| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૫. જીવકમ્બવનસમાધિસુત્તં
5. Jīvakambavanasamādhisuttaṃ
૧૬૦. એકં સમયં ભગવા રાજગહે વિહરતિ જીવકમ્બવને. તત્ર ખો ભગવા ભિક્ખૂ આમન્તેસિ – ‘‘ભિક્ખવો’’તિ…પે॰… ‘‘સમાધિં, ભિક્ખવે, ભાવેથ. સમાહિતસ્સ, ભિક્ખવે , ભિક્ખુનો યથાભૂતં ઓક્ખાયતિ. કિઞ્ચ યથાભૂતં ઓક્ખાયતિ? ચક્ખું અનિચ્ચન્તિ યથાભૂતં ઓક્ખાયતિ, રૂપા અનિચ્ચાતિ યથાભૂતં ઓક્ખાયતિ, ચક્ખુવિઞ્ઞાણં અનિચ્ચન્તિ યથાભૂતં ઓક્ખાયતિ, ચક્ખુસમ્ફસ્સો અનિચ્ચોતિ યથાભૂતં ઓક્ખાયતિ, યમ્પિદં ચક્ખુસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ અનિચ્ચન્તિ યથાભૂતં ઓક્ખાયતિ…પે॰… જિવ્હા અનિચ્ચાતિ યથાભૂતં ઓક્ખાયતિ…પે॰… મનો અનિચ્ચોતિ યથાભૂતં ઓક્ખાયતિ, ધમ્મા અનિચ્ચાતિ યથાભૂતં ઓક્ખાયતિ…પે॰… યમ્પિદં મનોસમ્ફસ્સપચ્ચયા ઉપ્પજ્જતિ વેદયિતં સુખં વા દુક્ખં વા અદુક્ખમસુખં વા તમ્પિ અનિચ્ચન્તિ યથાભૂતં ઓક્ખાયતિ. સમાધિં, ભિક્ખવે, ભાવેથ. સમાહિતસ્સ, ભિક્ખવે, ભિક્ખુનો યથાભૂતં ઓક્ખાયતી’’તિ. પઞ્ચમં.
160. Ekaṃ samayaṃ bhagavā rājagahe viharati jīvakambavane. Tatra kho bhagavā bhikkhū āmantesi – ‘‘bhikkhavo’’ti…pe… ‘‘samādhiṃ, bhikkhave, bhāvetha. Samāhitassa, bhikkhave , bhikkhuno yathābhūtaṃ okkhāyati. Kiñca yathābhūtaṃ okkhāyati? Cakkhuṃ aniccanti yathābhūtaṃ okkhāyati, rūpā aniccāti yathābhūtaṃ okkhāyati, cakkhuviññāṇaṃ aniccanti yathābhūtaṃ okkhāyati, cakkhusamphasso aniccoti yathābhūtaṃ okkhāyati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti yathābhūtaṃ okkhāyati…pe… jivhā aniccāti yathābhūtaṃ okkhāyati…pe… mano aniccoti yathābhūtaṃ okkhāyati, dhammā aniccāti yathābhūtaṃ okkhāyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti yathābhūtaṃ okkhāyati. Samādhiṃ, bhikkhave, bhāvetha. Samāhitassa, bhikkhave, bhikkhuno yathābhūtaṃ okkhāyatī’’ti. Pañcamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૫-૬. જીવકમ્બવનસમાધિસુત્તાદિવણ્ણના • 5-6. Jīvakambavanasamādhisuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૫-૬. જીવકમ્બવનસમાધિસુત્તાદિવણ્ણના • 5-6. Jīvakambavanasamādhisuttādivaṇṇanā
