| Library / Tipiṭaka / திபிடக • Tipiṭaka / ஸங்யுத்தனிகாய (டீகா) • Saṃyuttanikāya (ṭīkā) |
8. காமஸுத்தவண்ணனா
8. Kāmasuttavaṇṇanā
78. ‘‘அத்தகாமோ’’தி பாளியங் வுத்தத்தா ஆஹ ‘‘ட²பெத்வா ஸப்³ப³போ³தி⁴ஸத்தே’’தி. தே ஹி ஸப்³ப³ஸோ பரத்தா²ய ஏவ படிபஜ்ஜமானா மஹாகாருணிகா பரத்த²காமா, அத்த²காமா நாம ந ஹொந்தி, யா ச தேஸங் அத்தத்தா²வஹா படிபத்தி, ஸாபி யாவதே³வ பரத்தா² ஏவாதி. வுத்தங் போராணட்ட²கதா²யங். யஸ்மா போ³தி⁴ஸத்தா பரஹிதபடிபத்தியா பாரமியோ பூரெந்தா ததா²ரூபங் காரணங் பத்வா அத்தானங் பரேஸங் பரிச்சஜந்தி பஞ்ஞாபாரமியா பரிபூரணதோ, தஸ்மா இதா⁴பி ‘‘ஸப்³ப³போ³தி⁴ஸத்தே ட²பெத்வாயேவாதி வுத்த’’ந்தி ஆஹ. கல்யாணந்தி ப⁴த்³த³கங். வாசாய அதி⁴ப்பேதத்தா ஆஹ ‘‘ஸண்ஹங் முது³க’’ந்தி. பாபிகந்தி லாமகங் நிஹீனங். தங் பன ப²ருஸங் வாசந்தி ஸரூபதோ த³ஸ்ஸேதி.
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
காமஸுத்தவண்ணனா நிட்டி²தா.
Kāmasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 8. காமஸுத்தங் • 8. Kāmasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 8. காமஸுத்தவண்ணனா • 8. Kāmasuttavaṇṇanā
