| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૮. કામસુત્તવણ્ણના
8. Kāmasuttavaṇṇanā
૭૮. ‘‘અત્તકામો’’તિ પાળિયં વુત્તત્તા આહ ‘‘ઠપેત્વા સબ્બબોધિસત્તે’’તિ. તે હિ સબ્બસો પરત્થાય એવ પટિપજ્જમાના મહાકારુણિકા પરત્થકામા, અત્થકામા નામ ન હોન્તિ, યા ચ તેસં અત્તત્થાવહા પટિપત્તિ, સાપિ યાવદેવ પરત્થા એવાતિ. વુત્તં પોરાણટ્ઠકથાયં. યસ્મા બોધિસત્તા પરહિતપટિપત્તિયા પારમિયો પૂરેન્તા તથારૂપં કારણં પત્વા અત્તાનં પરેસં પરિચ્ચજન્તિ પઞ્ઞાપારમિયા પરિપૂરણતો, તસ્મા ઇધાપિ ‘‘સબ્બબોધિસત્તે ઠપેત્વાયેવાતિ વુત્ત’’ન્તિ આહ. કલ્યાણન્તિ ભદ્દકં. વાચાય અધિપ્પેતત્તા આહ ‘‘સણ્હં મુદુક’’ન્તિ. પાપિકન્તિ લામકં નિહીનં. તં પન ફરુસં વાચન્તિ સરૂપતો દસ્સેતિ.
78. ‘‘Attakāmo’’ti pāḷiyaṃ vuttattā āha ‘‘ṭhapetvā sabbabodhisatte’’ti. Te hi sabbaso paratthāya eva paṭipajjamānā mahākāruṇikā paratthakāmā, atthakāmā nāma na honti, yā ca tesaṃ attatthāvahā paṭipatti, sāpi yāvadeva paratthā evāti. Vuttaṃ porāṇaṭṭhakathāyaṃ. Yasmā bodhisattā parahitapaṭipattiyā pāramiyo pūrentā tathārūpaṃ kāraṇaṃ patvā attānaṃ paresaṃ pariccajanti paññāpāramiyā paripūraṇato, tasmā idhāpi ‘‘sabbabodhisatte ṭhapetvāyevāti vutta’’nti āha. Kalyāṇanti bhaddakaṃ. Vācāya adhippetattā āha ‘‘saṇhaṃ muduka’’nti. Pāpikanti lāmakaṃ nihīnaṃ. Taṃ pana pharusaṃ vācanti sarūpato dasseti.
કામસુત્તવણ્ણના નિટ્ઠિતા.
Kāmasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૮. કામસુત્તં • 8. Kāmasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૮. કામસુત્તવણ્ણના • 8. Kāmasuttavaṇṇanā
