| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૧૦. જાતિપૂજકત્થેરઅપદાનવણ્ણના
10. Jātipūjakattheraapadānavaṇṇanā
જાયં તસ્સ વિપસ્સિસ્સાતિઆદિકં આયસ્મતો જાતિપૂજકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે વિવટ્ટૂપનિસ્સયાનિ પુઞ્ઞાનિ ઉપચિનન્તો વિપસ્સિસ્સ ભગવતો કાલે કુલગેહે નિબ્બત્તો વિઞ્ઞુતં પત્તો નક્ખત્તપાઠકેહિ વિપસ્સિબોધિસત્તસ્સ વુત્તલક્ખણનિમિત્તં સુત્વા ‘‘અયં કિર કુમારો બુદ્ધો હુત્વા સકલલોકસ્સ અગ્ગો સેટ્ઠો સુત્વા સબ્બસત્તે સંસારતો ઉદ્ધરિસ્સતી’’તિ સુત્વા તં ભગવન્તં કુમારકાલેયેવ બુદ્ધસ્સ વિય મહાપૂજમકાસિ. પચ્છા કમેન કુમારકાલં રાજકુમારકાલં રજ્જકાલન્તિ કાલત્તયમતિક્કમ્મ બુદ્ધે જાતેપિ મહાપૂજં કત્વા તતો ચુતો તુસિતાદીસુ નિબ્બત્તો દિબ્બસુખમનુભવિત્વા પચ્છા મનુસ્સેસુ ચક્કવત્તાદિમનુસ્સસુખમનુભવિત્વા ઇમસ્મિં બુદ્ધુપ્પાદે કુલગેહે નિબ્બત્તો સત્તટ્ઠવસ્સકાલેયેવ ભગવતિ પસન્નો પબ્બજિત્વા વિપસ્સનં વડ્ઢેત્વા નચિરસ્સેવ અરહા અહોસિ.
Jāyaṃ tassa vipassissātiādikaṃ āyasmato jātipūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle kulagehe nibbatto viññutaṃ patto nakkhattapāṭhakehi vipassibodhisattassa vuttalakkhaṇanimittaṃ sutvā ‘‘ayaṃ kira kumāro buddho hutvā sakalalokassa aggo seṭṭho sutvā sabbasatte saṃsārato uddharissatī’’ti sutvā taṃ bhagavantaṃ kumārakāleyeva buddhassa viya mahāpūjamakāsi. Pacchā kamena kumārakālaṃ rājakumārakālaṃ rajjakālanti kālattayamatikkamma buddhe jātepi mahāpūjaṃ katvā tato cuto tusitādīsu nibbatto dibbasukhamanubhavitvā pacchā manussesu cakkavattādimanussasukhamanubhavitvā imasmiṃ buddhuppāde kulagehe nibbatto sattaṭṭhavassakāleyeva bhagavati pasanno pabbajitvā vipassanaṃ vaḍḍhetvā nacirasseva arahā ahosi.
૮૨. સો અપરભાગે અત્તનો પુબ્બકમ્મં સરિત્વા સોમનસ્સજાતો પુબ્બચરિતાપદાનં પકાસેન્તો જાયં તસ્સ વિપસ્સિસ્સાતિઆદિમાહ. તં હેટ્ઠા વુત્તત્થમેવ.
82. So aparabhāge attano pubbakammaṃ saritvā somanassajāto pubbacaritāpadānaṃ pakāsento jāyaṃ tassa vipassissātiādimāha. Taṃ heṭṭhā vuttatthameva.
૮૪. નેમિત્તાનં સુણિત્વાનાતિ એત્થ નિમિત્તં કારણં સુખદુક્ખપ્પત્તિહેતું જાનન્તીતિ નેમિત્તા, તેસં નેમિત્તાનં નક્ખત્તપાઠકાનં વચનં સુણિત્વાતિ અત્થો. સેસં સબ્બત્થ ઉત્તાનમેવાતિ.
84.Nemittānaṃ suṇitvānāti ettha nimittaṃ kāraṇaṃ sukhadukkhappattihetuṃ jānantīti nemittā, tesaṃ nemittānaṃ nakkhattapāṭhakānaṃ vacanaṃ suṇitvāti attho. Sesaṃ sabbattha uttānamevāti.
જાતિપૂજકત્થેરઅપદાનવણ્ણના સમત્તા.
Jātipūjakattheraapadānavaṇṇanā samattā.
દ્વાદસમવગ્ગવણ્ણના સમત્તા.
Dvādasamavaggavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૧૦. જાતિપૂજકત્થેરઅપદાનં • 10. Jātipūjakattheraapadānaṃ
