saddasiddhimāha. Ārakāti ca sabbaso samucchinnattā tehi dūreti attho. Rāgādīnaṃ hatattā, pāpakaraṇe rahābhāvato, anuttaradakkhiṇeyyatādipaccayā ca arahaṃ. Kāmañcāyaṃ saṃyuttavaṇṇanā, abhidhammanayo eva pana nippariyāyoti āha ‘‘cattāro āsavā’’ti brahmacariyavāsanti maggabrahmacariyavāsaṃ. Vuṭṭhāti vuṭṭhavanto. Catūhi maggehi karaṇīyanti paccekaṃ catūhi maggehi kattabbaṃ pariññāpahānasacchikiriyabhāvanābhisamayaṃ. Evaṃ gataṃ soḷasavidhaṃ hoti. Osīdāpanaṭṭhena bhārā viyāti bhārā. Tenāha ‘‘bhārā have pañcakkhandhā’’tiādi (saṃ. ni. 3.22). Attapaṭibaddhatāya attano avijahanato paramatthadesanāya ca paramattho arahattaṃ. Kāmañcāyamattho sabbasamiddhisasantatipariyāpanno anavajjadhammo sambhavati akuppasabhāvā, aparihānadhammesu pana aggabhūte arahatte sātisayo, na itaresūti ‘‘arahattasaṅkhāto’’tiādi vuttaṃ. Orambhāgiyuddhambhāgiyavibhāgaṃ dasavidhampi bhavesu saṃyojanaṃ kilesakammavipākavaṭṭapaccayo hutvā nissarituṃ appadānavasena bandhatīti bhavasaṃyojanaṃ. Satipi hi aññesaṃ tappakkhiyabhāvena vinā saṃyojanāni tesaṃ tappaccayabhāvo atthi, bhavaniyāmo orambhāgiyuddhambhāgiyasaṅgahitoti taṃtaṃbhavanibbattakakammaniyāmo ca hoti, na ca upacchinnasaṃyojanassa katānipi kammāni bhavaṃ nibbattentīti tesaṃyeva saṃyojanaṭṭho daṭṭhabbo. Sammākāraṇehi jānitvāti ñāyena dukkhādīsu so yathā jānitabbo; tathā jānitvā, pubbakālakiriyāvimuttā hi aparakālakiriyā ca yathā sambhavati, taṃ dassetuṃ ‘‘maggapaññāyā’’tiādi vuttaṃ.
பி⁴ஜ்ஜனஸபா⁴வோ க²ணாயத்தத்தா. நிக்கி²பிதப்³ப³ஸபா⁴வோ மரணத⁴ம்மத்தா. அயங் காயோ உஸ்மாயுவிஞ்ஞாணாபக³மோ ச²ட்³ட³னீயத⁴ம்மோ, யஸ்மிங் யங் பதிட்டி²தங், தங் தஸ்ஸ ஸந்தானக³தவிப்பயுத்தந்தி கத்வா வத்தப்³ப³தங் அரஹதீதி ஆஹ ‘‘கீ²ணாஸவஸ்ஸ ஹி அஜீரணத⁴ம்மோபி அத்தீ²’’திஆதி³. தேனாஹ ப⁴க³வா ‘‘இமஸ்மிங்யேவ ப்³யாமமத்தே களேவரே ஸஸஞ்ஞிம்ஹி ஸமனகே லோகஞ்ச பஞ்ஞபேமி லோகஸமுத³யஞ்ச லோகனிரோத⁴ஞ்சா’’திஆதி³ (ஸங்॰ நி॰ 1.107; அ॰ நி॰ 4.45). அஸ்ஸ கீ²ணாஸவஸ்ஸ, ‘‘ஜீரணத⁴ம்ம’’ந்தி யதா²வுத்தங் அஜீரணத⁴ம்மங் ட²பெத்வா ஜீரணத⁴ம்மங் த³ஸ்ஸெந்தோ ‘‘தேஸங்பாயங் காயோ பே⁴த³னத⁴ம்மோ’’தி ஏவமாஹ. ஜரங் பத்தஸ்ஸேவ ஹிஸ்ஸ பே⁴த³னநிக்கி²பிதப்³ப³தானியதே அத்தே² ஸுத்ததே³ஸனா பவத்தா. அத்த²ஸ்ஸ உப்பத்தி அட்டு²ப்பத்தி, ஸா ஏதஸ்ஸ அத்தீ²தி அட்டு²ப்பத்திகோ. கிர-ஸத்³தோ³ அனுஸ்ஸவத்தோ², தேன அனுஸ்ஸவாக³தோயமத்தோ², ந அட்ட²கதா²க³தோதி தீ³பேதி. தேனாஹ ‘‘வத³ந்தீ’’தி. யேனாயங் அத்தோ² ஹேதுனா அட்டு²ப்பத்திகோ, தங் த³ஸ்ஸேதுங் ‘‘ஸிவிகஸாலாயங் நிஸீதி³த்வா கதி²த’’ந்தி வுத்தங். ‘‘விஹரதி ஜேதவனே’’தி நிதா³னவசனேன யதா² ந விருஜ்ஜ²தி, ததா² வேதி³தப்³ப³ங். நனு இமஸ்ஸ ஸுத்தஸ்ஸ புச்சா²வஸிகோ நிக்கே²போதி? ஸச்சமேதங், ஸுத்தேகதே³ஸங் பன ஸந்தா⁴ய அட்டு²ப்பத்திகதாவசனங். கேசி பன ‘‘யானங் ஆருஹித்வா ராஜா ஆக³தோ, ரஞ்ஞோ ஆரோஹனீயரத²ங் த³ஸ்ஸெத்வா வுத்த’’ந்திபி வத³ந்தி.
Bhijjanasabhāvo khaṇāyattattā. Nikkhipitabbasabhāvo maraṇadhammattā. Ayaṃ kāyo usmāyuviññāṇāpagamo chaḍḍanīyadhammo, yasmiṃ yaṃ patiṭṭhitaṃ, taṃ tassa santānagatavippayuttanti katvā vattabbataṃ arahatīti āha ‘‘khīṇāsavassa hi ajīraṇadhammopi atthī’’tiādi. Tenāha bhagavā ‘‘imasmiṃyeva byāmamatte kaḷevare sasaññimhi samanake lokañca paññapemi lokasamudayañca lokanirodhañcā’’tiādi (saṃ. ni. 1.107; a. ni. 4.45). Assa khīṇāsavassa, ‘‘jīraṇadhamma’’nti yathāvuttaṃ ajīraṇadhammaṃ ṭhapetvā jīraṇadhammaṃ dassento ‘‘tesaṃpāyaṃ kāyo bhedanadhammo’’ti evamāha. Jaraṃ pattasseva hissa bhedananikkhipitabbatāniyate atthe suttadesanā pavattā. Atthassa uppatti aṭṭhuppatti, sā etassa atthīti aṭṭhuppattiko. Kira-saddo anussavattho, tena anussavāgatoyamattho, na aṭṭhakathāgatoti dīpeti. Tenāha ‘‘vadantī’’ti. Yenāyaṃ attho hetunā aṭṭhuppattiko, taṃ dassetuṃ ‘‘sivikasālāyaṃ nisīditvā kathita’’nti vuttaṃ. ‘‘Viharati jetavane’’ti nidānavacanena yathā na virujjhati, tathā veditabbaṃ. Nanu imassa suttassa pucchāvasiko nikkhepoti? Saccametaṃ, suttekadesaṃ pana sandhāya aṭṭhuppattikatāvacanaṃ. Keci pana ‘‘yānaṃ āruhitvā rājā āgato, rañño ārohanīyarathaṃ dassetvā vutta’’ntipi vadanti.
ஸரீரே பே²ணபிண்ட³ஸமே கிங் வத்தப்³ப³ங்? ஸப்³பி⁴ ஸத்³தி⁴ந்தி ஸாதூ⁴ஹி ஸஹ பவேத³யந்தி. ந ஹி கதா³சி ஸாதூ⁴னங் ஸாதூ⁴ஹி ஸஹ கத்தப்³பா³ ஹொந்தி, தஸ்மா ஸீத³னஸபா⁴வானங் கிலேஸானங் பி⁴ஜ்ஜனப்பத்தத்தா நிப்³பா³னங் ஸப்³பீ⁴தி வுச்சதி. புரிமபத³ஸ்ஸாதி ‘‘ஸதஞ்ச த⁴ம்மோ ந ஜரங் உபேதீ’’தி பத³ஸ்ஸ. காரணங் த³ஸ்ஸெந்தோ ப்³யதிரேகவஸேன. ஸதங் த⁴ம்மோ நிப்³பா³னங் கிலேஸேஹி ஸங்ஸீத³னபி⁴ஜ்ஜனஸபா⁴வோ ந ஹோதி, தஸ்மா தங் ஆக³ம்ம ஜரங் ந உபேதி. கிலேஸா பன தன்னிமித்தகா, ஏவமயங் வுத்தகாரணதோ ஜரங் ந உபேதீதி. தேனாஹ ‘‘இத³’’ந்திஆதி³. ஸுந்த³ராதி⁴வசனங் வா ஏதங் ‘‘ஸப்³பீ⁴’’தி பத³ங் அபாபதாதீ³பனதோ, ஸப்³பி⁴த⁴ம்மபூ⁴தந்தி அத்தோ². தேனாஹ ‘‘விராகோ³ தேஸங் அக்³க³மக்கா²யதி (இதிவு॰ 90; அ॰ நி॰ 4.34), ந தேன த⁴ம்மேன ஸமத்தி² கிஞ்சீ’’தி (கு²॰ பா॰ 6.4; ஸு॰ நி॰ 227) ச.
Sarīre pheṇapiṇḍasame kiṃ vattabbaṃ? Sabbhi saddhinti sādhūhi saha pavedayanti. Na hi kadāci sādhūnaṃ sādhūhi saha kattabbā honti, tasmā sīdanasabhāvānaṃ kilesānaṃ bhijjanappattattā nibbānaṃ sabbhīti vuccati. Purimapadassāti ‘‘satañca dhammo na jaraṃ upetī’’ti padassa. Kāraṇaṃ dassento byatirekavasena. Sataṃ dhammo nibbānaṃ kilesehi saṃsīdanabhijjanasabhāvo na hoti, tasmā taṃ āgamma jaraṃ na upeti. Kilesā pana tannimittakā, evamayaṃ vuttakāraṇato jaraṃ na upetīti. Tenāha ‘‘ida’’ntiādi. Sundarādhivacanaṃ vā etaṃ ‘‘sabbhī’’ti padaṃ apāpatādīpanato, sabbhidhammabhūtanti attho. Tenāha ‘‘virāgo tesaṃ aggamakkhāyati (itivu. 90; a. ni. 4.34), na tena dhammena samatthi kiñcī’’ti (khu. pā. 6.4; su. ni. 227) ca.
ஜராமரணஸுத்தவண்ணனா நிட்டி²தா.
Jarāmaraṇasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஜராமரணஸுத்தங் • 3. Jarāmaraṇasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஜராமரணஸுத்தவண்ணனா • 3. Jarāmaraṇasuttavaṇṇanā
