| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. கலிங்க³ரஸுத்தவண்ணனா
8. Kaliṅgarasuttavaṇṇanā
230. கலிங்க³ரங் வுச்சதி கு²த்³த³கதா³ருக²ண்ட³ங், தங் உபதா⁴னங் ஏதேஸந்தி கலிங்க³ரூபதா⁴னா. லிச்ச²வீ பன க²தி³ரத³ண்ட³ங் உபதா⁴னங் கத்வா ததா³ விஹரிங்ஸு. தஸ்மா வுத்தங் ‘‘க²தி³ரக⁴டிகாஸூ’’திஆதி³. பகதிவிஜ்ஜுஸஞ்ஞிதோ நத்தி² ஏதேஸங் க²ணோ விஜ்ஜ²னேதி அக்க²ணவேதி⁴னோ ததோ ஸீக⁴தரங் விஜ்ஜ²னதோ. ‘‘அக்க²ண’’ந்தி விஜ்ஜு வுச்சதி இத்தரக²ணத்தா. அக்க²ணோபா⁴ஸேன லக்க²ணவேத⁴கா அக்க²ணவேதி⁴னோ. அனேகதா⁴ பி⁴ன்னஸ்ஸ வாலஸ்ஸ விஜ்ஜ²னேன வாலவேதி⁴னோ. வாலேகதே³ஸோ ஹி இத⁴ ‘‘வாலோ’’தி க³ஹிதோ.
230. Kaliṅgaraṃ vuccati khuddakadārukhaṇḍaṃ, taṃ upadhānaṃ etesanti kaliṅgarūpadhānā. Licchavī pana khadiradaṇḍaṃ upadhānaṃ katvā tadā vihariṃsu. Tasmā vuttaṃ ‘‘khadiraghaṭikāsū’’tiādi. Pakativijjusaññito natthi etesaṃ khaṇo vijjhaneti akkhaṇavedhino tato sīghataraṃ vijjhanato. ‘‘Akkhaṇa’’nti vijju vuccati ittarakhaṇattā. Akkhaṇobhāsena lakkhaṇavedhakā akkhaṇavedhino. Anekadhā bhinnassa vālassa vijjhanena vālavedhino. Vālekadeso hi idha ‘‘vālo’’ti gahito.
ப³ஹுதே³வ தி³வஸபா⁴க³ங் பதா⁴னானுயோக³தோ உப்பன்னத³ரத²பரிஸ்ஸமவினோத³னத்த²ங் ந்ஹாயித்வா. தே ஸந்தா⁴யாதி தே ததா²ரூபே பதா⁴னகம்மிகபி⁴க்கூ² ஸந்தா⁴ய. இத³ங் இதா³னி வுச்சமானங் அத்த²ஜாதங் வுத்தங் போராணட்ட²கதா²யங். அயம்பி தீ³போதி தம்ப³பண்ணிதீ³பமாஹ. பதா⁴னானுயுஞ்ஜனவேலாய நிவேத³னவஸேன தத்த² தத்த² ஏகஜ்ஜ²ங் பஹதக⁴ண்டி³னிக்³கோ⁴ஸேனேவ ஏகக⁴ண்டி³னிக்³கோ⁴ஸோ, தத்த² தத்த² பண்ணஸாலாதீ³ஸு வஸந்தானங் பி⁴க்கூ²னங் வஸேன ஏகபதா⁴னபூ⁴தோ. நானாமுகோ²தி அனுராத⁴புரஸ்ஸ பச்சி²மதி³ஸாயங் ஏகோ விஹாரோ, பிலிச்சி²கோளிநக³ரஸ்ஸ புரத்தி²மதி³ஸாயங். உப⁴யத்த² பவத்தக⁴ண்டி³ஸத்³தா³ அந்தராபவத்தக⁴ண்டி³ஸத்³தே³ஹி மிஸ்ஸெத்வா ஓஸரந்தி. கல்யாணியங் பவத்தக⁴ண்டி³ஸத்³தோ³ ததா² நாக³தீ³பே.
Bahudeva divasabhāgaṃ padhānānuyogato uppannadarathaparissamavinodanatthaṃ nhāyitvā. Te sandhāyāti te tathārūpe padhānakammikabhikkhū sandhāya. Idaṃ idāni vuccamānaṃ atthajātaṃ vuttaṃ porāṇaṭṭhakathāyaṃ. Ayampi dīpoti tambapaṇṇidīpamāha. Padhānānuyuñjanavelāya nivedanavasena tattha tattha ekajjhaṃ pahataghaṇḍinigghoseneva ekaghaṇḍinigghoso, tattha tattha paṇṇasālādīsu vasantānaṃ bhikkhūnaṃ vasena ekapadhānabhūto. Nānāmukhoti anurādhapurassa pacchimadisāyaṃ eko vihāro, pilicchikoḷinagarassa puratthimadisāyaṃ. Ubhayattha pavattaghaṇḍisaddā antarāpavattaghaṇḍisaddehi missetvā osaranti. Kalyāṇiyaṃ pavattaghaṇḍisaddo tathā nāgadīpe.
கலிங்க³ரஸுத்தவண்ணனா நிட்டி²தா.
Kaliṅgarasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. கலிங்க³ரஸுத்தங் • 8. Kaliṅgarasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. கலிங்க³ரஸுத்தவண்ணனா • 8. Kaliṅgarasuttavaṇṇanā
