| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
3. ஜாதரூபஸுத்தவண்ணனா
3. Jātarūpasuttavaṇṇanā
1153. அஞ்ஞேபி உக்³க³ஹாபனே உபனிக்கி²த்தஸாதி³யனே ச படிக்³க³ஹணத்தோ² லப்³ப⁴தீதி ஆஹ – ‘‘ந உக்³க³ண்ஹாபெந்தி, ந உபனிக்கி²த்தங் ஸாதி³யந்தீ’’தி. அத² வா திவித⁴ங் படிக்³க³ஹணங் காயேன வாசாய மனஸாதி. தத்த² காயேன படிக்³க³ஹணங் உக்³க³ஹணங், வாசாய படிக்³க³ஹணங் உக்³க³ஹாபணங், மனஸா படிக்³க³ஹணங் ஸாதி³யனங். திவித⁴ம்பி படிக்³க³ஹணங் ஸாமஞ்ஞனித்³தே³ஸேன, ஏகஸேஸனயேன வா க³ஹெத்வா ‘‘படிக்³க³ஹணா’’தி வுத்தந்தி ஆஹ – ‘‘நேவ நங் உக்³க³ண்ஹந்தீ’’திஆதி³. ஏஸ நயோ ‘‘ஆமகத⁴ஞ்ஞபடிக்³க³ஹணா’’திஆதீ³ஸுபி.
1153. Aññepi uggahāpane upanikkhittasādiyane ca paṭiggahaṇattho labbhatīti āha – ‘‘na uggaṇhāpenti, na upanikkhittaṃ sādiyantī’’ti. Atha vā tividhaṃ paṭiggahaṇaṃ kāyena vācāya manasāti. Tattha kāyena paṭiggahaṇaṃ uggahaṇaṃ, vācāya paṭiggahaṇaṃ uggahāpaṇaṃ, manasā paṭiggahaṇaṃ sādiyanaṃ. Tividhampi paṭiggahaṇaṃ sāmaññaniddesena, ekasesanayena vā gahetvā ‘‘paṭiggahaṇā’’ti vuttanti āha – ‘‘neva naṃ uggaṇhantī’’tiādi. Esa nayo ‘‘āmakadhaññapaṭiggahaṇā’’tiādīsupi.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 3. ஜாதரூபரஜதஸுத்தங் • 3. Jātarūparajatasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஜாதரூபஸுத்தவண்ணனா • 3. Jātarūpasuttavaṇṇanā
