| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૮. કલિઙ્ગરસુત્તં
8. Kaliṅgarasuttaṃ
૨૩૦. એવં મે સુતં – એકં સમયં ભગવા વેસાલિયં વિહરતિ મહાવને કૂટાગારસાલાયં. તત્ર ખો ભગવા ભિક્ખૂ આમન્તેસિ ‘‘ભિક્ખવો’’તિ. ‘‘ભદન્તે’’તિ તે ભિક્ખૂ ભગવતો પચ્ચસ્સોસું. ભગવા એતદવોચ –
230. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tatra kho bhagavā bhikkhū āmantesi ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘કલિઙ્ગરૂપધાના , ભિક્ખવે, એતરહિ લિચ્છવી વિહરન્તિ અપ્પમત્તા આતાપિનો ઉપાસનસ્મિં. તેસં રાજા માગધો અજાતસત્તુ વેદેહિપુત્તો ન લભતિ ઓતારં ન લભતિ આરમ્મણં. ભવિસ્સન્તિ, ભિક્ખવે , અનાગતમદ્ધાનં લિચ્છવી સુખુમાલા 1 મુદુતલુનહત્થપાદા 2 તે મુદુકાસુ સેય્યાસુ તૂલબિમ્બોહનાસુ 3 યાવસૂરિયુગ્ગમના સેય્યં કપ્પિસ્સન્તિ. તેસં રાજા માગધો અજાતસત્તુ વેદેહિપુત્તો લચ્છતિ ઓતારં લચ્છતિ આરમ્મણં.
‘‘Kaliṅgarūpadhānā , bhikkhave, etarahi licchavī viharanti appamattā ātāpino upāsanasmiṃ. Tesaṃ rājā māgadho ajātasattu vedehiputto na labhati otāraṃ na labhati ārammaṇaṃ. Bhavissanti, bhikkhave , anāgatamaddhānaṃ licchavī sukhumālā 4 mudutalunahatthapādā 5 te mudukāsu seyyāsu tūlabimbohanāsu 6 yāvasūriyuggamanā seyyaṃ kappissanti. Tesaṃ rājā māgadho ajātasattu vedehiputto lacchati otāraṃ lacchati ārammaṇaṃ.
‘‘કલિઙ્ગરૂપધાના, ભિક્ખવે, એતરહિ ભિક્ખૂ વિહરન્તિ અપ્પમત્તા આતાપિનો પધાનસ્મિં. તેસં મારો પાપિમા ન લભતિ ઓતારં ન લભતિ આરમ્મણં. ભવિસ્સન્તિ, ભિક્ખવે, અનાગતમદ્ધાનં ભિક્ખૂ સુખુમા મુદુતલુનહત્થપાદા. તે મુદુકાસુ સેય્યાસુ તૂલબિમ્બોહનાસુ યાવસૂરિયુગ્ગમના સેય્યં કપ્પિસ્સન્તિ. તેસં મારો પાપિમા લચ્છતિ ઓતારં લચ્છતિ આરમ્મણં. તસ્માતિહ, ભિક્ખવે, એવં સિક્ખિતબ્બં – ‘કલિઙ્ગરૂપધાના વિહરિસ્સામ અપ્પમત્તા આતાપિનો પધાનસ્મિ’ન્તિ. એવઞ્હિ વો, ભિક્ખવે, સિક્ખિતબ્બ’’ન્તિ. અટ્ઠમં.
‘‘Kaliṅgarūpadhānā, bhikkhave, etarahi bhikkhū viharanti appamattā ātāpino padhānasmiṃ. Tesaṃ māro pāpimā na labhati otāraṃ na labhati ārammaṇaṃ. Bhavissanti, bhikkhave, anāgatamaddhānaṃ bhikkhū sukhumā mudutalunahatthapādā. Te mudukāsu seyyāsu tūlabimbohanāsu yāvasūriyuggamanā seyyaṃ kappissanti. Tesaṃ māro pāpimā lacchati otāraṃ lacchati ārammaṇaṃ. Tasmātiha, bhikkhave, evaṃ sikkhitabbaṃ – ‘kaliṅgarūpadhānā viharissāma appamattā ātāpino padhānasmi’nti. Evañhi vo, bhikkhave, sikkhitabba’’nti. Aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. કલિઙ્ગરસુત્તવણ્ણના • 8. Kaliṅgarasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૮. કલિઙ્ગરસુત્તવણ્ણના • 8. Kaliṅgarasuttavaṇṇanā
