| Library / Tipiṭaka / તિપિટક • Tipiṭaka / અપદાન-અટ્ઠકથા • Apadāna-aṭṭhakathā |
૪. કક્કારુપુપ્ફપૂજકત્થેરઅપદાનવણ્ણના
4. Kakkārupupphapūjakattheraapadānavaṇṇanā
દેવપુત્તો અહં સન્તોતિઆદિકં આયસ્મતો કક્કારુપુપ્ફપૂજકત્થેરસ્સ અપદાનં. અયમ્પિ પુરિમબુદ્ધેસુ કતાધિકારો તત્થ તત્થ ભવે કતપુઞ્ઞસઞ્ચયો સિખિસ્સ ભગવતો કાલે ભુમ્મટ્ઠકદેવપુત્તો હુત્વા નિબ્બત્તો સિખિં સમ્માસમ્બુદ્ધં દિસ્વા દિબ્બકક્કારુપુપ્ફં ગહેત્વા પૂજેસિ.
Devaputto ahaṃ santotiādikaṃ āyasmato kakkārupupphapūjakattherassa apadānaṃ. Ayampi purimabuddhesu katādhikāro tattha tattha bhave katapuññasañcayo sikhissa bhagavato kāle bhummaṭṭhakadevaputto hutvā nibbatto sikhiṃ sammāsambuddhaṃ disvā dibbakakkārupupphaṃ gahetvā pūjesi.
૨૧. સો તેન પુઞ્ઞેન દેવમનુસ્સેસુ સંસરન્તો એકતિંસકપ્પબ્ભન્તરે ઉભયસુખં અનુભવિત્વા ઇમસ્મિં બુદ્ધુપ્પાદે સાવત્થિયં કુલગેહે નિબ્બત્તો વુદ્ધિમન્વાય સત્થરિ પસન્નો પબ્બજિત્વા નચિરસ્સેવ અરહા હુત્વા અત્તનો પુબ્બકમ્મં પચ્ચક્ખતો ઞત્વા સોમનસ્સજાતો પુબ્બચરિતાપદાનં પકાસેન્તો દેવપુત્તો અહં સન્તોતિઆદિમાહ. તત્થ દિબ્બન્તિ કીળન્તિ પઞ્ચહિ દિબ્બેહિ કામગુણેહીતિ દેવા, દેવાનં પુત્તો, દેવો એવ વા પુત્તો દેવપુત્તો, અહં દેવપુત્તો સન્તો વિજ્જમાનો દિબ્બં કક્કારુપુપ્ફં પગ્ગય્હ પકારેન, ગહેત્વા સિખિસ્સ ભગવતો અભિરોપયિં પૂજેસિન્તિ અત્થો. સેસં ઉત્તાનત્થમેવાતિ.
21. So tena puññena devamanussesu saṃsaranto ekatiṃsakappabbhantare ubhayasukhaṃ anubhavitvā imasmiṃ buddhuppāde sāvatthiyaṃ kulagehe nibbatto vuddhimanvāya satthari pasanno pabbajitvā nacirasseva arahā hutvā attano pubbakammaṃ paccakkhato ñatvā somanassajāto pubbacaritāpadānaṃ pakāsento devaputto ahaṃ santotiādimāha. Tattha dibbanti kīḷanti pañcahi dibbehi kāmaguṇehīti devā, devānaṃ putto, devo eva vā putto devaputto, ahaṃ devaputto santo vijjamāno dibbaṃ kakkārupupphaṃ paggayha pakārena, gahetvā sikhissa bhagavato abhiropayiṃ pūjesinti attho. Sesaṃ uttānatthamevāti.
કક્કારુપુપ્ફપૂજકત્થેરઅપદાનવણ્ણના સમત્તા.
Kakkārupupphapūjakattheraapadānavaṇṇanā samattā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / અપદાનપાળિ • Apadānapāḷi / ૪. કક્કારુપુપ્ફપૂજકત્થેરઅપદાનં • 4. Kakkārupupphapūjakattheraapadānaṃ
