| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. ஜேதவனஸுத்தவண்ணனா
8. Jetavanasuttavaṇṇanā
48. ஏஸிதகு³ணத்தா ஏஸியமானகு³ணத்தா ச இஸீ, அஸெக்கா² ஸெக்க²கல்யாணபுது²ஜ்ஜனா ச. இஸீனங் ஸங்கோ⁴ இஸிஸங்கோ⁴. இஸிஸங்கே⁴ன நிஸேவிதங். தேனாஹ ‘‘பி⁴க்கு²ஸங்க⁴னிஸேவித’’ந்தி.
48. Esitaguṇattā esiyamānaguṇattā ca isī, asekkhā sekkhakalyāṇaputhujjanā ca. Isīnaṃ saṅgho isisaṅgho. Isisaṅghena nisevitaṃ. Tenāha ‘‘bhikkhusaṅghanisevita’’nti.
தங் காரெந்தஸ்ஸ க³ந்த⁴குடிபாஸாத³கூடாகா³ராதி³வஸேன ஸினித்³த⁴ஸந்த³ச்சா²யருக்க²லதாவஸேன பூ⁴மிபா⁴க³ஸம்பத்தியா ச அனஞ்ஞஸாதா⁴ரணங் அதிரமணீயங் தங் ஜேதவனங் சித்தங் தோஸேதி, ததா² அரியானங் நிவாஸபா⁴வேனபீதி ஆஹ ‘‘ஏவங் பட²மகா³தா²ய ஜேதவனஸ்ஸ வண்ணங் கதெ²த்வா’’தி. தேனாஹ ப⁴க³வா – ‘‘யத்த² அரஹந்தோ விஹரந்தி, தங் பூ⁴மிராமணெய்யக’’ந்தி (த⁴॰ ப॰ 98; தே²ரகா³॰ 991). அபசயகா³மிசேதனா ஸத்தானங் விஸுத்³தி⁴ங் ஆவஹதி கம்மக்க²யாய ஸங்வத்தனதோதி ஆஹ ‘‘கம்மந்தி மக்³க³சேதனா’’தி. சதுன்னங் அரியஸச்சானங் விதி³தகரணட்டே²ன கிலேஸானங் விஜ்ஜ²னட்டே²ன ச விஜ்ஜா . மக்³க³பஞ்ஞா ஸம்மாதி³ட்டீ²தி ஆஹ ‘‘விஜ்ஜாதி மக்³க³பஞ்ஞா’’தி. ஸமாதி⁴பக்கி²கா த⁴ம்மா ஸம்மாவாயாமஸதிஸமாத⁴யோ. யதா² ஹி விஜ்ஜாபி விஜ்ஜாபா⁴கி³யா, ஏவங் ஸமாதி⁴பி ஸமாதி⁴பக்கி²கோ. ஸீலங் ஏதஸ்ஸ அத்தீ²தி ஸீலந்தி ஆஹ ‘‘ஸீலே பதிட்டி²தஸ்ஸ ஜீவிதங் உத்தம’’ந்தி. தி³ட்டி²ஸங்கப்பாதி ஸம்மாதி³ட்டி²ஸங்கப்பா. தத்த² ஸம்மாஸங்கப்பஸ்ஸ ஸம்மாதி³ட்டி²யா உபகாரபா⁴வேன விஜ்ஜாபா⁴வோ வுத்தோ. ததா² ஹி ஸோ பஞ்ஞாக்க²ந்த⁴ஸங்க³ஹிதோதி வுச்சதி. யதா² ச ஸம்மாஸங்கப்பாத³யோ பஞ்ஞாக்க²ந்த⁴ஸங்க³ஹிதா, ஏவங் வாயாமஸதியோ ஸமாதி⁴க்க²ந்த⁴ஸங்க³ஹிதாதி ஆஹ ‘‘வாயாமஸதிஸமாத⁴யோ’’தி. த⁴ம்மோதி ஹி இத⁴ ஸமாதி⁴ அதி⁴ப்பேதோ ‘‘ஏவங்த⁴ம்மா தே ப⁴க³வந்தோ அஹேஸு’’ந்திஆதீ³ஸு (தீ³॰ நி॰ 2.13; ம॰ நி॰ 3.197; ஸங்॰ நி॰ 5.378) விய. வாசாகம்மந்தாஜீவாதி ஸம்மாவாசாகம்மந்தாஜீவா. மக்³க³பரியாபன்னா ஏவ ஹேதே ஸங்க³ஹிதா. தேனாஹ ‘‘ஏதேன அட்ட²ங்கி³கமக்³கே³னா’’தி.
Taṃ kārentassa gandhakuṭipāsādakūṭāgārādivasena siniddhasandacchāyarukkhalatāvasena bhūmibhāgasampattiyā ca anaññasādhāraṇaṃ atiramaṇīyaṃ taṃ jetavanaṃ cittaṃ toseti, tathā ariyānaṃ nivāsabhāvenapīti āha ‘‘evaṃ paṭhamagāthāya jetavanassa vaṇṇaṃ kathetvā’’ti. Tenāha bhagavā – ‘‘yattha arahanto viharanti, taṃ bhūmirāmaṇeyyaka’’nti (dha. pa. 98; theragā. 991). Apacayagāmicetanā sattānaṃ visuddhiṃ āvahati kammakkhayāya saṃvattanatoti āha ‘‘kammanti maggacetanā’’ti. Catunnaṃ ariyasaccānaṃ viditakaraṇaṭṭhena kilesānaṃ vijjhanaṭṭhena ca vijjā. Maggapaññā sammādiṭṭhīti āha ‘‘vijjāti maggapaññā’’ti. Samādhipakkhikā dhammā sammāvāyāmasatisamādhayo. Yathā hi vijjāpi vijjābhāgiyā, evaṃ samādhipi samādhipakkhiko. Sīlaṃ etassa atthīti sīlanti āha ‘‘sīle patiṭṭhitassa jīvitaṃ uttama’’nti. Diṭṭhisaṅkappāti sammādiṭṭhisaṅkappā. Tattha sammāsaṅkappassa sammādiṭṭhiyā upakārabhāvena vijjābhāvo vutto. Tathā hi so paññākkhandhasaṅgahitoti vuccati. Yathā ca sammāsaṅkappādayo paññākkhandhasaṅgahitā, evaṃ vāyāmasatiyo samādhikkhandhasaṅgahitāti āha ‘‘vāyāmasatisamādhayo’’ti. Dhammoti hi idha samādhi adhippeto ‘‘evaṃdhammā te bhagavanto ahesu’’ntiādīsu (dī. ni. 2.13; ma. ni. 3.197; saṃ. ni. 5.378) viya. Vācākammantājīvāti sammāvācākammantājīvā. Maggapariyāpannā eva hete saṅgahitā. Tenāha ‘‘etena aṭṭhaṅgikamaggenā’’ti.
உபாயேன விதி⁴னா அரியமக்³கோ³ பா⁴வேதப்³போ³. தேனாஹ ‘‘ஸமாதி⁴பக்கி²யத⁴ம்ம’’ந்தி. ஸம்மாஸமாதி⁴பக்கி²யங் விபஸ்ஸனாத⁴ம்மஞ்சேவ மக்³க³த⁴ம்மஞ்ச. ‘‘அரியங் வோ, பி⁴க்க²வே, ஸம்மாஸமாதி⁴ங் தே³ஸெஸ்ஸாமி ஸஉபனிஸங் ஸபரிக்கா²ர’’ந்தி (ம॰ நி॰ 3.136) ஹி வசனதோ ஸம்மாதி³ட்டி²ஆத³யோ மக்³க³த⁴ம்மா ஸம்மாஸமாதி⁴பரிக்கா²ரா. விசினெய்யாதி வீமங்ஸெய்ய, பா⁴வெய்யாதி அத்தோ². தத்தா²தி ஹேதும்ஹி பு⁴ம்மவசனங். அரியமக்³க³ஹேதுகா ஹி ஸத்தானங் விஸுத்³தி⁴. தேனாஹ ‘‘தஸ்மிங் அரியமக்³கே³ விஸுஜ்ஜ²தீ’’தி. பஞ்சக்க²ந்த⁴த⁴ம்மங் விசினெய்யாதி பச்சுப்பன்னே பஞ்சக்க²ந்தே⁴ விபஸ்ஸெய்ய. தேஸு விபஸ்ஸியமானேஸு விபஸ்ஸனாய உக்கங்ஸக³தாய யத³க்³கே³ன து³க்க²ஸச்சங் பரிஞ்ஞாபடிவேதே⁴ன படிவிஜ்ஜீ²யதி, தத³க்³கே³ன ஸமுத³யஸச்சங் பஹானபடிவேதே⁴ன படிவிஜ்ஜீ²யதி, நிரோத⁴ஸச்சங் ஸச்சி²கிரியாபடிவேதே⁴ன, மக்³க³ஸச்சங் பா⁴வனாபடிவேதே⁴ன படிவிஜ்ஜீ²யதீதி ஏவங் தேஸு சதூஸு ஸச்சேஸு விஸுஜ்ஜ²தீதி இமஸ்மிங் பக்கே² நிமித்தத்தே² ஏவ பு⁴ம்மங், தேஸு ஸச்சேஸு படிவிஜ்ஜி²யமானேஸூதி அத்தோ².
Upāyena vidhinā ariyamaggo bhāvetabbo. Tenāha ‘‘samādhipakkhiyadhamma’’nti. Sammāsamādhipakkhiyaṃ vipassanādhammañceva maggadhammañca. ‘‘Ariyaṃ vo, bhikkhave, sammāsamādhiṃ desessāmi saupanisaṃ saparikkhāra’’nti (ma. ni. 3.136) hi vacanato sammādiṭṭhiādayo maggadhammā sammāsamādhiparikkhārā. Vicineyyāti vīmaṃseyya, bhāveyyāti attho. Tatthāti hetumhi bhummavacanaṃ. Ariyamaggahetukā hi sattānaṃ visuddhi. Tenāha ‘‘tasmiṃ ariyamagge visujjhatī’’ti. Pañcakkhandhadhammaṃ vicineyyāti paccuppanne pañcakkhandhe vipasseyya. Tesu vipassiyamānesu vipassanāya ukkaṃsagatāya yadaggena dukkhasaccaṃ pariññāpaṭivedhena paṭivijjhīyati, tadaggena samudayasaccaṃ pahānapaṭivedhena paṭivijjhīyati, nirodhasaccaṃ sacchikiriyāpaṭivedhena, maggasaccaṃ bhāvanāpaṭivedhena paṭivijjhīyatīti evaṃ tesu catūsu saccesu visujjhatīti imasmiṃ pakkhe nimittatthe eva bhummaṃ, tesu saccesu paṭivijjhiyamānesūti attho.
அவதா⁴ரணவசனந்தி வவத்தா²பனவசனங், அவதா⁴ரணந்தி அத்தோ². ‘‘ஸாரிபுத்தோவா’’தி ச அவதா⁴ரணங் ஸாவகேஸு ஸாரிபுத்தோவ ஸெய்யோதி இமமத்த²ங் தீ³பேதி தஸ்ஸேவுக்கங்ஸபா⁴வதோ. கிலேஸஉபஸமேனாதி இமினா மஹாதே²ரஸ்ஸ தாதி³ஸோ கிலேஸவூபஸமோதி த³ஸ்ஸேதி. தஸ்ஸ ஸாவகவிஸயே பஞ்ஞாய பாரமிப்பத்தி அஹோஸி. யதி³ ஏவங் ‘‘யோபி பாரங்க³தோ பி⁴க்கு², ஏதாவபரமோ ஸியா’’தி இத³ங் தேஸங் பு³த்³தா⁴னங் ஞாணவிஸயே பஞ்ஞாபாரமிப்பத்தானங் வஸேனேவ வுத்தந்தி த³ட்ட²ப்³ப³ங். அவதா⁴ரணம்பி விமுத்தியா நானத்தா தீஹி விமுத்தீஹி பாரங்க³தே ஸந்தா⁴யேதங் வுத்தங். தேனாஹ – ‘‘பாரங் க³தோதி நிப்³பா³னங் க³தோ’’திஆதி³. ந தே²ரேன உத்தரிதரோ நாம அத்தி² லப்³ப⁴தி, லப்³ப⁴தி சே, ஏவமேவ லப்³பெ⁴ய்யாதி அதி⁴ப்பாயோ.
Avadhāraṇavacananti vavatthāpanavacanaṃ, avadhāraṇanti attho. ‘‘Sāriputtovā’’ti ca avadhāraṇaṃ sāvakesu sāriputtova seyyoti imamatthaṃ dīpeti tassevukkaṃsabhāvato. Kilesaupasamenāti iminā mahātherassa tādiso kilesavūpasamoti dasseti. Tassa sāvakavisaye paññāya pāramippatti ahosi. Yadi evaṃ ‘‘yopi pāraṅgato bhikkhu, etāvaparamo siyā’’ti idaṃ tesaṃ buddhānaṃ ñāṇavisaye paññāpāramippattānaṃ vaseneva vuttanti daṭṭhabbaṃ. Avadhāraṇampi vimuttiyā nānattā tīhi vimuttīhi pāraṅgate sandhāyetaṃ vuttaṃ. Tenāha – ‘‘pāraṃ gatoti nibbānaṃgato’’tiādi. Na therena uttaritaro nāma atthi labbhati, labbhati ce, evameva labbheyyāti adhippāyo.
ஜேதவனஸுத்தவண்ணனா நிட்டி²தா.
Jetavanasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. ஜேதவனஸுத்தங் • 8. Jetavanasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. ஜேதவனஸுத்தவண்ணனா • 8. Jetavanasuttavaṇṇanā
