| Tipiṭaka / Tipiṭaka (English) / Saṁyutta Nikāya, English translation |
संयुत्त निकाय २२।११
Saṁyutta Nikāya 22.11
The Related Suttas Collection 22.11
१। नकुलपितुवग्ग
1. Nakulapituvagga
1. Nakula’s Father
कालत्तयअनत्तसुत्त
Kālattayaanattasutta
Not-Self in the Three Times
सावत्थिनिदानं।
Sāvatthinidānaṁ.
At Sāvatthī.
“रूपं, भिक्खवे, अनत्ता अतीतानागतं; को पन वादो पच्चुप्पन्नस्स।
“Rūpaṁ, bhikkhave, anattā atītānāgataṁ; ko pana vādo paccuppannassa.
“Bhikkhus, form of the past and future is not-self, let alone the present.
एवं पस्सं, भिक्खवे, सुतवा अरियसावको अतीतस्मिं रूपस्मिं अनपेक्खो होति; अनागतं रूपं नाभिनन्दति; पच्चुप्पन्नस्स रूपस्स निब्बिदाय विरागाय निरोधाय पटिपन्नो होति।
Evaṁ passaṁ, bhikkhave, sutavā ariyasāvako atītasmiṁ rūpasmiṁ anapekkho hoti; anāgataṁ rūpaṁ nābhinandati; paccuppannassa rūpassa nibbidāya virāgāya nirodhāya paṭipanno hoti.
Seeing this, a learned noble disciple doesn’t worry about past form, doesn’t look forward to enjoying future form, and they practice for disillusionment, dispassion, and cessation regarding present form.
वेदना अनत्ता …
Vedanā anattā …
Feeling …
सञ्ञा अनत्ता …
saññā anattā …
Perception …
सङ्खारा अनत्ता …
saṅkhārā anattā …
Choices …
विञ्ञाणं अनत्ता अतीतानागतं; को पन वादो पच्चुप्पन्नस्स।
viññāṇaṁ anattā atītānāgataṁ; ko pana vādo paccuppannassa.
Consciousness of the past and future is not-self, let alone the present.
एवं पस्सं, भिक्खवे, सुतवा अरियसावको अतीतस्मिं विञ्ञाणस्मिं अनपेक्खो होति; अनागतं विञ्ञाणं नाभिनन्दति; पच्चुप्पन्नस्स विञ्ञाणस्स निब्बिदाय विरागाय निरोधाय पटिपन्नो होती”ति।
Evaṁ passaṁ, bhikkhave, sutavā ariyasāvako atītasmiṁ viññāṇasmiṁ anapekkho hoti; anāgataṁ viññāṇaṁ nābhinandati; paccuppannassa viññāṇassa nibbidāya virāgāya nirodhāya paṭipanno hotī”ti.
Seeing this, a learned noble disciple doesn’t worry about past consciousness, doesn’t look forward to enjoying future consciousness, and they practice for the disillusionment, dispassion, and cessation regarding present consciousness.”
एकादसमं।
Ekādasamaṁ.
नकुलपितुवग्गो पठमो।
Nakulapituvaggo paṭhamo.
तस्सुद्दानं
Tassuddānaṁ
नकुलपिता देवदहा, द्वेपि हालिद्दिकानि च; समाधिपटिसल्लाणा, उपादापरितस्सना दुवे; अतीतानागतपच्चुप्पन्ना, वग्गो तेन पवुच्चति।
Nakulapitā devadahā, Dvepi hāliddikāni ca; Samādhipaṭisallāṇā, Upādāparitassanā duve; Atītānāgatapaccuppannā, Vaggo tena pavuccati.
The authoritative text of the Saṁyutta Nikāya is the Pāli text. The English translation is provided as an aid to the study of the original Pāli text. [CREDITS »]
